لوجان اوتو او صنى 2013 اوتو

[pinocchio]

السلام عليكم
انا معايا لانوس وهى بصراحة عربية جميلة وحمالة اسية وبستحمل مطبات مصر وعفشتها جامدة بس انا تعبت من سواقة المنيوال ونفسى اسوق اتوماتيك زى الناس المحترمة انا دائما مقياسى فى اختيار السيارة هو رقم واحد التوكيل انة تكون معاملة محترمة مع العملاء من ناحية الصيانة وميكونش عندو غش فى قطع الغيار لان بعض التوكيلات بتجيب قطع غيار صينى وتركبها على انها اصلى ويشيلنى فى فترة الضمان من الالف للياء غير بعض التوكيلات بتتهرب من مسؤليتها عن السيارة اثناء الضمان وتكلف العميل ثمن الصيانة وقطع الغيار ودة اسمة نصب طبعا والتوكيل اللى يعمل كدة ميبقاش توكيل محترم ثانيا انا ماتفرقش معايا شكل السيارة من الخارج بقدر ما يفرق معى وسع صالون السيارة ووسع الشنطة وعلو السيارة عن الارض علشان المطبات والحاجات العملية اكتر هى اللى تفرق معايا انا محتار بين عربيتين اللوجان والصنى الجديدة ارجو من السادة الاعضاء ابداء اراءهم فى العربيتين دول بس ياريت محدش يرشحلى اى سيارة اخرى لان انا استقريت على الاتنين دول بس وياريت يذكر اسباب ترشيحة للسيارة دى وعدم ترشيحة للسيارة الاخرى مع العلم ان الصنى اغلى من اللوجان بحوالى 23000جنية هل تستحق فرق السعر دة واللجان 110 حصان الصنى 108او 99حصان فى تضارب فى المعلومات وفى كل الاحوال اللوجان عدد احصنتها اعلى اما الصنى فيها ميزة الفرامل absهل فرامل abs اصبحت شئ اساسى فى اختيار اى عربية او هى مش فارقة فى شوارع مصر وهى مجرد رفاهية زيادة وشنطة اللوجان اكبر من شنطة الصنى ب20لتر 510-490 لتر هل ال20 لتر دول فرق كبير ولا صغير والصنى فيها فتح خزان الوقود من الداخل اللوجان مفيهاش دركسيون اللوجان مالتى فنكشن الصنى مفهاش الصنى فيها مراوح للمقاعد الخلفية لكن هى مجرد مراوح مش تكيف الصنى لا يوجد بها مؤشر حرارة مجرد لمبة وفى النهاية هل الصنى تستحق فرق المبلغ دة ام لا وشكرا

[pinocchio]

واضيف ان الصنى بها 2ايرباج واللوجان 1ايرباج وكاوتش الصنى صينى يعنى لما تشترى العربية لازم تتكلف ثمن 4كاوتشات جداد نوع نضيف

[yoyo_1989]

اول حاجة صلاة استخارة ثانيا : ان ارشح اللوجان فى كل حاجة كفاية الالفات الى فى فرق السعر بالنسبة للabs هية برده مفيدة فى الوقوف فجاة بس القرار يرجع ليك ... بس كان فى عضو من الاعضاء كان لقى فى نتشة فى فتيس اللوجان بتاعتة الجديدة و راح للتوكيل قاللوه اتكيف على هذا الوضع هو ده العيب الوحيد الى سمعته فى العربية فسأل عليه برده علشان ده مشكلة كبيرة .. التكييف ممتاز للوجان ..فتح التنك من الخارج مش قضية .. انا رايى اللوجان و بالتوفيق

[eng/walaaeldeen]

السلام عليكم
حكايتك زي حكايتي بالظبط حتى معايا برده لانوس 2006 بس انا محتار بين اللوجان والألنترا 2010
المهم الصني القديم معرف عنها انه غول بنزين مش عارف الجديد فيه نفس العيب ولا لأ
والله المستعان

[pinocchio]

المشاركة الأصلية كتبت بواسطة yoyo_1989 اول حاجة صلاة استخارة ثانيا : ان ارشح اللوجان فى كل حاجة كفاية الالفات الى فى فرق السعر بالنسبة للabs هية برده مفيدة فى الوقوف فجاة بس القرار يرجع ليك ... بس كان فى عضو من الاعضاء كان لقى فى نتشة فى فتيس اللوجان بتاعتة الجديدة و راح للتوكيل قاللوه اتكيف على هذا الوضع هو ده العيب الوحيد الى سمعته فى العربية فسأل عليه برده علشان ده مشكلة كبيرة .. التكييف ممتاز للوجان ..فتح التنك من الخارج مش قضية .. انا رايى اللوجان و بالتوفيق

شكرا لرد حضرتك بس اوضح موضوع النتشة دى موجودة فى كل عربيات الرينو وهى لا تعتبر مشكلة هى بتكون خفيفة مش ملحوظة اوى بس احنا ساعات بنبالغ شوية انا فى واحد قريبى عندو الميجان من 2006 ومبسوط منها جدا وكان شاريها زيرو ولما بنتو احتاجت عربية اداها لبنتو وهو اشترى فلوينس وبيقول انة عمرة ما هيركب عربية برة الرينو ابدا