ماهى وصله AUX بالكاسيت؟

[fineart607]

بجد انت راجل محترم جزاك الله كل خير

[طارق السحت]

المشاركة الأصلية كتبت بواسطة luaai السلام عليكم ورحمة الله وبركاته أولا أحب أوضح معنى الحروف AUX والله بنلاقيها في أجهزة الكترونية كتير ومنها الكاسيت الكلاريون بتاع الـ 516 هي أول 3 حروف كلمة Auxiliary ومعناها إضافي أو مساعد وهي كلمة من تعبير من 3 كلمات هم: Auxiliary input jack يعني (الجاك المساعد الإضافي) أي أنه ممكن تركب جاك إضافي على الجهاز اللي عندك وساعتها هيعرض الـ input اللي جاي منه بمعنى: -----------> ناخد كاسيت الاسبيرانزا كمثال: الـ INPUT بتاعه عبارة عن 4 اتجاهات رايحة للسماعات الأولى ال CD الثانية الراديو الثالثة الكاسيت الرابعة الـ AUX في الـ 3 حالات الأولانية الجهاز بياخد الصوت اللي جاله منهم ويوديه على السماعات وده كلنا فاهمينه الحالة الرابعة بياخد اللي جايله من الجاك ويوديه عالسماعات بس بعد ما يعديه على تحكم الجهاز زي الفوليوم كنترول والاكواليزر وهو ده شكل الجاك اللي لسه مركبه في العربية عندي من أسبوعين قبل ما أرجع الرياض تاني (هانت كلها كام شهر وأرجع لمصر حبيبتي): وده خاص بالفيديو والأوديو كمان: جدير بالذكر أن أشكاله كتير ومقاساته (برضك) وده بيرجع لاحتياجك انك تستخدمه في ايه ونوع الأجهزة اللي هتوصلها ببعض أنا عن نفسي باستخدم الطرف الأول (جاك 3.5 مم) في الموبايل (نوكيا X6) والتاني في الكاسيت والنتيجة: صوت جبااااااااااااار كأنك مستخدم فلاشة ومن غير التشويش اللي بيضيفه الإم بي 3 موديولاتور بالتوفيق للجميع

رائع ،،، اشكرك على الرد الوافى الشافى

[khaled_1993m]

هل ينفع اني سمع المكالمات من سماعات العربي عن طريق ال aux ولا لأ ؟؟؟؟

[luaai]

المشاركة الأصلية كتبت بواسطة khaled_1993m هل ينفع اني سمع المكالمات من سماعات العربي عن طريق ال aux ولا لأ ؟؟؟؟

طبعا ينفع لكن تتكلم في المايك بتاع الموبايل
جرب أنت بس وأدعيلي

[طارق السحت]

المشاركة الأصلية كتبت بواسطة luaai طبعا ينفع لكن تتكلم في المايك بتاع الموبايل جرب أنت بس وأدعيلي

الحقيقه انا كنت ناوى ارد عليه
بس استنيت لحد ما انت ترد عليه لأنى مش عارف
وبادعيلك وترجع لنا بالسلامه انشاء الله