رابطة مالكي الكيا سيفيا فيد واستفد ( صداقة - نقل خبرات )

[sameh_saso]

المشاركة الأصلية كتبت بواسطة snoop سلام عليكم ورحمة الله وبركاتة كيا سيفيا موديل 94 1400 سى سى عاملة 200 الف كيلو السيارة كامله مانيوال دواخل فبريكه ، بطاريه جديدة ، 4 كاوتشات جديدة ، مكيفة يا ريت اعرف هل قطع غيارها موجودة ولا ؟ صاحبها طالب 28 الف السعر ده حنزل فية طبعا ايه انسب سعر لحالتها لو محتاجة رش من الخوارج اى نصيحة اخرى اكون شاكر جدا الرجاء الرد ضرورى لانى رايح اشوفها بكره الصبح ان شاء الله

قطع غيار قليلة جدا وتتعبك شوية لحد ما تلاقيها

[sameh_saso]

المشاركة الأصلية كتبت بواسطة مجتهد اخ سامح باسمع صوت ونه فى الموتوروخاصة بعد ما بأمشى بيها شوية رغم أن سحبها وقوة الموتور كويس جدا بس الصوت ده بيضايقنى جدا وخايف أسال ميكانيكى يطلع أى كلام ويفتى فهل الكيا كده أرجو النصيحة

صوت ونه ؟ غريبه شويتين
بس اللي انا اعرفه ان ماتور الكيا ماتور قوي وخشن بس ساعة تسخين العربية في الصباح بتحس بصوت تكتكه وده طبيعي لحد ما تسخن العربية وبيروح
انما صوت ونه ده انا اعرف انه ممكن يكون بلية سير الكاتنه او او بلية الدبرياج بس انت بتقول انها بتسحب كويس .
لو عاوز ميكانيكي محترف في اليسفيا وبدون اشتغالات انا اعرف واحد كويس.

تحياتي

[black_louts2006]

طيب ياريت تقولنا هو فين علشان انا عايز اشوف شوية حاجات كده في العربيه بتاعتي

[sameh_saso]

المشاركة الأصلية كتبت بواسطة black_louts2006 طيب ياريت تقولنا هو فين علشان انا عايز اشوف شوية حاجات كده في العربيه بتاعتي

انا رديت علي حضرتك علي الخاص
تحياتي

[osama31]

المشاركة الأصلية كتبت بواسطة mohammed salaheldeen انا معايا سيفيا 99 اوتوماتيك وكان بيظهر لمبة على التابلوه o/d off وبعد الاستفسار من اعضاء المنتدى عرفت انها خاصة بالفتيس وان به مشكلة وكان ذلك بسبب رداءه الزيت فلما قمت بتغيير الزيت اتحلت المشكلة......ولكن نصيحة مني لكل من يمتلك فتيس اوتوماتيك ان يتأكد من جودة الزيت اللي سوف يضعه في العربية ويتأكد تماما انه خاص للفتيس الاوتوماتيك

السلام عليكم

انا معايا سيفيا مو99 أتوماتيك ، لمبة od\off بتنور وتطفى والفتيس يقوم بنقل مرتين فقط اثناء المشى وعند سرعة 100كم الRPM يصل الى 4 ، وعندما تكون السيارة فى مشوار وابطل واجى امشى تانى الاقى العربية طالعة على السرعة الثالثة، انا لسة ماعملتيش فى اى حاجة بس روحت لميكانيكى اتوماتيك افادنى بان المشكلة فى حاجة اسمها Solonid قاطع ، وافادنى انة حيقوم بفك كارتيرة زيت الفتيس ويشوف اى Solonid الى قاطع ويقوم بتغيرة ب 250 جنية +200جنية مصنعية ويقوم بتغير الزيت طبعا فهل هذا العطل سببه هذا الSolonid فعلا ام اننى حقوم بصرف المبلغ دون فائدة ، برجاء الافادة فى أسرع وقت ممكن.

وشكرا لكافة المعلومات المفيدة