عاوز اجيب اللوجان بس ليا شوية اسئلة

[peregrine falcon]

السلام عليكم
الحمد الله اخترت أخيرا اللوجان المانيوال كاملة عشان تكون اول عربية ليا (ملكي) وان شاء الله هجبها من التوكيل وهقسط مباشر مع رينو بس ليا شوية أسئلة بعد اذنكم:
1- هل يمكن طي المرايات عادي ( ولا الغطاء لازم اجيبه بأجزاء للمرايات ).
2- هل صوت الماتورالعالي والسخونة اللي في الدوسات لسه موجودة في موديل 2013
3- هل حد استلم الكاسيت الجديد فعليا في موديل 2013 (عشان اخدت بالي انه كله بيقول هينزل بالسمع بس لسه محدش شافه فعليا) وتكون عربيته مانيوال.
4- هل يمكن تركيب جهاز انذار وباركنك سينسور في التوكيل ( بس هشتريهم من بره ).
5- هل صحيح الموديل 2013 نازل من غير سخان للزجاج الخلفي.
6- سمعت ان مفيش دلايات للعربية ( هل لها بديل ما في العربية) هل لازم نركبهم عشان الشتا والماية متبهدلش العربية ولا ملهمش لازمة؟
7- هل فعلا المانيوال 2013 بتتاخر في التوكيل عشان عاوزين يركزوا الفترة دي على الأوتماتيك؟

شكرا ليكم على مجهودكم الرائع في المنتدي اللي كان السبب اني اختار العربية دي
ان شاء الله هروح احجزها في شهر يناير الجي

[eng/walaaeldeen]

السلام عليكم
الي اعرفه ان المرايات بتتطي
وعزلو الحراره
وانا شوفت الكاسيت الجديد في عربيات
4+5 مش عارف
مسمعت انها من غير دلايات
وفعلا المانوال بيتأخر
واخيرا الأوتو افضل
والله اعلى واعلم
والله المستعان

[screamseko]

المشاركة الأصلية كتبت بواسطة peregrine falcon السلام عليكم الحمد الله اخترت أخيرا اللوجان المانيوال كاملة عشان تكون اول عربية ليا (ملكي) وان شاء الله هجبها من التوكيل وهقسط مباشر مع رينو بس ليا شوية أسئلة بعد اذنكم: 1- هل يمكن طي المرايات عادي ( ولا الغطاء لازم اجيبه بأجزاء للمرايات ). بتتقفل عادي جدا وبتتفتح بسهوله هي سوستتها ناشفه شويه بس ودي ميزه 2- هل صوت الماتورالعالي والسخونة اللي في الدوسات لسه موجودة في موديل 2013 الماتور صوته مش عالي وفي نفس الوقت مش هادي اللي هو متسمعلوش صوت ! صوته عادي يعني مش جرار بس تحس فيه بقوة الموتور سخونة الدواسات سببها مواسير التكييف اللي داخله من الكونصول تحت التابلوه بس انا محستش بسخونيه يعني وعامة المواسير زي مهي مش معزوله ومش فارقه معايا في حاجه 3- هل حد استلم الكاسيت الجديد فعليا في موديل 2013 (عشان اخدت بالي انه كله بيقول هينزل بالسمع بس لسه محدش شافه فعليا) وتكون عربيته مانيوال. في ناس كتير مانوال استلموا كل الفكره ان النص الاول من 2013 كاسيت قديم بس ام بي ثري ومدخل aux والنص التاني من 2013 نازل يو اس بي وبلوتوث 4- هل يمكن تركيب جهاز انذار وباركنك سينسور في التوكيل ( بس هشتريهم من بره ). السنسور في التوكيل ب300 جنيه وممكن تجيبه من بره ب125 وتركيبه في التوكيل ب350 وده شيء مبالغ فيه في حين ان السنسور بالتركيب بره ب175 جنيه مفيش انذار للوجان في التوكيل ومش بيركبوه لو جبت نوع من بره 5- هل صحيح الموديل 2013 نازل من غير سخان للزجاج الخلفي. موجود السخان 6- سمعت ان مفيش دلايات للعربية ( هل لها بديل ما في العربية) هل لازم نركبهم عشان الشتا والماية متبهدلش العربية ولا ملهمش لازمة؟ مفيش دلايات بس ممكن تجيبلها وليها مكان تركب فيه 7- هل فعلا المانيوال 2013 بتتاخر في التوكيل عشان عاوزين يركزوا الفترة دي على الأوتماتيك؟ اي حجز في التوكيل بيتسلم من 3 ل4 شهور شكرا ليكم على مجهودكم الرائع في المنتدي اللي كان السبب اني اختار العربية دي ان شاء الله هروح احجزها في شهر يناير الجي

الرد في الاقتباس
مبروك مقدما ان شاء الله واختيار موفق

[Jemmy]

بالاضافة للردود القيمة للأخ screamseco أحب أن أوضح ان مفتاح تسخين الزجاج الخلفى ومرايات الجنب تم نقله فى موديل 2013 فأصبح مع مفاتيح التكييف وللأسف بعض الموزعين انفسهم لا يعرفون ذلك حيث اخبرنى الفنى الذى قام بتسليمى السيارة ان المصنع قام بالغائه لأن الجو عندنا حار ثم اكتشفت مكان المفتاح بعد ذلك عند قراءة الكتالوج.
بالنسبة للدلايات قرأت فى هذا الموقع من مدة أن هناك دلايات خاصة باللوجان موجودة فى بعض المحلات تناسب المكان المخصص لها فى السيارة.

[peregrine falcon]

الف شكر على الردود السريعة والوافية وده المتوقع من المنتدى الرائع ده
بس عاوز اسأل ليه الأوتماتيك أفضل ( خاصة انا عمري ما سقت أتوماتيك ) وهل سواقتها سهلة غير كده بسمع انها لو بطلت في الشارع مش بتتزق كمان هي أغلى من العادية فممكن نوفر ده خاصة اني معرفش عنها حاجة ( ايه مميزات الأتوماتيك؟ وهل تستحق الفرق في السعر ده؟)