|
#21
20-01-2012, 04:46 AM
|
|||
|
|||
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
واضح أنك بتحب تشتغل بإيدك و دى مهارة أساسية هامة جدا بالنسبة للنتشة ... كوندنسر و تغير كوندنسرات لحد ما تلاقى المضبوط و ممكن النتشة تكون بسبب " لدع جزئى " فى الأبلاتين زمان .. غيرت 5 كوندنسرات فى ثلاثة ايام لأن فعلا قطع الغيار المضروبة أكثر من السليمة الأبلاتين ... لما زهقنى , بقى معايا صنفرة ناعمة ( صنفرة دوكو ) أصنفر الأبلاتين و أمسحة كويس بفوطة نظيفة و يبقى تمام و كذا سنة بنفس الأبلاتين .... بس مهم جدا ضبط الخلوص بتاعه و دى هحاول أوضحها بس بعدين ( لأنى مش فاكر كانت ازاى ... آسف ) لو مافيش مشكلة فى الإدارة صباحا ... يبقى مافيش مشكلة من البوجيهات و الكابلات زى أ/ سمير ما ذكر فى ردوده القيمة ... تبص عليها فى الظلام و تتأكد أن مافيش تهريب كهرباء ( شرارات متناثرة حول الكابلات ) غيرت بيكات كتير لدرجة أنى مش فاكر تغيير بيك السلانسية كان بينتج عنه أيه لكن أعتقد 40 و 50 مش فرق كبير البوبينة الالكترونى ممتازة الاسبيراتير الالكترونى .. لا خبرة لى به أتفق مع أ/ سمير على تغيير الميكانيكى و التقسيم من جديد ثم تتبع مصدر النتشة و بالتوفيق ‘ 
|
|
#22
20-01-2012, 09:05 PM
|
|||
|
|||
|
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
اشكرك جدا على مداخلتك يا أستاذ شريف وربنا يكتر من امثالك الى بيعلمونا ويفيدوناوانا عاجز عن الشكر للاستاذ سمير لانى غلبته معايا بجدالحمد لله المشكلة تم حلها عرضت المشكلة على ميكانيكى قالى غير بك السلانسيه قلتله ما فيش بك خميس مش لاقيه فى السوققالى ركبه وخلاص قلتله انا عايز احل مشكلة اقوم اعمل مشكلة تخنق العربية قالى هاتلى ابلاتين وكوندنسرجبتله برده المشكلة موجودة قالى هات طقم اسلاك بوجيهات قلتله ده الموجود جديد قالى اسمع ونفذ جبت برده المشكلة فك الكاربيراتير وقعد يضبط لغاية ما غلبفى الاخر قالى انت عندك مشكلة فى الصبابات قلتله طيب وخدته على قد عقله ومشيت رحت البيت وفكرت قعدت مع نفسى جبت علب البوجيهات الى اشتريتها انا معايا 3 أطقم كلها دنسو الالكترونى denso ابو 45 جنيه سبحان الله قعدت ابص وأدقق فى العلب لقيت حاجة غريبة دققت تانى فى جسم البوجيه بين الاطقم الثلاثة ووصلت لنتيجة رهيبة مش مجرد ملحوظة ده حل اللغز البوجيهات مضروبه مضروبه باحتراف ولولا انى دققت كويس وفحصتها بدقة ما كنتش هكتشف ده لقيت الطقم الاصلى بيكون عليه كتابه حفر منتظمة والطقمين الباقين فيهم حروف شبه منتظمة مش معقولة ماكينة الحفر هتطبع ده غير ده طيران رحت جايب البوجيهين جمب بعض طلعت المقارنه ان ده اصلى وده مضروب يبقى اللى راكب فى العربية مضروب رحت فاكك البوجيهات من العربية وجبت الطقم الاصلى القديم سخنته على النار وعطيته شويه WD40وصنفرته وركبته دارت العربية من اول تكه وراحت الهزة خالصوالحرق منتظم والموتور هادى ومش بيترج اتمنى ان غيرى الى بيقرا الموضوع ده يخلى باله البوجيهات مضروبه بحرفية عالية وبدقة رهيبة مش هتعرفها ابدا لازم تاخد بالك من شكل حروف كلمة دنسو على جسم البوجيه هى دى الفيصل وطلعت بالعربية عشرة على عشرة وربنا رحمنى من فتاوى بليه الى يقولى صباب وخربوا بيتى فى شرا ده وده اشكر الاستاذ سمير جدا وكذلك الاستاذ شريف وربنا يبارك فيكم وعاجز عن الشكر
|
|
#23
20-01-2012, 10:46 PM
|
||||
|
||||
|
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
الحمد لله
وألف مبروك
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#24
21-01-2012, 02:56 PM
|
|||
|
|||
|
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
الاخ الفاضل سمير عياد
لما الواحد يبدل اسبرتير لازم يضبط التقسيمه ؟ لاني بصراحه بدلت اسبرتير بعد ما العربيه كانت ماشيه و وقفت فجأه فسحبتها لحد البيت و اشتريت اسبرتير استيراد وركبته العربيه ما دارتش و جبت كهربائي شيك على الاسبرتير و اخذ مني مبلغ محترم و حكالي انا ضبطت الكهرباء و انت عندك مشكله في الكربوراتير عشان كده العربيه ما دارتش مع انه حكالي انه مشكلتي اسبرتير و حضبط الكهربه لحرضتك و حتور. ممكن يكون السبب انه التقسيمه تلخبطت عشان كده العربيه مش راضيه تدور ؟ 
|
|
#25
21-01-2012, 07:30 PM
|
||||
|
||||
رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
طالما الأسبراتيربيتم تغييره كوحده واحده مع الإلتزام الكامل بزاوية تركيبه على عامود الكامات فلايوجد داعى للتفكير فى تقسيمة المكنه ------------------------------
أن سبب عدم دوارة المكنه حاليا قد يكون سببه 1- إنسداد بيك السلانسيه 2- تلف قاطع التلامس ( أى الأبلاتين فى حالة الأسبراتير العادى ) أو البلاطه الإلكترونيه ( فى حالة الإسبراتير الإلكترونى ) 3- تلف البوبينا أيضا وارد أن يكون سبب ثالث محتمل أو حسب هذا الكلام
4- أن يكون سير الكاتينه ( إذا كان من الكاوتشوك ) قد إنقطع لاقدر الله ------------------------------ ومن هنا ياريت توضحلى بالضبط كيف توقفت السياره عن التحرك هل وأنت دايس بنزين ولا كنت رافع قدمك من على دواسة البنزين ...........؟ وهل قام الميكانيكى بعمل إختبار شراره للتأكد من وصول كهرباء للبوجيهات وهل قام بالكشف على البوجيهات وهل طلمبة البنزين عندك كهرباء أم كاركه ميكانيكيه مركبه على المكنه ووارد أيضا أن يكون هناك مشكله فنيه بالدينامو --------------------- الأسباب الوارده حاليا كتير ويجب التشييك عليها كلها
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
لما الواحد يبدل اسبرتير لازم يضبط التقسيمه ؟
