أريد المشورة في تركيب زجاج كهرباء

[الصيداح]

المشاركة الأصلية كتبت بواسطة tom_gr مكينة الزجاج الكهربائى ----- ماكينة ترفع وتنزل الزجاج عند الضغط على الزرار الكهربائى وحدة الرفع --- جهاز صغير يركب فى دائرة الكهرباء ويركب على الريموت وعند الضغط على زرار قفل السنتر يقوم برفع زجاج السيارة مع بعض ومره واحده عند النزول اليها بالنسبة للاسعار ماقدرش افيدك اوى انما انت تقدر تفيد نفسك مشوار صغير لاى كهربائى او صنايعى ابواب او زجاج او لاى محل قطع غيار واكسسوارات وانت هاتعرف السعر المظبوط

تمام تمام
ربنا يبارك لكم
طيب معلش سؤال كمان
فيه مثلا أنواع معينة ولا ايه النظام
يعني أفضل نوعية أجيبها ؟
وايه السنتر ده ((معلش أصلي أبيض يا ورد ))

[hazem_khidr]

لا انصح به مطلقا طالما السياره لم تزود به من البدايه
او احضار ماكينات خاصه بنفس موديل السياره
اما التوفيق و التعديل لا احبذه

[tom_gr]

المشاركة الأصلية كتبت بواسطة الصيداح تمام تمام ربنا يبارك لكم طيب معلش سؤال كمان فيه مثلا أنواع معينة ولا ايه النظام يعني أفضل نوعية أجيبها ؟ وايه السنتر ده ((معلش أصلي أبيض يا ورد ))

كلنا كنا ابيض يا ورد يا

السنتر---- قفل ابواب السيارة كلها بدون مفتاح ( او بمفتاح واحد فقط) عن طريق الريموت تقريبا سعره يتراوح من 100 الى 250 حسب امكانياته ( سنتر فقط - سنتر وانذار )

بالنسبة لماكينة الزجاج الكهربائى ---- دى بالذات ما تسترخيش فيها وهات نوع كويس جدا جدا لانها هاتعيش معاك ومش كل شويه تعلق ( موقف حصلى شخصيا --- كنت مركب ماكينة اى كلام فى زجاج الباب الخلفى ومركب وحده رفع بعد مانزلت من العربية طبعا متعود انى اضغط على الزرار تروح العربية كلها قافلة الابواب والزجاج كله بتاع الابواب يترفع ويقفل راح زجاج الباب الخلفى علق ومااترفعش وماقفلش وانا ماخدش بالى ورحت مشاورى وغبت كتير ورجعت رقيت زجاج العربية مفتوح والعربية كانت ممكن تتسرق انما ربنا ستر

اى سؤال تانى قول وماتتكسفش كلنا هنا بنساعد بعض على قد ما نقدر

[tom_gr]

طيب معلش سؤال كمان
فيه مثلا أنواع معينة ولا ايه النظام
يعني أفضل نوعية أجيبها ؟

بالنسبة للانواع ماكينات الرفع --- فيه انواع كتير انما المهم ابعد عن الصين

والافضل تروح عند بتوع الاستعمال الخارج وتسئل عن ماكينات رفع لنوع سيارتك ولو مافيش من نوع عربيتك ماكينات رفع شوف ايه احسن نوع ممكن يمشى معاها

وبرضه هارجع اقلك تانى صدقنى والله اكتر واحد يفيدك هو انت تنزل تسال بنفسك وتاخدلك لفة كده وماتشتريش فى نفس اليوم خد لفة الاول واعرف الدنيا ماشية ازاى فى مكان محافظتك لان فى بلدنا العزيزة كل مكان وليه نظامه

[ابن فنان]

لو مش راكبين فى العربيه حتصرف