قربت أخلص الألف كيلو الأولى، المروض أعمل إيه

[Tota El Masry]

صيانة 5000كم تربيط عفشة و تشييك على الطنابير و التيل
مبروك عليك ربنا يديك خيرها و يكفيك شرها

[amak313]

المشاركة الأصلية كتبت بواسطة adham_cs السلام عليكم أنا معايا لوجان أوتوماتيك الحمد لله دلوقتي عامل عليها حوالي 900 كيلو وكنت متبع فيهم تعليمات التليين يعني السرعة مزودتهاش عن 100 كيلو إلا مرة أو اتنين علشان افتح الموتور شغلت التكييف بعد حوالي 400 كيلو مفيش أي حاجة مريبة أو غلط غير بعض الحاجات البسيطة يعني محتاج أظبط زوايا لأن عندي حدفة يمين بسيطة لما اشغل التكييف أوقات بسمع تكة خفيفة في البداية لسه الموتور صوته خشن شوية لما أكون بره العربية إنما وأنا جوه مبسمع أي صوت استهلاك البنزين حسب كمبيوتر العربية 11 لتر لكل 100 كيلو أنا استلمت العربية والمعرض كان عامل كود الكاسيت علشان كده مروحتش التوكيل لحد دلوقتي فالمفروض أعمل إيه دلوقتي لأن الموتور محتاج ينضف عليه عفرة من المخزن ومحتاج أظبط زوايا قولولي أعمل إيه وشكرا مقدما ليكم يا أحلى أعضاء في المنتدى

الأول ألف مبروك عليك اللوجان الجديدة وربنا يديك خيرها ويكفيك شرها...
مافيش صيانة للأف كيلو وضبط الزوايا لا يخضع للضمان وأنصحك تظبطها عند أي واحد متخصص في ضبط الزوايا برة التوكيل عشان التوكيل تقريباً ثمن ضبط الزوايا فيه داخل على 100 جنيه انما برة مش هيعدي ال30 جنيه...

تغيير الزيت عند 10000 كيلو فعلاً وأقرب توكيل ليك في القاهرة هو توكيل العبور وده اوصل انت بس عند مدينة العبور على طريق القاهرة اسماعيلية الصحراوي قبل دخلة الزقازيق وانت هتلاقي يفط على جانب الطريق عليها علامة رينو مع اتجاه أسهم..

المشاركة الأصلية كتبت بواسطة sehsss العفو يا باشا.. بس 10 آلاف كيلو على زيت التليين كتييييييييييير المفروض بيتغير على ألف كيلو أو 5 آلاف على أقصى تقدير.. نصيحة غيره على الألف ونصيحة تانية بلاش زيت توتال اللي في التوكيل.. تحياتي

توضيح بس صغير اللوجان بيتم تليين موتورها في المصنع... المقصود بالتليين عند العميل هو تليين الفتيس والعفشة وأيضاً وضع الموتور على حمل حقيقي بعد التليين الأوتوماتيكي في المصنع...
بعكس الياباني والكوري الي بيتم تليينهم من الأول تليين بالمجهود لمسافة ألف كيلو وتغير انت الزيت بعدها...
الزيت الي بيتحط في اللوجان وهي خارجة من المصنع بعد التليين المبدئي هو زيت تخليقي مش عادي يعني مصمم لتحمل مدة تشغيل بتصل الى 10000 كيلو وأكتر كمان والتقنية ديه في التصنيع موجودة في معظم السيارات الأوروبية زي المرسيدس والبي ام دبليو مفيش حد فيهم بيغير الزيت عند أول ألف كيلو.. فمتستغربش يا سحس.. وبعدين ديه حاجة أكتر من 90 % من مالكي لوجان عملوها قبلنا ومن أكتر من 4 سنين وعربياتهم مباظتش و منهم الي أكيد كسر ال100000 كيلو وبرضه مظهرتش ليها أي أعراض جانبية...

المشاركة الأصلية كتبت بواسطة adham_cs بس انت عامل لحد دلوقتي 1600كم والزيت زي الفل

متقلقش بس لو في أي ملاحظات حسيتها في العربية اسأل التوكيل في التليفون وهو يقولك سببها...

[Dr.Smile]

amak313 قال كل الكلام اللي كنت محتاج أقوله

فعلاً موتور اللوجان بييجي متلين جاهز ,, وعادي جداً إنك تجيب 120 و 140 وانت لسة مكملتش 10 كيلو على بعض :D

والزيت بيتغير عند 10,000 ,, ومش هتحتاج تغير زيت قبلها

[sehsss]

المشاركة الأصلية كتبت بواسطة amak313 توضيح بس صغير اللوجان بيتم تليين موتورها في المصنع... المقصود بالتليين عند العميل هو تليين الفتيس والعفشة وأيضاً وضع الموتور على حمل حقيقي بعد التليين الأوتوماتيكي في المصنع... بعكس الياباني والكوري الي بيتم تليينهم من الأول تليين بالمجهود لمسافة ألف كيلو وتغير انت الزيت بعدها... الزيت الي بيتحط في اللوجان وهي خارجة من المصنع بعد التليين المبدئي هو زيت تخليقي مش عادي يعني مصمم لتحمل مدة تشغيل بتصل الى 10000 كيلو وأكتر كمان والتقنية ديه في التصنيع موجودة في معظم السيارات الأوروبية زي المرسيدس والبي ام دبليو مفيش حد فيهم بيغير الزيت عند أول ألف كيلو.. فمتستغربش يا سحس.. وبعدين ديه حاجة أكتر من 90 % من مالكي لوجان عملوها قبلنا ومن أكتر من 4 سنين وعربياتهم مباظتش و منهم الي أكيد كسر ال100000 كيلو وبرضه مظهرتش ليها أي أعراض جانبية...

توضيح أصغر.. كل السيارات بيتم تليين الموتور في المصنع قبل وضعه في السيارة مش الأوروبي فقط (الكوري والياباني والألماني) ولكن المقصود بالتليين هو تليين الموتور داخل السيارة مع الحمولة ولهذا السبب أيضا بينصح المصنعين بعدم تحميل السيارة بأوزان كبيرة في فترة الألف كيلو الأولى أو قطر سيارة أخرى في فترة التليين (ولو حضرتك فتحت أي مانيوال لأي سيارة هاتلاقي باب مكتوب فيه "فترة التليين") طبعا ده بالإضافة لتليين العفشة والفرامل
كل الزيوت اللي بتتحط في السيارات وهي خارجة من المصنع في الفترة الحالية (تخليقية) مش زي زمان بس الفكر إنه في الفترة الأولى من التشغيل بينزل (رايش) داخل الموتور نتيجة (القطع) للموتور واللي بتتجنبه الشركات الألمانية (مرسيدس) و(بي إم) بالقطع بالليزر لكي لا يكون هناك رايش في الفترة الأولى للتشغيل
وعلى فكرة أنا ما قلتش إن العربية هاتبوظ.. مضمون كلامي إن ده هايبقى (أفضل) للأسباب اللي ذكرتها سابقا.. تحياتي