العودة   مصر موتورز مجتمع السيارات > السيارات الأوروبية > أودي AUDI

أودي AUDI أودي AUDI الالمانية تاسست عام 1899 وانضمت لمجموعة فولكس منذ عام 1964 وتمثل الجناح الرياضى والاكثر فخامة حيث تضم لامبورجينى وسيات وتعتبر منافسا لسيارات مرسيدس وBMW من اهم موديلات اودى A3 A4 A6 Q7


إضافة رد
 
أدوات الموضوع
  #31  
قديم 20-07-2010, 07:10 PM
miroseba miroseba غير متواجد حالياً
 
تاريخ التسجيل: Jan 2010
المشاركات: 267
miroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud of
افتراضي رد: لماذا الشعب المصرى غير مهتم بسيارة اودى

يا باشا عشان انت فى مصر لازم تشيل موبيل نوكيا لازم تشترى كيا او هيونداى لازم تحب الكورى بكل انواعه عشان تبقى مصرى ولازم تروح السينما بفشار ولازم تشجع الاهلى ههههههههههههههههههههه اه نسيت زولازم تحط ويندوز xp

يا باشا الاودى عربيه محترمه تستحق التقدير ولا تقل شأن عن مرسيدس و بى ام

لكن الفكر المصرى الفقيق لازم اقلد اجيب حاجه ركبتها مع قريبى او مع صاحبى او باشوفها في الشارع
و الدليل على كده
ان مفيش الفا روميو فى الشارع غير تسعناتو اوائل 2000
الاودى ابتدت دلوقتى تنتشر جااامد وباشوفها كتييير
الفا روميو بقت غاليه و صيانتها صعبه شويه بس كفايه brera العربيه ديه خيال
و الفولفو انا بقول ان مستقبلها ضاع فى مصر عشان الالشاعه بتاعت جيلى الى اشتارتها معرفش بجد بقى ولا كلام وخلاص

وكمان العربيات ديه مش لمصر مصر عايزه حاجه على قدها هونداى او كيا وكمان مبيستحملوش الطرق بتاعتنا

مصر عايزه عربيه نص نقل
toyota hilux دوبل كابينه
__________________


رد مع اقتباس
  #32  
قديم 20-07-2010, 07:19 PM
miroseba miroseba غير متواجد حالياً
 
تاريخ التسجيل: Jan 2010
المشاركات: 267
miroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud ofmiroseba has much to be proud of
افتراضي رد: لماذا الشعب المصرى غير مهتم بسيارة اودى

وعلى فكره الاودى بعض عربياتهااحسن من البى ام ياعنى كفايه والمرسيدس شركه كبيره و عريقه
وقويه وليها وزنها فى المانيا

وبصراحه الاودى a4 احسن من 318i و 320i
و ال a3 احسن من 116i

و خلاصه الكلام
ده ترتيبى
مرسيدس
اودى
بى ام دبليو
فولكس
سكودا
سيات
__________________



التعديل الأخير تم بواسطة miroseba ; 20-07-2010 الساعة 07:32 PM
رد مع اقتباس
  #33  
قديم 21-07-2010, 04:40 AM
Alioz Alioz غير متواجد حالياً
 
تاريخ التسجيل: Jul 2010
المشاركات: 47
Alioz will become famous soon enoughAlioz will become famous soon enough
افتراضي رد: لماذا الشعب المصرى غير مهتم بسيارة اودى

اولاً ح اتكلم عن الأودي ....

بصفة عامة و باختصار ......

الاودي من العربيات اللي ليها وزنها في سوق النخبة .... ....... يعني لو قرفت منها كواحد معاه فلوس ابيعها لابن عمي او ابن خالتي اللي معاهم فلوس برده ......

الاودي عربية من العربيات المحترمة جداً جداً ... و من أرقى الماركات الألمانية ..... و بتستخدم تكنولوجيا متطورة وممتازة ....

لكن تعال نبص للألماني بوجه عام .....

ح نجد ان المرسيدس تتفوق ...... لان المرسيدس من اقدم العربيات و من اوائل العربيات في العالم .... و على غرارها تم تصنيع بقية العربيات التانية ياباني و كوري و صيني و ماليزي و الماني و ايطالي ......

غير كدا ...

الاودي تمنها بيعدي المليون بالراحة .... و مين بقى في مصر معاه 100 الف جنيه على بعضهم الا الوزراء و المذيعين و الفنانين و رجال الأعمال و اصحاب الشركات الكبيرة و اصحاب المرتبات العالية جداً .....

علشان كدا ..... قطع غيار تمنها بالألوفات .... صيانة تمنها بالألوفات .... اعادة بيع زيرووووووووو ......

