للأسف ممكن ترتكب حادث لاقدر الله

[saadalzeiny]

الأعزاء وأنا ماشى بالعربية فى عز الحر ومشغل التكييف وده على الغيار الثانى طبعا فى وسط البلد وعند التهدئة لمطب صناعى او الدخول فى منعطف احاول ادوس بنزين ولا هى هنا ولا يحزنون وكأن العربية مش حاسة ان فى بنزين واصل لها وبالتالى العربية مش بتتحرك والدنيا كلها وراك وجنبك واقفة(وممكن تعمل حادثة لاقدر الله ) لغاية حضرتك ماتتحرك وفين وفين لما تاخد سرعتها
للاسف احبابى ان كان هذا عند الكل فتبا للاسبرنزا وسحقا لها رغم الكماليات اللى فيها وبعد ان احببتها ايضا
لكن لو مش مشغل التكييف فهى عادى جدا تستجيب للسحب وضغط دواسة البنزين

[الدكتور محمد]

فعلا عدم الأستجابه السريعه دى مشكله كبيرة فى الأسبرانزا وممكن تعرض الواحد للخطر من القادم من الخلف، وليس لها حل حتى الأن

[mr_astra]

مين قال كدة بس
كانت فى عربية صديق لى والمشكلة اتحلت نهائي
لكن ليها عدة اسباب
بصراحة الموضوع دة انا حليتة فى عربيتين
الاولى غيرنا مكنة الاستوب
والتانية غيرنا حساس الكرنك

[vipper_san]

المشاركة الأصلية كتبت بواسطة mr_astra مين قال كدة بس كانت فى عربية صديق لى والمشكلة اتحلت نهائي لكن ليها عدة اسباب بصراحة الموضوع دة انا حليتة فى عربيتين الاولى غيرنا مكنة الاستوب والتانية غيرنا حساس الكرنك

والمشاكل دى كانت ظهرة على الجهاز ؟!!

[osa92003]

على فكره كل ده بيحصل مع اى عربيه وزنها تقيل مع موتور 1600 مش حكايه اسبرنزا ؟؟؟ اركب حضرتك كيا كارينز القديمه واسال ايه اللى بيحصل للعربيه مع تشغيل التكيف وطلوع اى مطلع !!! ولو جربت حضرتك بنزين 95 هتلاقى فرق رهيب ...العيب مش فى العربيه العيب فى المنظومه كلها ..ضرائب عاليه على مواتير فوق 1600 ..بنزين 92 بايظ ...بنزين 95 اسعار مولعه