بحمد الله حجزت لوجان اوتوماتيك.. مشوار إتخاذ القرار .. كام شؤال عالماشي

[ahmedashraf]

الله يبارك فيكو يجماعة والله مش عارف أشكركم إزاي

الظاهر كمان وشوكو حلو عليا عشان جالى تليفون من المندوب بيقوللى اروح أستلم بكرة

الإستلام كان المفروض من بعد يوم 20 لكن إتصلو بيا قالولي إن الدفعة وصلت بدري لاكن للأسف اللون الأساسي مش موجود (بترولي) فنقلت الحجز على اللون الإحتياطي (نبيتي) والله الموفق, أنا كان عاجبني من الأول بس المدام لعبت فدماغي بالنسبة للبترولى وكمان شكلة حلو فى الصور (مش منتشر ومشتهوش على الطبيعة غير مرة او إتنين) بس مش ضامن على الطبيعة يبقى عامل إزاى. إنما الحمد لله رسيت على النبيتي وده كان عاجبني برده.

كمان المندوب بيقولى إن الناس إللى حجزت فى الوكيل لغيت الحجز وهجمت عليهم لما إنتشر خبر وصول الدفعة دي, مش عارف بقى بيشتغلنى عشان أخلص بسرعة ولا إيه, المهم يمكن دي تساهيل ربنا محدش عارف الخير فين.

[ahmedashraf]

المشاركة الأصلية كتبت بواسطة ابو الشوق كاديلك الف مبروووووووووووك وان شاء الله نباركلك علي الs500

الله يبارك فيك ياباشا, اللوجان رضي بس هي تبقى أصيلة ومتلسعناش فقطع الغيار هههههههه

المشاركة الأصلية كتبت بواسطة crime ان شاء الله بالتوفيق اختيار موفق للوجان ومبروك مقدما ربنا يديك خيرها ويكفيك شرها للاسف انا مش هاقدر افيدك علشان انا مش من اسكندريه تقبل تحياتى

ياباشا كفاية ردك

المشاركة الأصلية كتبت بواسطة AbkaReno حضرتك كاتب الكلام ده على ورق فلوسكاب الاول ؟؟ الف مبروك عموما وعقبال لما استلم الفلونس بتاعتي

ههههههههه ... لا والله ده من وحي اللحظة, أنا كنت مرعوب النور يقطع قبل ما اعمل post, ربنا يسهللك الحال وتستلم على خير إن شاء الله.

المشاركة الأصلية كتبت بواسطة akerima اولا الف مبروك مقدما وربنا يزيدك من خيرها ويكفيك شرها لو انت باذن الله ناوي تشتري من طارق اسماعيل اطمن خالص هما في المعاملة احسن ناس وورق العربية بيخلص اخرة اسبوع وبيطلع حد من عندهم كمان يخلص معاك الترخيص وانصحك انك تتعامل هناك مع واحد اسمة احمد زكريا في فرع سيتي سنتر ولما باذن الله تيجي تستلم ابقي راجع علي العربية بالكامل من برة ومن جوه مسمار مسمار وماتتكسفش من حد محدش حينفعك بعد ما تدور العربية وتطلع من عندهم وبعد ما تاخد العربية مباشرة اول حاجة تعملها تحط بنزين من اي بنزينة قريبة - لي تجربة مش سعيده في موضوع البنزين دا في اول خمس دقايق بعد ماستلمت العربية - وبعدين تطلع علي التوكيل في سموحة تاخد من عندهم كود الكاسيت في 5 دقايق وانت واقف باذن الله ومبروك مقدما وياريت تقولنا اللون ايه عشان لو شفناك في الشارع نحتفل بيك وبلوجي الجديدة

أستاذ ورئيس قسم اللوجان, دايما متابع ردودك وكلها مفيده ووافيه, اللون نبيتي يابشا إن شاء الله بعد مكنت حاجز البترولي بس النصيب, برده عاجبني والحمد لله. وإن شاء الله أطمنكم بعد مستلم بكرة إن شاء الله.

