ضبط كهربة الاسبيراتير بالمصباح الضوئى؟ حد يفيدينا يا اهل العلم

[Explorer]

ايه الكلام الكبير ده ؟؟

وأنا اللي كنت فاكر إني بفهم في العربيات

[الايطالى الصغير]

أشكركم شكر لا اجد كلمات مناسبه للتعبير عنه وانا اتابع باهتمام تنفيذ ما أشرتم به فى الشرح والملاحظات السابقة فكيت ونفذت وعملت بالضبط الخطوة المتعلقة بجعل زنبة ترس الكامة على العلامة المقابله فى الجسم وبستم رقم واحد فى شوط الانفجار والشاكوش على بوجيه رقم واحد وعملت علامة على ترس الكرنك بريشه بوهية بيضاء وعلامة مقابله على جسم العربية دقولتى هل العلامة دى هى علامة الصفر يعنى علامة ضبط سير الكاتينة ونفس الوقت علامة ضبط توقيت الاشعال على السلانسيه بصفة عامة طيب هل ينفع دلوقتى اضبط باستخدام المصباح الضوئى ؟ لانى فهمت من شرحكم الرائع انه ما ينفعش لانى ما عنديش ارقام الكتالوج بتاع العربية طيب لما اجى أغير سير الكاتينة فى المستقبل ينفع اعتمد على الله بإذن الله عزوجل واخلى علامة البوهية البيضاء هى علامة ضبط سير الكاتينة لترس الكاتينة ......................... ......بالنسبة للمصباح الضوئى ايه طريقة استخدامه مع العلامة الجديدة اللى عملتها على ترس الكرنك وجسم الموتورلانى قريت بس توهت شويه من كثرة المعلومات التى تفضلتم بذكرها ...................

الاسبيراتير العادى عندى لا يوجد به اى فاكيوم متصل بالكاربيراتير أو بغيره
يعنى لا يوجد موضوع تزويد توقت الاشعال عن طريق الفاكيوم المتصل من الاسبيراتير
الاسبيراتير لا يوجد به كابل او توصيله بين الاسبيراتير واى جزء اخر فى العربية يتعلق بتقديم الاشعال اتوماتيكيا
فمارأيكم وما هو التفسير وهل هذا طبيعى

ربنا يبارك فيكم على اهتمامكم

[احمد على 1999]

يبقى فعلا حتلاقى تقديم الاشعال من خلال توجلز جوه الاسبراتير بتستجيب للقوة الطاردة المركزية ( طبعا عشان تشوفها لازم الاسبراتير نفسه يتفك من الماتور مش الغطا بس
انصحك ان اول تغيير للسير متعملهوش بنفسك روح لميكانيكى و ركز معاه حيعمل ايه
لانه بخبرته حيظبط ال tdc صح
و ممكن تتاكد بعد ما يجيب ال tdc ( طبعا متقلوش tdc قوله اعلى وضع للبستم ) ان العلامتين اللى انت واخدهم حيجم قصاد بعض
لو مكنوش قصاد بعض امسح واحدة فيهم و خدها تانى قصاد اللى انت سيبتها
الاستاذ atgps قال على ما يتذكر ان على السلانسيه تبقى ماخر 8 درجات
و كده انت برضه محتاج تاخد علمات زيى المنقلة تاخدها على الجسم الثابت على الاقل 8 درجات
فى رايى الموضوع مش سهل مش عايز احبطك
بس ممكن بعد كل ده و متبقاش النتيجة مرضية
بمعنى ان فيه عوامل تانية
مثلا انت بتحط بنزين كام ؟ لان 80 حيبقى لازم تاخر عشان متسقفش
و حالة الماتور ايه ؟ لان لو 8 درجات فعلا صح زيى ما المصنع بيقول فده على ماتور حالته شبه ستاندرد من مجاميعه

[الايطالى الصغير]

