لمبة البطارية بتفضل منورة متطفيش الا لما ادوس دوسة بنزين جامده

[mr_astra]

الدينامو ممكن يكون بيشحن بس شحنه ضعيف

ازاى ؟؟؟؟
ازاى بيشحن بس شحنة ضعيف اومال جهاز الشحن اللى عند الكهربائي بيعمل اية ؟
مفروض فى كل الحالات الفولت الخارج هو 14 فولت
اما ان اللمبة بتنور لفترة فابيكون سير مرخى او عاوز يتغير
السلانسية اقل من المطلوب
باد كونتاكت فى مكان او اكتر من مكان

[samiro]

يعنى دلوقتى انا توهت اعمل ايه او ابدأ باية ثم ايه....المفروض كده الدينامو بيشحن ولا لالان الكهربائى بيقولى لو مش بيشحن كان زمان البطارية خلصت من اول اسبوع اشترتها .....ملحوظة ممكن تكون مهمة لما اجى ادور العربية برضة لازم اسند سنة بنزين عشان تدور افيدونى

[mr_astra]

شوف حالة السير ومدى شدة
واكد على سلانسية العربية
واعمل نضافة للقواطيش بمية سخنة

[الهولندى الطائر]

المشاركة الأصلية كتبت بواسطة mr_astra ازاى ؟؟؟؟ ازاى بيشحن بس شحنة ضعيف اومال جهاز الشحن اللى عند الكهربائي بيعمل اية ؟ مثال :- زى الكشاف ابو بطارية ممكن يكون شغال بس خلاص البطارية بتشطب يبقى مطلع نور بس ضعيف جدا- ده تشبيه بس الشحن ضعيف معناه مش مطلع الامبير اللازم لشحن البطارية مفروض فى كل الحالات الفولت الخارج هو 14 فولت العبرة والفيصل فى قياس الدينامو مش الفولت - الاصل والاساس هو الامبير اجيبك دينامو تجربه شغال وديه لكهربائية مصر كلهم هيقولك شغال تقيسه يدى 14 فولت وعليهم بوسة لكن تعالى ندخله الفحص ونحمل عليه هتلاقى الكتالوج بتاعه بيقولك يطلع 20 امبير مثلا عند 3000 لفة rpm مثلا تقيس تلاقى الامبيرطلع 3 ده تفسيره العلمى ضعف شحن زى اى شىء خلقة ربنا يجى عليه مكون او عنصر يخل يقوم يضعف الشحن اما ان اللمبة بتنور لفترة فابيكون سير مرخى او عاوز يتغير السلانسية اقل من المطلوب المشكلة دى كانت عندى وفى النهاية طلعت لا سير ولا سلانسيه طلع الشحن ضعيف لان الدينامو خلاص بقى عجوز ركب الجديد - رجعت الدنيا فلة شمعه منورة باد كونتاكت فى مكان او اكتر من مكان

الاجابة باللون الاحمر - مع فائق احترامى - وفى النهاية حضرتك أكثر خبرة منى

[samiro]

شكرا لردودكم جميعا وهبدا اشوف الدينامو عند الكهربائى واقولكم