@ لا تقولى فيرنا و لانوس ولا افيو و اكسنت .. اللوجان فوق الجميع @

[Mohamed Magdy]

بسم الله الرحمن الرحيم

بداية احب اسلم عليكم جميعا وأسجل انطباعاتى المميزة عن هذا المنتدى المميز بكل امكانياته الفنية والبشرية , ويارب اكون ضيف خفيف عليكم .
بعد توفيق من الله عز وجل استقريت على السيارة اللوجان المغربى والسبب المباشر هو أرائكم وانطباعاكم الجادة عن هذه السيارة حيث قررت ان اشترى اللوجان وابعد عن الفيرنا واللانوس الشليلتان .
السيارة وبعد تجربة 2500 كيلو تقريبا اثبتت بالنسبة لى بما لا يدع مجالا للشك انها كانت القرار الصحيح , العربية فى اول 100 كيلو كانت جميلة جدا واقدر اجرى بيها لحد 120 بدون ادنى مشكلة , لكن بعد الـ 1000 كيلو اصبحت اكثر قوة وانسيابية .
اللوجان شكلها جميل جدا جدا ومميز واللون الفضى كينج الألوان , ورغم انطباعاتى السيئة تجاه اللون الفضى لأنى بعتبره فقر عليه فى العربيات لكن مع اللوجان حاجة تانية بس ربنا يستر .
اللوجان اللى معايا استلمتها من 20 يوم تقريبا وسافرت بيها بعد ما وصلت للكيلو 1500 وفى يوم واحد دبيت بيها مشوار قوى جدا أكثر من 450 كيلو رايح جاى واحب انى اعرفكم المميزات والعيوب اللى شايفها وحاسس بيها فى اللوجان .
مميزاتــهــــا :
1- عالية قوى وبجد بجد بتعشق المطبااااااااااااااااات وده كان اول سبب لاقتنائها .
2-الصالون واااسع جدا جدا جدا ومريح للغاية .
3- شنطة العربية حمالة قاسية بجد شايلة حمل كبير جدا .
4- موتور قوى جدا ومش اقل من الفيرنا جديد وقبل شرائها سمعت كثير ان صوت الموتور .
5- اتزان اللوجان حتى الـ 120 جيد جدا .
6- طقم الكاوتشات والجنوط قوى وبيستحمل الغرز والمطبات والجرى.
7- الفرامل 10/10 بجد الفرامل اسعفتنى كثير فى مواقف صعبة .
8- استهلاك البنزين بعد الـ 1000 كيلو وصل لحوالى 8.6 لتر لكل 100 كيلو .
9- الكاسيت والسماعات الجانبية والخلفية 10/10 وصوتهم قوى جدا جدا , لكن الـ مش حلو وشكلى هريح نفسى واجيب mp3<?xml:namespace prefix = o ns = "urn:schemas-microsoft-com<img src=" /><o:p></o:p>
10- رغم سوء مكان كلاكس اللوجان لكن بصراحة وبعد 10 دقائق بس اتعودت عليها ومتهيألى احسن مكان للكلاكس هو دراع الاشارات فى اى عربية .
11- فى أى عربية لما بتفتح الكبوت ممكن تتخض من الزحمة واى حد يشوف اللوجان لازم يقول كده , لكن اول ما تفتح كبوت اللوجان هتلاقى وسع وبراح كبير للموتور والكابلات والبطارية وكل شئ , انسى الزحمة يا معلم فالموتور .
عيوبـــهــــــا :
1- الموتور تقيل نوعا ما مع استخدام التكييف لذلك مريح نفسى من التكييف .
2- انتشار هواء التكييف قوى جدا جدا لكن تأثيره على الموتور بجانب الهواء اللى خارج من تحت دواسة البنزين بيخلينى مقلق من استخدامه .
3- بعد سرعة الـ 120 انسى اتزان العربية تماما , العربية بتبقى مرجيحة ولا مراجيح دريم بارك والتحكم فى السيارة بيقل تدريجيا وبيكون صعب للغاية عند سرعة 160 و 170 .
4- الدركسيون تقيل شوية وبحس كثير انه بيستهبل لمؤاخذة ,, حاسس ان فيه مشكلة فى التيش تحت الدركسيون وهعرفها مع صيانة الـ 5000 لان ثبات الدركسيون واتزانه مقلقنى جدا .
5- مكان التحكم فى الزجاج الامامى للوجان مش حلو من وجهة نظرى لكن مكانه مقبول بالنسبة للزجاج الخلفى .
6- خلفية السيارة عالى جدا ومش سهل التعود عليه فرغم استخدامى للوجان لمدة 20 يوم تقريبا الا انى حتى الان لم اتعود على مقاسات ومسافات السيارة من الخلف وعند الركنات مش بشوف اللى ورايا والمسافات بدرجة جيدة ومرة لبست فى عربية مرسيدس وانا بجيب مرشدير لكن عدت على خير مع صاحبها .
فاضل نقطة اخيرة منتظر معرفتها وهى الصيانة , ياريت لو حد عنده معرفة لافضل مكان لعمل الصيانة مع العلم انى مقيم بحلوان أعمل فى مدينة نصر وياريت تقبولنى عضو معاكم فى شيلة عفاريت اللوجان , وشكرا لكم ..