الاستاذ أسترا astra العضو الذهبى اشكرك على معلوماتك الجميلة التى زودتنى بها واشكر أيضا بقية الاعضاء الاستاذ أحمد على والاستاذ atgpsانا عايز بعد اذنكم اوصل لمعلومة تفيدنى لانكم بصراحة موسوعة ومعلوماتكم غنية جدا وانا توهت عايز اركز شوية وعندى شوية أسئلة دلوقتى انا عملت علامة ترس الكرنك بالطريقة التى شرحتموها ضبط زنية ترس الكامة مع علامة جسم الموتور المقابلة للترسبوجيه رقم أربعة فى اعلى وضعيه ليه ( لانى اكتشفت العلامتين لما يتقابلوا بوجيه رقم واحد هو الدور عليه واتجاه الشاكوش عليه واتاكدت ان ده شوط الضغط او القدرة بوضع اصبعى فى فتحة البوجيه واحساسى بقوة الدفع 1- الشاكوش على بوجيه رقم 42- ترس الكامة امام زنبة جسم الموتور المقابله3- جبت فرشة الدهان وعلمت على ترس الكرنك علامة وعلى جسم العربية دلوقتى عايز اسال وافهم ايه فايدة علامة ترس الكرنك فى الاستخدام العملى للصيانة ؟هل ده اقدر اضبط عليه تركيب سير الكاتينه فى عن طريق هذه العلامة مع علامة ترس الكامة بالنسبة لعلامة ترس الكامة ايه أفضل طريقة لضبط توقيت الاشعال علما انى جربت طريقة الاستاذ astra طريقة اللمبة على الموبينه ولف الاسبيراتير ومش عارف أطبقهايا ريت تشرحوها بالتفصيل شويه بخطوات واضحة علشان أقدر اطبق بدون تشويش السؤال الثالثتوقيت الاشعال المضبوط بتقولوا انه 8 درجات قبل النقطة الميته العليا طيب ازاى اضبط النقطة دى مع ترس الكامة يعنى ازاى احسب 8 درجات قبل ترس الكامة ما يقاب الزنبة ويكون بوجيه رقم واحد فى وضع القدرة ياريت شرح عملى ووافى بخطوات مرتبه وواضحة ربنا يبارك فيكم

[mostafa_elkholy]

المشاركة الأصلية كتبت بواسطة atgps لضبط كهربة الاستبراتير بالمصباح الضوئى Xenon Timing Light تحتاج أولا ضبط فتحة الابلاتين بإستخدام Automotive Meter وفتحة الابلاتين فى تلك الحالة تقاس بالدرجات، فمثلا فى السيارات ذات 4 سلندر، نجد أن كامة الاسبراتير بها 4 كامات ولكل كامة خاصة بفتح وقفل الابلاتين وينتج عن ذلك فرق فى الجهد الكهربائى للسلك الموصل للبوبينة وبالتالى تقوم البوبينة بتوليد فولت عالى جدا يصل الى آلاف الفولتات وهو اللازم لحدوث الشرارة فى البوجيهات. ففى حالتنا وهى السيارة ذات 4 سلندرات تمثل كل كامة 90 درجة، فمجموع عملية فتح وقفل الابلاتين هو 90 درجة، ولضبط فتحة الابلاتين، تقاس عدد الدرجات التى يكون فيها الابلاتين ملامس أى مقفول وهى تسمى dwell angle وهى تتراوح بين 44 و58 درجة حسب نوع السيارة ويكون ذلك فى كتاب الصيانة. بعد ضبط فتحة الابلاتين نحتاج الى ضبط توقيت شرارة الاشتعال وهى عامة تكون قبل وصول البستم الى النقطة العليا بعدة درجات ونلك الدرجات موجودة على الطمبورة أو ترس الفولام على حسب نوع السيارة ولا يمكن رؤيتها أثناء جوران المحرك الا بإستخدام المصباح الضوئى Xenon Timing Light وهو يتم توصيلة بطرفى البطارية وعلى سلك البوجيه الأول ويقوم ذلك المصباح بالاحساس بمرور التيار الكهربائى فى السلك الموصل للبوجيه ويقوم فى نفس الوقت بالاضاءة اللحظية كل مرة وبتسليط الضوء على الطمبورة أو ترس الفولام يعطيك الاحساس بان الطمبورة فى حالة سكون وتشاهد العلامة الموجودة على الطمبورة بوضوح ويجب أن تكون تلك العلامة بجوار عامة آخرى ثابته، فان لم تكن موازية لها تقوم بتحريك الاسبراتير وستجد أن العلامة الموجودة على الطمبورة تتحرك مع حركة الاسبراتير وتقوم بذلك حتى تمام التوازى لكل من العلامتين، ويجب أن تكون تلك العملية على لفات موتور RPM محددة من قبل الصانع.

باشا اجيب منين الجهاز دهXenon Timing Light موجود فى مصر ولا ولو موجود سعره كام