|
#1
01-07-2008, 09:19 AM
|
||||
|
||||
|
جروب (( انا اللجنة))
لو ماشي علي 60 .. علي 80 .. علي 100 .. علي 820 .. لازم يطلعلك حد متعرفش منين و ياخد من جنبك غرزة بمنتهي قلة الذوق و قلة الأدب و الغشومية يا بنتهي بوقوع قلب حضرتك في رجليك يا اما بحادثة تموتوا فيها انتوا الأتنين ، و اللي خد الغرزة ده ممكن يبقي اي حاجة .. ملاكي .. تاكسي .. مقطورة .. سوبر جيت .. طائر الرخ.. اي حاجة
الدائري و المحور ( ايام ما كان ماشي .. ايااااام) و طريق الواحات تحس ان انت في السيرك .. تريلات علي سوبر جيت علي نقل علي ميكروباصات علي ملاكي كله بياخد غرز تبص ادامك محدش ماشي في خط مستقيم كله من اليمين عالشمال و من الشمال عاليمين ملف في وسط البلد عادي .. واحد مكسل يمشي وراك كام متر يقوم جاي من جنبك و كاسر عليك في الملف مطلعك عالرصيف او عالأقل موقفك و موقف الطريق وراك تبقي مدي اشارة .. و الناس عااااااادي جدا ولا أكنك عامل اي حاجة .. بالعكس تزنقك أكتر حتة جنبك يادوب تقضي دبوس .. و واحد مصمم يحشر نفسه فيها بالعربية .. و يخبطلك المرايا و يقولك معلش .. و هو ماشي يخبطها تاني !! كل واحد شايف ان مهمته في الحياة انه يتخطي العربية اللي قدامه سواء ماشية بسرعة او بالراحة .. او واحد بيحاول يسلك نفسه في الزحمة ( قال يعني هو النبيه اللي في الشارع كله) يقوم يكلكع الدنيا زيادة تبقي الإشارة واقفة و الشارع متنيل علي عينه .. تلاقي واحد كلكس عمال يزمرلك !! خير يا عم الحج ؟ يقولك خش ادامك فاضي .. تبص قدامك تلاقي ربع متر كنت سايبه للناس تعدي منه واحد يبقي واقف في اشارة ..و حاطط تلات تربع عربيته في الشارع اللي ماشي .. لا هو مشي و استفاد حاجة ولا الناس اللي اشارتها فاتحة عرفت تمشي .. ده غير ان الناس مبتعرفش تعدي الشارع ايه الحل دلوقت ؟ اهي دي مشكلة شعبية خالصة .. مش قصدي شعبية يعني جماهيرية .. لأ قصدي ان ملهاش اي علاقة بالحكومة .. الناس اخلاقها في السواقة واطــــــــــــــــية .. و كل واحد عايز يعدي و خلاص و تولع الناس .. و كل واحد فاكر نفسه خلاص شوماخر عالطريق و مش هيعمل حادثة .. مايكل شوماخر نفسه مبيسوقش في المدينة كدة .. لأن السواقة دي مكانها الملاهي او حلبة سباق .. مفيش حلقة سباق في مصر مش مشكلتي انا مش وزير ديزني لاند بس الطريق طريقي زي ماهو طريقك و من حقي امشي مستريح اعرف ناس كتير جالها اكتئاب من الطريق خصوصا الساكنين في اكتوبر او بيدرسوا هناك او اي حد بيعدي من وسط البلد الصبح كل يوم .. اعرف ناس ماتت في حوادث و كانوا صحابي و بنخرج مع بعض مفيش كام شهر ..اعرف ناس بقت بتكره تسوق و بتتعصب و بتجنن و ما بتصدق تروح و تنام عشان تترحم من عذاب الطريق .. و ناس تقوقعت علي نفسها و مبتخرجش برة منطقتها لأن مش عايزين يركبوا العربية ! و طالما احنا قاعدين في البلد .. يبقي لازم يبقي عندنا "ثقافة الحلول" حتي لو حاجة حاسين ان ميئوس منها .. ببساطة الموضوع يتلخص في حاجات صغيرة و تبدو بسيطة جدا بس ناقص تتنفذ! كل واحد بيسوق كدة و قرا الكلام ده .. يستحسن يبطل لأنها مش شطارة انه يوصل بدري 5 دقايق .. و نظام (هييه بعرف اخد غرز يالا نشد) .. ممكن في يوم ميوصلش خالص بسبب السواقة دي .. او اقلها العربية تبقي خردة حاول علي قد ما تقدر تسوق في خط مستقيم و تستخدم الإشارات قبل الانعطاف بفترة (المفروض ان ده العادي!) ماشي بالراحة امشي عاليمين ..ماشي عادي امشي في الحارة اللي في النص النص .. بسرعة عالشمال (سهلة دي) و ده المفروض العادي برده امشي في الحارة بتاعة اللفة لوهتلف متجيليش من اخر اليمين و عايز تلف من لفة في الشمال .. او طالع من لفة في اليمين الاقيك ادامي في اخر حارة شمال!! خليك محترم و امشي في حارة اللفة عشان متكسرش علي حد مش في كل الأحيان الحل بيبقي انك تعدي .. ساعات بيبقي الحل الصح انك تسيب غيرك يعدي في الطريق يسلك متبالغش في السرعة .. الناس اللي بتمشي 160 و 170 الأهم .. ازاي تتعامل مع البني ادمين دول؟ .. اي حد جاي من وراك مش هامه حد و بيقلبلك "وسع" و شايفه في المرايا متقمص نيد فور سبيد ..لو قلب نور أو ادا كلكس لو حتي قلع ملط في العربية .. متعبروووووش .. ده طريق الناس كلها مش طريق جنابه و المفروض كله يوسعله عشان جلالته يطير براحته .. احبسه وراك (طالما انت ماشي في سرعة مناسبة للطريق) لأن الأهم الناس كلها تمشي مش واحد يعدي و يلبس الناس في بعض و لو عداك قلبله نور لحد ما تعميه و فهمه انه غلطان عشان طول ما محدش بيقول للناس دي حاجة عمر ما حد هيبطل .. و لوجت فرصة في اشارة ولا حاجة تكلمه كلمه .. لو علي طريق سريع قلبله نور بس و متحاولش تكلمه لو تتقلبوا انتوا الأتنين متنسوش ان الحوادث دي خصوصا حوادث الغرز و السرعة بتحصل بشكل يومي .. يعني ممكن في اي يوم يضيع منك شخص غالي عليك جدا .. او ممكن انت بنفسك تقتل شخص عزيز علي ناس كتير بسبب السواقة دي مش هينفع نوقف عسكري في كل شارع .. كل واحد هيبقي اللجنة مـــــن حـــــقــــك تعترض علي تهور غيرك (بالذوق) لأنه طريقك زي ماهو طريقه من انهاردة مفيش لجنة .. انا اللجنة .. أاااانا اللجنة لينك الجروب http://www.facebook.com/home.php#/gr...id=15989176571 
|
|
#2
01-07-2008, 11:57 PM
|
|||
|
|||
رد: جروب (( انا اللجنة))
كل كلمة و كل حرف عبرت فعلا عن واقعنا الحالى المؤسف ..... مش فى الشارع بس ... لا للأسف أصبح سمة فى كل المجالات ... الأخلاق إنهارت و الحالة للأسواء .... الشئ الإيجابى الوحيد إنه فى ناس زى صاحب الجروب دة عاوز يغير .... لو كل واحد حاول كدة ... أتوقع يكون فى أمل ... و لو إنه أمل بعيد جدا لآن الحالة صعبة فعلا...
__________________
تحياتى م/ طارق زياد SPERANZA A620
|
|
#3
18-07-2008, 05:57 PM
|
||||
|
||||
|
رد: جروب (( انا اللجنة))
الكلام ده كله جميل جدا جدا جدا
بس يا ترى كام واحد هيلتزم بيه المشكله المشكله وكمان المشكله فى الالتزام يعنى انا بصراحه احيانا بلاقى ناس تخنقنى واضطر انى اخد منهم غرز يعنى يبقى الطريق ماشى عادى وده بيتمشى على الكورنيش طيب ما تمشى ما تخلى الناس تروح مشاوريها وتلحق مصالحها انما لا الباشا بيتمشى الشارع وراه يتحرق (ولما تيجى تعدى منه يبقى انت شرير وزاى تعمل كده) المشكله يا باشا ان محدش بيلتزم لا بالاتجاهات ولا بالسرعات(وخدلى بالك من بالسرعات دى) بس كلنا طبعا نأمل ان ظروف البلد تتحسن وكله على الله
|
|
#4
19-07-2008, 12:11 AM
|
||||
|
||||
|
رد: جروب (( انا اللجنة))
موضوع جميل بس للاسف مفيش فايدة angryhead
|
|
#5
19-07-2008, 01:30 AM
|
||||
|
||||
|
رد: جروب (( انا اللجنة))
انا مؤمن بنظرية وانت سايق خليك رايق :D
والله بجد لو الواحد بس ياخد كل حاجة ببساطة هتلاقى نفسك ماشى كويس وتروح من غير حرقة دم يعنى انا مثلا امبارح كنت ماشى فى شارع يااااااادوب يشيل عربيتين وفجئة لقيت واحد من اياهم استنصح واستغل انى سرحان شوية ورشق جمبى على اليمين وكمان قدم بوزة على عربيتى والطريق كان واقف موت اساسا المهم بصيتله باستغراب وضحكت لقيت الراجل اتكسف وضحك هو كمان :D وبعدين لما الطريق مشى وسعلى علشان اعدى كنت هاخد ايه بقى لو شمتمتة ولا قعدت ازعق هو كمان اكيد زهق من الزحمة وعايز يفلفص فمعلش وسع صدرك وكلنا مروحين 
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ادى الحقيقة ولا عزاء للمكابرين - حقائق عن شهداء وضحايا الثورة | AbOnOrA | ثورة الحرية 25 يناير | 64 | 08-11-2013 11:46 PM |
| رئيس لجنة بـ"المحلة" يضبط 12 دفترا مسودا لصالح مرسى | Saif eldien | ثورة الحرية 25 يناير | 13 | 17-06-2012 10:12 PM |
| لجنة جرد قصور الرئاسة تنفى تعرض المقتنيات للسرقة أوالنهب | Muhammad A | ثورة الحرية 25 يناير | 3 | 27-03-2012 04:44 AM |
| هذا شَيْخنا .... فليـُرينا امرؤٌ شيخه | سيف الرحمن11 | استراحة مصر موتورز | 0 | 17-02-2012 12:01 PM |
