عندى مشكله فى فيرنا 2011 مانيوال كامله

[654321]

السلام عليكم
انا عندى مشكله فى سياره فيرنا جديده 2011 مانيوال كامله و كنت عايز اعرف هى فى عربيتى بس و لا فى كل العربيات اللى فى نفس الموديل:
1- صوت الموتور بيعلى عند 2300 rpm و بحس انه عالى زياده عن اللزوم و بيزيد مع زياده ال rpm
2- فى خشونه فى الفتيس مع الغيار الاول و التانى
3- فى صوت تصفير مع الغيار الاول و خصوصا لما ادوس بنزين بيبان اكتر بس الصوت مش من الموتور لان لما بدوس دبرياج بسمع صوت الموتور بس من غير صوت التصفير. و الصوت ده مع الغيار الاول بس
4- سحب العربيه وحش اوى. مقارنته بموديل 2010 و 2009 و مش عارف ده عادى و للا انا عندى حاجه

السياره عامله دلوقتى 1400 كم تقريبا و كل المشاكل دى من اول ما ركبت العربيه و طبعا انا قلتلهم فى صيانيه الالف على الكلام ده و قالولى تم فحص السياره و مافيش مشكله. بس طبعا انا حاسس بالمشاكل دى كلها.
ياريت خبراء الفيرنا يساعدونى و عايز اعرف رأى اللى معاهم نفس الموديل فى الموضوع

معلش طولت عليكو شويه......

شكرا..
احمـــــــــــــد

[ahmedShafie]

ان شاء الله خير والاخوة يعطوك الافاده والف مبروك

[بحر الحياه]

مساء الفل يا احمد
انا حسيت ان انا اللى عامل الموضوع ده مش انت لان عربيتى نفس عربيتك بالظبط موديل 2011 فول اوبشن مانوال وعامله برده لحد دلوقتى 1400 كم مش غريبه و كل المشاكل دى بالظبط عندى بالذات السفاره اللى فى الاول مجننانى وانا لو بصيت على مشاركاتى هتلاقينى كاتب مشاركه فى نفس الموضوع
بس انا السحب عندى كويس او انا حاس سانه كويس لانى كنت راكب 128 قبلها فاكيد هحس بفرق كبير جدا مهما كان وفى صيانه الاف قاوليلى ده صوت عادى بس انا مش مقتنع
عارف انا عملت ايه
رحت للميكانيكى اللى كنت بعمل عنده العربيه القديمة هو ميكانيكى عجوز ودئرم
سمعته الصوت بتاع الصفاره اللى ف الاول بس اكدلى ان ده صوت فتيس خشن ومالوش غير حل من الاتنين الاول تغير زيت الفتيس بزيت اتقل من اللى فيه فيكتم الصوت والتانى تروح تدوحر معاهم لحد ما يغيرولك الفتيس وبما انك فى الضمان لسه جديد يبقى التانى هو الصح
فحجزت ميعاد صيانه الجمعه اللى جايه 29 ابريل وناوى اتنحلهم فى الموضوع ده
لو عايز انا عندى اقتراح احجز انت كمان صيانه نفس اليوم وتعالى نتفق ونروح مع بعض ونشكل مركز قوة وتكتل ضدهم لو موافق قولى نتفق مع بعض
ملحوظه اوعى تقولى ان عربيتك انت كمان لونها فيرانى عشان كده هيبقى انت معاك عربيتى ولا ايه هههههههههههههههههههههه منتظر ردك

[Dr KeNaWy]

وتتوالى مشاكل غبور وهيونداى
تنحوا عشان يغيروا الفتيس
لى تجربة لم تنتهى بعد مع جهاز حماية المستهلك

[بحر الحياه]

المشاركة الأصلية كتبت بواسطة Dr KeNaWy وتتوالى مشاكل غبور وهيونداى تنحوا عشان يغيروا الفتيس لى تجربة لم تنتهى بعد مع جهاز حماية المستهلك

عارفها بس هما لحد دلوقتى محلوش مشكلتك طب ليه