[khaed_bmcars]

مع احترامي لسيادتك واحترامي لسيارتك ولجميع مقتنيها

ميصحش تقول كده وخصوصا كاعنوان لموضوع

انا رحت الاسماعيليه رايح جاي صد رد بالفيرنا وماقلتش لا وثباتها ان حلو لحد 120 برده مع الرغم انها كانت ايجار وعفشتها مش حلوه
وباي حال من الاحوال لا يصح مقارنه اللوجان بالنيو اكسنت لانها سياره اعلي اعلي منها باعتبارها سياره متوسطه الحجم واللوجان صغيره الحجم ولا يمكن مقارنه المواتير التي تختلف تماما ونفس الحال بالنسبه للانوس والافيو

والا مكنش حد اشتري النيو اكسنت الي عرضها بيخلي الناس عليها زي النمل رغم طرح اللوجان في السوق برده

وعلي اي حال الف مبروك علي عربيتك وربنا يباركلك فيها بس سيب الناس التانيه تفرح بعربيتها

[ringoo]

المشاركة الأصلية كتبت بواسطة Mohamed Magdy عيوبـــهــــــا : 1- الموتور تقيل نوعا ما مع استخدام التكييف لذلك مريح نفسى من التكييف . بعد مرحلة التليين وتخطى حاجز ال 5000 كيلو الموضوع دة مش حتحس بيه 2- انتشار هواء التكييف قوى جدا جدا لكن تأثيره على الموتور بجانب الهواء اللى خارج من تحت دواسة البنزين بيخلينى مقلق من استخدامه . يوجد بالتكييف بكرة لتظبيط مخارج الهواء عايز من تحت فقط موجود من فوق بس موجود من فتحات التابلوه موجود من كله موجود 3- بعد سرعة الـ 120 انسى اتزان العربية تماما , العربية بتبقى مرجيحة ولا مراجيح دريم بارك والتحكم فى السيارة بيقل تدريجيا وبيكون صعب للغاية عند سرعة 160 و 170 . عربيتك محتاجة تتظبط .... هل ظبط ضغط الاطارات بعد استلام السيارة 29 امامى و30 خلفى لو ظبطهم روح اظبطهم تانى عند حد كويس وليكن بريدج ستون واطلع على الطريق جرب تانى وقولى هو حضرتك جربت تمشى بالعربية 160 او 170 ؟؟؟ !! 4- الدركسيون تقيل شوية وبحس كثير انه بيستهبل لمؤاخذة ,, حاسس ان فيه مشكلة فى التيش تحت الدركسيون وهعرفها مع صيانة الـ 5000 لان ثبات الدركسيون واتزانه مقلقنى جدا . اظبط الضغط داخل الاطارات

الف مبروك على العربية الجميلة وربنا يباركلك فيها ويكفيك شرها
لكن انا بختلف معاك فى عنوان الموضوع لان كل العربيات اللى فى عنوان الموضوع عربيات محترمة
واللى يفرق بين شراء اللوجان و بين عربية تانية هى الاحتياجات الشخصية من السيارة
وعموما انا معايا لوجان وهى فعلا عربية جميلة وتستاهل كل مليم ادفع فيها والف مبروك

[mrdiver]

الف مبروك على العربيا وربنا يكفيك شرها ويبعد عنك ولاد الحرام بتوع المسامير اياها



تعقيب رفـــــيـــــع بس على كلامك اسمحلى اؤلك لو ألولى نبدلك فرنتك ال 1600 الكاملة ب عشرتالاف لوجان واللهى مهففكر حتاه (ربنا يخليكى لينا يا فرنا يا مهلهلة كل عربيات البلد)
خاااالص تحياتى ptmnlo123per193

[خالداعزالناس]

هيونداى نيو اكسنت
افيو
لانوس
فيرنا
.....
.....
.....
اه نسيت رينو لوجان