الماتور خفيف ارجو النصيحه

[ramy safwt]

فى ناس بتعدل عربياتها و بتعمل موبينة لكل بوجيه ! و تحط اجنيشن امبليفير كمان تخيل الكهرباء بقى و المكن ماشى ما شاء الله

متفتحش الموتور خد موديل الموتور و المعلومات بتاعة و ادخل على النت دور على البيسون رينج عشان تعرف المقاس بالظبط و تنزل التوفيقية او شارع دمشق تجيب

1-طاقم شمبر و سيرفيس على الاشمزة
2- جوان وش سليندر يركب نضافة
3- انبوبة شزلونج " سيلكون عضم "
4-جركن زيت شيل هيليكس 5000
5- جركن ميه خضراء ليون
6- معزز زيت موتور المانى
7- طاقم نضافة الثيروتل
8- جوان الكارتيرة لأننا هنفكها
9-لو تقدر تجيب سير الكاتينا و الدينامو
10- تجيب جيركنين نفض "اوكتان"
11-اسبراى اكيا 90 تنضيف وصلات كهرباء
12-طاقم بوجيهات 3 شمعة
13-فلتر هواء
14-خرطوم فايظ جديد

لم الليلة دية و ترتب معايا فى الويك اند ان شاء الله هنجدد الموتور ده لحالة اللى جه بيها من التوكيل الواجب ده هدية و مفيهوش فلوس

[Darkboy_Matrex]

المشاركة الأصلية كتبت بواسطة adham.com كل الكلام إللي حضرتك قولته مضبوط 100 % أمر طبيعي إن لما الميكانيكي يقول للزبون علي إن في مشكلة كبيرة في العربية و محتاجه الموتور يتحل و يتفك الزبون طبعا بيقلق جدا و يفتكر ان الميكانيكي عايز يفتحله موال و حواااااااااار عشان كدة الميكانيكي يقوم ضابطلك الكهرباء و يقولك إطلع جرب و تعالالي أو يضبطلك حاجة تانية و يقولك إطلع جرب و تعالي من الأخر ليست حلول مسكنة زي ما إنت متخيل إنما الموضوع ما هو إلا تحليل لقمة العيش (عشان مايبقاش خد فلوس عالفاضي) المهم بص يا باشا هنتفق مع بعض علي حاجة حلوة 1- موتورك خفيف و محتاج طقم شنبر ..... دة أمر واقع ... و حاجة مافهاش كلام 2 - الزيت بينقص مع القرص أو بيتحرق مع السرعات العالية مثلا ... يبقي خف شوية من السرعة و من الحرق علي الموتور 3- حل مؤقت للمشكلة و ليس حل دائم و هو .... إستخدام زيت معين (بيسموه زيت شنبر) الزيت دة ثقيل الكثافة و ذات لزوجة عالية جدا و يعمل علي تقليل الأحتكاك و تقليل رغوة زيت الموتور و تقليل خروج الدخان الأبيض الزيت دة إسمه (Abro Oil Treatment) ثمن العبوة 15 جنيه 443 مل صورة ليه أهو هذا الزيت أو هذه العبوة تضاف مع زيت الموتور الجديد عند تغييره (مع كل غيار زيت جديد) طبعا لو عربيتك بتاخد 3 لتر زيت مثلا يبقي تنقص مقدار العبوة عشان مايبقاش زيت زيادة و يزيد من حجم المشكلة جرب الزيت دة و إن شاء الله هتلاقي فرق حلو و هتمشي بالعربية فترة اطول و هتستفيد أكتر من الموتور لفترة أطول إن شاء الله تجنب القرص علي الغيارات و تجنب السرعات العالية .. و خلي رجليك خفيفة علي دواسة البنزين دائما

اولا الف شكر على اهتمامك
ثانيا لو انا حبيت احل المشكله دى نهائيآ قبل ما تزيد معايا ايه المطلوب
موضوع العمره او النص عمره بسمع كتير ان الماتور لما يتفتح عمره مابيرجع لحالته تانى
ايه المطلوب منى اعمله بدل ما الميكانيكى يفتحلى فاتحه ومقدرش عليها مع العلم ان البوجيه الاول هو الى بيعرق والباقى سليم مفيش دخان بيخرج من الشكمان بس انا شامم ريحه الزيت المحروق عند السرعه بدون دخان ابيض
فهل طقم الشنبر يكفى ولا مطلوب حاجه تانيه

[احمد على 1999]

محدش حيعرف غير لما يفك و يشوف

[Darkboy_Matrex]

المشاركة الأصلية كتبت بواسطة ramy safwt فى ناس بتعدل عربياتها و بتعمل موبينة لكل بوجيه ! و تحط اجنيشن امبليفير كمان تخيل الكهرباء بقى و المكن ماشى ما شاء الله متفتحش الموتور خد موديل الموتور و المعلومات بتاعة و ادخل على النت دور على البيسون رينج عشان تعرف المقاس بالظبط و تنزل التوفيقية او شارع دمشق تجيب 1-طاقم شمبر و سيرفيس على الاشمزة 2- جوان وش سليندر يركب نضافة 3- انبوبة شزلونج " سيلكون عضم " 4-جركن زيت شيل هيليكس 5000 5- جركن ميه خضراء ليون 6- معزز زيت موتور المانى 7- طاقم نضافة الثيروتل 8- جوان الكارتيرة لأننا هنفكها 9-لو تقدر تجيب سير الكاتينا و الدينامو 10- تجيب جيركنين نفض "اوكتان" 11-اسبراى اكيا 90 تنضيف وصلات كهرباء 12-طاقم بوجيهات 3 شمعة 13-فلتر هواء 14-خرطوم فايظ جديد لم الليلة دية و ترتب معايا فى الويك اند ان شاء الله هنجدد الموتور ده لحالة اللى جه بيها من التوكيل الواجب ده هدية و مفيهوش فلوس

بص الميكانيكى بيقلق الواحد لما يقوله نفك وممكن نلاقى حاجه تانيه طب دلوقتى لو انا جبت الى انت قولت عليه ده هل هذا يكفى ولا ممكن الاقى مشكله جديده طلعتلى
انا العربيه الى معايا هيونداى اكسنت موديل 1999 التكلفه العامه للمطلوب كام؟
شكرا على اهتمامك

[Darkboy_Matrex]

المشاركة الأصلية كتبت بواسطة احمد على 1999 محدش حيعرف غير لما يفك و يشوف

شكرا على اهتمامك استاز احمد
فى واحد اعرفه قالى سد الشكمان لو العربيه برجلت وفصلت يبقى الماتور عايز عمره ولو العربيه مابطلتش يبقى الماتور سليم وسد الشكمان والعربيه مابطلتش
المشاكل الاساسيه الى عندى فى العربيه بلية الكاتينه عايزه تتغير + دسك واسطوانه
لان العربيه كنت بقرص عليها جامد ممكن يكون فى حجر تحت العربيه اقوم قارص وطالع منه ف ممكن ده يكون من العوامل الى بتاثر على خفة الماتور ولا دول موضوع منفصل البليه والدسك وهل الشنبر يكفى لحل المشكله ولا ممكن الاقى مشاكل تانيه فى الماتور
شكرا لاهتمامك