و قيس على كدا بقية العربيات من النوعيات الفارهة زي الليكزس ( فرع السيارات الفاخرة من تويوتا ) و الألفا روميو و الجاجوار ( اللي بعتبرها عالم تاني في العربيات ) و الفيراري و الكرايسلر و الدودج و اللاند روفر و الشفروليه ( منها نوعيات فاخرة جداً ) و البنتلي و الكاديلاك و الانفينتي و الفورد ( منها برده نوعيات فاخرة ) ....


كل دول عاوزين فلوس و فهم في نفس الوقت ......

بالإضافة الى التوكيل ...... و طبيعي انه ميعملهاش دعاية , لانه عارف ان المواطن المصري مهما وصل مش ح يجيب مليون جنيه ... لان معظمنا من الطبقة المتوسطة اللي تكاد ان تنقرض و الطبقة الفقيرة و معظمنا لما يلاقي عربية ب 150 الف يقسطها ..... و لو لقى عربية ب 50 الف برده يقسطها ....

زي ابو غالي مثلاً ...... ابو غالي واخد توكيل الكرايسلر و الجيب و الدودج و السوبارو ..... و دول عربيات مش شوية و بيجيبهم تقفيل بلادهم .... و تلاقيهم مش منتشرين ممكن نقول الجيب احسن الوحشين من نحية الانتشار دي .... اما الباقي فعالي قوي .....

ايه اللي يخلي مثلاً عربية زي السوبارو متنتشرش ؟ لأن الناس مش فاهمة السوبارو ... لو قلت لاي حد دي سوبارو يقول لك دي صيني دي و لا ايه ؟

برغم انها ماركة عالمية و معروفة و معروف كفاءتها و يكفي انها الوحيدة اللي السيدان منها دفع رباعي في مصر ... و ابو غالي كمان حاطط لها ارقام تسعير معقولة بالنسبة للياباني و كمان حاطط لها اسعار قطع غيار بالنسبة للياباني الجديد معقولة مش غالية ......

الا ان برده مش كتير بيشتروها الا اللي فاهمينها ..... ده غير ان ابو غالي فين و فين لما ينزل اعلان في الجرنال و ياريته اعلان يجذب المستهلك .... اعلاناته فاضية الى حد ما من عوامل الجذب .... و مفيش اعلانات في التلفزيون و لا الراديو ....

الاودي مستقبلها ح يكون حلو .. في حالة :
- ان الشعب المصري يبدأ يتنغنغ بزيادة ( و ده مستحيل )
- او ان الشعب المصري يبدأ يبص للعربيات من منظور تاني و برده يبقى معاه فلوس

لان معظمنا بيدور على المنظر و الكماليات بأرخص الاسعار و بيدور على اعادة بيع و قطع غيار .... و ده حال السوق و حال المستهلك المصري الحبيب

لكن لو عربية فيها كفاءة و أمان زي السوبارو او الفولفو او الهوندا ..... و ملهاش اعادة بيع , للأسف متتشراش .... حتى و لو كان سعرها معقول !

حتى اللادا ... منها موديلات جديدة و شكلها زي اللانوس و النيو اكسنت ..... و اللادا ميختلفش اتنين عليها ... و بالرغم من كدا , متتشراش الا الفئات المعروفة 2105 - 2107 - 2104 - 1500 - 1600 ....
------

أما بالنسبة لألمانيا ... انا ليا صديق حالياً في المانيا ... بيقول لي ان العربيات المنتشرة هناك ياباني و كوري !!!!!!!!!!! تخيلوا ...

و ان المرسيدس عادي زي اللادا عندنا كدا .... و فئات قديمة مش جديدة و كذلك الفولكس ...

--------

علشان نهتم بعربية زي اودي ... لازم نبحث و ندور و نفهم العربية .....

فهمناها ؟ نبتدي ندور على فلوسها ..... الواحد زي ما قلت بقى بيجيب ال 50 الف بالعافية ....
رد مع اقتباس
  #34  
قديم 24-07-2010, 03:29 AM
the__leader the__leader غير متواجد حالياً
 
تاريخ التسجيل: Dec 2009
المشاركات: 17
the__leader will become famous soon enough
افتراضي رد: لماذا الشعب المصرى غير مهتم بسيارة اودى

انا عن نفسي شايف ان الأودي عربية ما لهاش حل
ول معايا تمنها ما اترددش لحظة في اني اشتريها
عندهم موديلات اشكالها جامدة فعلا
رد مع اقتباس
  #35  
قديم 07-12-2010, 02:34 PM
cars admire
Guest
 
المشاركات: n/a
افتراضي رد: لماذا الشعب المصرى غير مهتم بسيارة اودى

الشعب المصرى غير مهتم بسيارة اودى !!

BECAUSE
1 we do not have very qalifecations mechanics enough to

handle with it

2 very high prices spare parts due to our lower income and our bad economy exchange!
3 rarely you can find people know really what audi brands name meant in real cars world it is pretty diffrant bettwen here and euroba !!
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 08:38 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017