ممكن اركب تكييف للماتور ده

[Hisham.Elgazzar]

فى واحد برضو بتاع عفشة على ناصية المدبح واخد ناصية كده ممتاز اوى ويعرف ربنا
الله يمسيه بالخير
بس نسيت اسمه مع الأسف

انا شديت العربية البولونيز عند عم سيد من 8 سنين


انت مكانك فين بالظبط ؟

[michohat]

المشاركة الأصلية كتبت بواسطة Hisham.Elgazzar ال131 اللى اتدبست فيها ايوة اتدبست فيها لأنى اكتشفت انها كانت عاملة حادثة وآخرها17 مش 21 واللى باعهالى نصب عليا فى 4000 جنيه بس موتورها كويس ، الكارونة بس هى اللى صوتها على (وأنا السبب ) المهم هى اساسا كانت نازلة مكيفة هتلاقى من جوا التبلوه الكويل الساقع وخراطيمه خارجة ع الحوض روحت لبتاع التكييف قاللى عاوزة كباس وطبعا لسه الشحن وازا كان فيه تسريب ولا حاجة ده غير شغل الكهربا لازم يكون بعيد عن الضفيرة والعزل ده قصة تانية المهم قررت انى الأول أغير الردياتير علشان بقى عامل زى المصفه (كل مشوار نص جركن ، تخيل ) وبعدين هروح لبتاع الكباسات أركب كباس بتعديل القعدة واللذى منه وبعدين ع الكهربائى وبتاع التكييف حتى لو الموتور هيفوت ، لازم بإذن الله أستهلك العربية بال5 الاف اللى اتنصب عليا فيهم ولو بإذن الله قابلت صاحب نصيبها همشيها وبالسعر اللى انا عاوزوا ومابين البايع والمشترى يفتح الله

العربية اللي معايا فيها تحكم بتاع الدفايه اللى هيا الريش اللي بتروح شمال ويمين والتحكم بتاع التكييف لسه ممكن اجيبه استيراد لو التكييف اللى هيركب هينفع عليه

ده بتاع التكييف الاصلي بتاعها وممكن يتجاب استيراد

المشاركة الأصلية كتبت بواسطة Hisham.Elgazzar ربنا يرزقنى ويرزقكم بإذن الله ونقدر نخلى عربياتنا كلها مكيفة

يا رب البنت بنتي هي الصعبانه عليا لسه مش كملت سنه و بتتسلق معايا في المشاوير مع اني بحاول اخلي المشاوير بليل

المشاركة الأصلية كتبت بواسطة Hisham.Elgazzar قدر الله وماشاء فعل ناس كتير دفعت فلوس اكتر مننا فى عربيات وشالوا مشاريب تانية كتير ، إرضى بالمقسوم وعيش ، واحمد ربك لو مفيش ،دى بركة ربك بالحلال حتى لو دوقه وعيش المهم ، بالنسبة لكنترول التكييف لازم واحد متخصص ، وطالما هو عندك فى التبلوه يبقى العربية كانت مكيفة عموما كده او كده ممكن يركب وحده خارجية ، زى اللى فى الموضوع بتاع استاز سيد2077عن تركيب تكييف ساندن للشاهين وريح دماغك من الحجات اللى فيها ، على الأقل الكنترول الجديد أسهل فى الشغل لكن انا مجربتوش وإحتمال اركبه علشان الكنترول اللى عندى متدمر ، ومفيش صنايعيى يفهم توصيلة ضفيرته ولا طريقة شغله يعنى بإذن الله لما تتوافر الماديات والمعاملات هركب كباس واشوف لو هينفع على اللى فى التبلوه (الهوا هيبقى ضعيف لأن المروحة صغيرة انا شوفتها لما فكيت ) او أركب وحدة خاجية وأدمجها فى الكونسولة (أعدل فى الكونسوله وبإذن الله هتبقى زى الفل إفرجها علينا يارب

كان في موضوع للاستاذ سبعاوي فى منتدي اخر قال ان الشاهين بيركب عليها كويل رقمه 404 وان الصنايعيه بيستسهلوا وبيركبوا رقم 202 واظن ان الارقام دي تفرق فى الكفاءة ف احنا نشوف المقاس الصح للكويل ونركبه
وبالنسبة لاستخدام منافذ هواء التابلوة هيكون شكلها احسن وايسر ولو محتاجه صيانه في الخراطيم بتاعتها ببتباع عند تجار الاستيراد وكذلك الهوايات نفسها وده هيخلينا نحافظ علي شكل صالون العربية بدل ما نركب الوحده الخارجية والصنايعية بيركبوها تحت الكاست فوق الهوايات الاصلية اللى فى الكنسولة

المشاركة الأصلية كتبت بواسطة Hisham.Elgazzar الNGK بوجيهات وحشة جربتها عندى وعند صاحبى معاه 132 مكانتش حلوة كانت بتخلى العربية تسك جامد جبت نوع روسى كويس ومش بيسك زى الأول لما أخرج من متاهات الكارونة والعفشة هبقى افوق للكلام ده انت بتنضف وش البستم من الكربون كل فترة إزاى ؟

الكارونه معاك مالها انا مجرب و فى الاول نزلت عند واحد صنايعي كويس فى حدائق القبة اسمه حمدي وفك لي الكارونه ولقى ان اللى بايظ البليه بس وغيرها لي والحمد لله مش كملت شهرين ثلاثة الا وانا مسافر الكارونه صفت الزيت و اتحرقت مني بس دنتها ماشية
فالحمد لله لسه من كام شهر جبت كارونه استيراد بتاعت 131 بس كانت استيشن لاني مش لاقيت سيدان وقتها وطلعت الكارونه السريعه واللي عندي كانت بطيئة فدي المفروض تدي سرعه اكتر للعربية والله اعلم
المهم الكارونه بتاعت الاستيشن كل اللي غيرته فيها هو مكان مسك المساعدين الخلفيين فيها لان قاعده مساعد السيدان غير الاستيشن والحمد لله شغاله تمام معايا والراجل اللى باعها لي قال اني احط ليها زيت لزوجه 90 مش 140 والحمد لله مفيش صوت وكنت جايبها ب 1900 من الزقازيق عندي هنا مع اني كنت عاوز اجيبها من عند طارق ابو زيد بس قولت المشوار طويل علي و حاولت اكتر من مره اظبط معاه ميعاد ومش عرفت

المشاركة الأصلية كتبت بواسطة Hisham.Elgazzar فى واحد برضو بتاع عفشة على ناصية المدبح واخد ناصية كده ممتاز اوى ويعرف ربنا الله يمسيه بالخير بس نسيت اسمه مع الأسف انا شديت العربية البولونيز عند عم سيد من 8 سنين انت مكانك فين بالظبط ؟

انت قولت انك بتنظف الكاربون اول مره اسمع الحكايه دي وكمان بطلت اقيس استهلاك البنزين للعربية لاني حاسس ان بنزين الايام دي مغشوش فمتوقع مش هيكون معدل حلو

الحمد لله عندي سمكري في الزقازيق وده من معارف والدي الله يرحمه وبثق فيه وف شغله فهسلمه العربية وهبقى معاه لو محتاج حاجه لاني ان شاء الله ناوي اني اللى اجهز العربية للدوكو يعني هنزلها كلها علي الصاج واجهزها بالمعجون وكده و هبقي اوديها لصنايعي يرشها وهستعين ف ده بواحد زميل لي دكتور صيدلي عمل عربيته بنفسه ودلوقت فى مرحله التشطيب ليها