ملاحظات هامة في السانديرو 2012

[hsmandour]

الحمد لله أصبحت من ملاك الرينو و اشتريت سانديرو كاملة مانيوال

العربية الحمد لله جميلة جدا جدا و الحمد لله بس انا كنت لقيت بعض الشكاوي هنا في المنتدي علي اللوجان و لقيت بعضها عندي .. فكنت عاوز رايكم هل المشاكل دي طبيعية و ملهاش حل و لا مش طبيعية و ليها حل في التوكيل :_

1- زنه خفيفة في دواسة البنزين

2- رعشة بسيطة في الفتيس .. يعني مثلا أنا كنت واقف في البنزبنة عشان امون و لما كنت بتحرك شوية شوية بعد كل عربية .. طبعا انا ماشي براحه جدا .. بحس بالرجه أو الرعشة دي ... دا غير ان الرعشة موجوده حتي و أنا واقف و ممور الفتيسش .... و بحس اكتر بيها مع التكييف

3- امبارح كنت مشغل التكييف و عديت علي مكان كان الناس بيحرقوا قمامه فيه ... و انا في قلب الدخان فيه دخنه حسيت بيها في العربية بالرغم من اني قافل الشبابيك كويس عشان مشغل التكييف .. فهل دا طبيعي

[Muhammad A]

الف مبروك
ربنا يعطيك خيرها ويكفي شرها

[hsmandour]

المشاركة الأصلية كتبت بواسطة Muhammad A الف مبروك ربنا يعطيك خيرها ويكفي شرها

شكرا جزيلا

[TheElder]

اولا الف مبروك, ثانيا انا معايا سانديرو بلاك لاين 2012 بردو بس انا عامل بيها 3500 كم دلوقتي , احب اطمنك من ناحية الزنة في الدواسة هتروح اما تعدي ال 3000 كم , بالنسبة للفتيس ده للاسف طبيعي في السانديرو و اللوجان , اما التكيف بقي ممكن تكون انتا ظبتو انو يبرد هوا من بره العربية, هتلاقي في زي زرار تحت زراير التكيف بيروح يمين و شمال هو ده المفروض تخليه دايما مظبوط انه يبرد الهوا اللي في العربية ( دورة مغلقة )...... بس بصراحة هتحس بفرق رهيب في العربية لما تعدي ال 3000 كم .... مفيش زنة.....سحب احسن....اقصي سرعة جبتها لحد دلوقتي 180 و ثبات جيد جدااا.... فرامل ممتازة

و ربنا يباركلك فيها ان شاء الله

[mohamedsalahelden]

المشاركة الأصلية كتبت بواسطة hsmandour الحمد لله أصبحت من ملاك الرينو و اشتريت سانديرو كاملة مانيوال الف مبروك وربنا يباركلك فيها العربية الحمد لله جميلة جدا جدا و الحمد لله بس انا كنت لقيت بعض الشكاوي هنا في المنتدي علي اللوجان و لقيت بعضها عندي .. فكنت عاوز رايكم هل المشاكل دي طبيعية و ملهاش حل و لا مش طبيعية و ليها حل في التوكيل :_ 1- زنه خفيفة في دواسة البنزين الزنه مش هتروح نهائى بس هتخف شويه بس مش هتختفى تماما 2- رعشة بسيطة في الفتيس .. يعني مثلا أنا كنت واقف في البنزبنة عشان امون و لما كنت بتحرك شوية شوية بعد كل عربية .. طبعا انا ماشي براحه جدا .. بحس بالرجه أو الرعشة دي ... دا غير ان الرعشة موجوده حتي و أنا واقف و ممور الفتيسش .... و بحس اكتر بيها مع التكييف شئ طبيعى جدا انك تلاقى رعشه ودى فى كل اللوجان او السانديرو بس قولهم عليها فى الصيانه وهما هيظبطوها 3- امبارح كنت مشغل التكييف و عديت علي مكان كان الناس بيحرقوا قمامه فيه ... و انا في قلب الدخان فيه دخنه حسيت بيها في العربية بالرغم من اني قافل الشبابيك كويس عشان مشغل التكييف .. فهل دا طبيعي لا ده مش طبيعى لان حضرتك فاتح هوا العربيه بمعنى انك عامل سحب الهواء من الخارج للعربيه وده مش كويس حضرتك ممكن تقفل وتخليه يسحب الهواء من الداخل وده هتلقيه اسفل البكر هتجيبه حضرتك على اليمين

والف مبروك مره اخرى