المشاركة الأصلية كتبت بواسطة mohamedsalahelden واخيرا الف مبروك وربنا ميلهالك بركه ولو عاوز اى استفسار انا تحت امرك اصلى انا سبقتك بالاوتو

رد وافى وكافى ياباشا كالعاده دائما, جزاك الله خير. على فكرة انا إللى كلمت حضرتك من كام يوم وسألتك على اللوجان الأوتو لو تفتكر. كلك ذوق ويارب أفيدك زي مفيدتني.

[ahmedashraf]

المشاركة الأصلية كتبت بواسطة blade2011 والله يابية ربنا معاك ويوفقك فى الاستلام بس انا لاحظت ان انتا خايف تملى نيتروجين لا عادى ياباشا انا معايا لانوس زيرو خدتها تانى يوم مليتها نتروجين وماحصلش حاجة حاجة اخيرة عاوز اقولهالك طبعا انا متفهم خوفك على العربية يعنى زيرو وتحويشة العمر وكدة بس حابب اقولك ان انتا هاتمشى بيها شهر واحد فى بلدنا مش هاتبقة زيرو خالص خدوش وحكات العيال الصغيرة سرقة علامات غباوة تكاتك ومكن وموتوسيكلات رخامة ميكروباسات فاعشان كدة ياباشا اعمل اللى انتا عاوزة وسيبها لله ربك هوة اللى بيحمى ولو فية حاجة تحصلك هاتحصلك املى نيتروجين واجرى عادى على الصحراوى ومن غير تشميع وماتقلقش يعنى

والله انا محتار فيه ناس بتقول لازم يتشفط الهواء تماما لحد الفرده متكرمش وناس تقول عادي, بس هو الكرمشة دي مش مضرة للكاوتش؟! وبعدين الناس بقالها كام سنه بتملى نيتروجين عادي من ساعت مظهر فى مصر. عموما أنا بفكر أضبط ضغط الهواء فقط وأمشي شوية كده عشان لما أحول لنيتروجين أقدر أحس بالفرق بين الإثنين.

طبعا ربك هو الحامي, ربنا يكفيكنا جميعا شر المسامير الطائشة والأيادي السارقة للعلامات والكاسرة للمساحات والمرايات.

المشاركة الأصلية كتبت بواسطة Neo206 مبروك العربية ربنا يديلك خيرها و يكفيك شرها

الله يبارك فحضرتك

المشاركة الأصلية كتبت بواسطة abdo_2828 الف مبروك عليك وعقبال اللامبورجينى

مره واحده كده هههههه, بس إحنا نلين اللوجان وبعدها نبقى نشوف. الله يبارك فيك.

المشاركة الأصلية كتبت بواسطة Moh.Osama الف مبروك مقدما وربنا يديك خيرها ويكفيك شرها وتستلم على خير ان شاء الله ولو عايز تسال على اى حاجه فى العربية قول انا معايا المانيوال من سنتين

أشكرك سيدي الفاضل وربنا يبارك فيك, جزاك الله كل خير.

[Marlborooo]

الف مليييييييييييون مبروووووووك ،، وان شاء الله العربية يكون وشها حلو عليك وربنا يباركلك فيها

[ahmedashraf]

طيب لازلت طمعان في اراء اكثر بالنسبة لــ:

- التفييم على خفيف قوي, هل لازم قبل الترخيص عشان يتثبت على الرخصة ولا بلاش منه خالص (ليه عيوب مثلا بيسيب أثر لو إتشال, أو مبيثبتش على الرخصة ويعملى قلق فى كل لجنة)؟؟؟؟

- التشميع, هل له أضرار على الدهان؟ وهل النتيجة تستحق عمله؟ أنا قصدي عشان سهولة النظافة واللمعان لفترة اطول.

- النيتروجين, هل فعلا غلط يتملى والعربية عادي على الأرض بعد تفضية الهواء العادي من غير شفط كامل بشفاط, ولا عادي مفيش مشكله؟؟؟؟

وتقبلو مني فائق الإحترام والتقدير