عندي مشكلة محيراني

[talkilany]

بسم الله
أول حاجة تسريب الميه أكيد دورة التبريد بتاخد هوا عشان كده الأول شوف التسريب منين بعمل أختبار الكبس ببساطه منغير أجهزة خلى الصنايعى ينفخ فى قربة المياه وشوف التسريب منين ممكن كوعة مياه أو كاوتشة مشققة أو ناشفة

فى حاجة تانية بقى عايز أقول عليها بمناسبة المياه الخضراء الب 25 جنيه ديه
أحسبها صح تعيشها صح إزاى
يعنى تدفع أكتر من تمن الردياتير علشان تحافظ عليه أو تزود عمره الأفتراضى شوية
طيب هتزود عمره سنة ! السنة ديه تساوى كام من عمره 50 جنيه لأ حط فيه ميه عادية أحسن

ربنا يخليك يا باشا ...اولا كل سنة وانت طيب
ثانيا انا فضيت يوم الجمعه وروحت عند واحد اسمة ابو علاء بتاع ريداتيرات في ميدان الحلمية...المهم فك الخرطوم اللي جاي من الموتور للريداتير وفك غطا القربة وقالي ادور العربية... وفتح الخرطوم في القربة نزلت مية مصدية كتير من خرطوم الريداتير العلوي لغاية لما المية بقت بيضة...بعد كدا قولتلة لا انا عايز اغسل الريداتير نفسة...قاللي ماهو خلاص مافيش مية مصدية اصريت انه يفك الخرطوم اللي داخل في الريداتير من تحت ويحط الخرطوم في الريداتير من فوق ويغسلة غسلة كويسة...بعدين قفل وفكرت قولت المية دي كنت لسة مغيرها في شهر 6 اللي فات يعني لحقت تعمل كدا وطبعا عندي عقدة من المية الخضرا...في نفس الوقت التوكيل كان قاللي احاول احط مية حمرا احسن لقيت عندة جركن اسمة الامير ب30 جنية تركيزة 22في المائة ...قولت احطة ولو مكفاش اكمل مية مقطرة...المهم الجركن كان 4 لتر وكفى الحمد لله...وهو قالي بكرة قبل ماتخرج بالعربية بص كد على القربة وزود لو لقيتها ناقصة ...كان قاللي ان طرمبة المية كويسه
المهم النهاردة قبل ماخرج قلت ابص كدا لقيت المية مستواها في القربة كويس...المهم قولت الحمد لله البية كان رابط الافيز بتاع الخرطوم اللي فوق وحش بس كان في خط مية رفيع نازل على الجنب الفبر بتاع الريداتير جبت مفك وقرطت عليه اتظبط الحمد لله...بس فيه حاجة غريبة انا بابص في القربة ملقيتش المية صافية ورايقة لا...لقيتها معكرة شوية فانا عايز اعرف هل كل الصدا ماكنشي خرج امبارح وفضل شوية هما اللي عملو كدا ولا ايه مش عارف...المهم السخونية قلت شوية مع القرص وانا رايح الشغل 6 اكتوبر شوية صغيرة ...ايه رايك

خير يا جماعه انتم فين زعلانين مني ولا ايه؟؟؟؟؟

المشكلة زي ماهي ماتصلحتش ولا حاجة
رحت التوكيل وغيرت الريداتير وحطيت مية حمرا ومزيل صدأ
المهم حصل ماتوقعة المهندس سمير
المية الحمرا كشفت كل عيوب الخراطيم والكيعان
فغيرتهم كلهم يعني دورة التبريد مافيهاش الهوا
صلحت التكييف واشتغل الحمد لله
وبرضة العيب هو هو
مع تشغيل التكييف
اولا والجو حار جدا العربية بتسخن وانا ماشي والمؤشر بيوصل للشرطة اللي قبل الحمرا
ولو وقفت في اشارة مثلا العربية تبتدي تبرد تاني وينزل المؤشر
لو الجو معتدل او بليل مايحصلشي العيب دا والعربية ماتستخنش لا في الجري ولا الوقف
حاتجنن يا جماعه عايز اعرف السبب ايه
ارجوكم الحقونييييييييييييييييييي يييي

:shwt :

مافيش حد عايز يساعدني خالص