صوت غريب

[temo85]

ياجماعه انا معايا سيراتو 2011خليجى عامل بيها 1000 و لسه عامل صيانه الالف من يومين المهم انى وانا ماشى على ال D و مش دايس بنزين بسمع صوت ونه خفيفه من المحرك و بسمعه برضه وانا على ال N و بدوس بنزين دوسه خفيفة الصوت بيطلع على 1000 rpm و بيختفى لما ادوس بنزين اعلى قلتلهم فى صيانه الالف قالولى عادى و ناس قالتلى فى اصوات غريبه هتسمعها فى التليين ياريت لو حد عنده معلومة او موقف مشابه يقولى

[samirayad]

و مش دايس بنزين بسمع صوت ونه خفيفه من المحرك

عود نفسك على تحريك السياره وأنت دايس على البنزين

هتتلاشى كل الأمور اللى بتحسها حاليا وأنت مش دايس على البنزين

شبع الفتيس يعنى بضغطك صح على دواسة البنزين

[temo85]

بس باباش انت عارف ان لما بتكون ماشى فى الزحمة وحده وحده مش بدوس بنزين هى اول ما بحطها على ال D بتبدأ تتحرك لوحدها لان لو لمست البنزين هخبط اللى قدامى هههههه ساعتها بسمع الصوت ده انا مش عارف هل ده طبيعى ولا فى مشكلة ما ؟؟

[samirayad]

طيب هقولك على حاجه

1- أطمن كده على منسوب زيت الفتيس

المفروض منسوب الزيت فى الفتيس

يكون مظبوط

لازياده ولا ناقص

لأن لو كان زياده أو ناقص

ممكن يعملك مشاكل زى إللى بتقول عليها

____________________

2- ونفس الشىء لدايرة الباور ( لو كانت هيدروليك )

حاول تعمل أستنزاف للهواء الموجود فى خطوط دايرة الباور

دول أتجاهين ممكن يكون ليهم دور فيما تلاحظه

[احمد شوغى]

اخى الفاضل الصوت عادى لا تقلق لانه عند بدايه ربط الفتيس بالمكنه ثم يتلاشى ولا داعى للضغط على دواسة البنزين بسرعه وصوت خافت جداً لا يسمع الا فى الهدوء التام اما فى الشارع لا يسمع وده عادى