|
#1
21-09-2012, 09:36 PM
|
|||
|
|||
استفسار مهم جدا لذوي الخبرة في موضوع تراخيص المعاقين
السلام عليكم ورحمة الله وبركاتة
اعضاء المنتدى الكرام يشرفني اني اشارك معاكم بعد متابعتكم لفترة كبيرة وبصراحة ربنا يكرمكم على كل المعلومات الي افدتوني بيها انا من اسكندرية وبإذن الله كمان اسبوعين ناوي انزل بورسعيد علشان اشوف عربية معاقين واستقريت على انها هتكون ماتريكس وكنت عايز استفسر منكم عن كام حاجة كدة علشان الصورة عندي تكتمل لو انا حبيت اشتري عربية من مستورد سيارات هنا في اسكندرية هل حيكون فرق السعر كبير عن جمرك اسكندرية او بور سعيد مع العلم انه كان معروض عليا لافيتا 2006 اوتوماتيك كاملة ب 40000 هل دة سعر كويس ولا في الجمرك هتكون الاسعار احين من كدة وهل في فرق كمان بين جمرك بورسعيد وجمرك الاسكندرية وإذا كان جواب الكومسيون موجه لجرم الاسكندرية مثلا هل ينفع اني احولة على بور سعيد والعكس ثاني حاجة تنصحوني باية ماتريكس ولا لافيتا لاني بصراحة سمعت ان اللافيتا مقرفة شوية في الصيانة لان ملهاش مراكز معتمدة هنا وقطع الغيار بتاعتها قليلة واسف للاطالة 
|
|
#2
21-09-2012, 10:46 PM
|
|||
|
|||
رد: استفسار مهم جدا لذوي الخبرة في موضوع تراخيص المعاقين
أسألتك كثيرة ولكن هحاول اجاوب عليهم كلهم على قدر معرفتى 1- أنت حضرتك اللى تحدد هل فى فرق ولا لا. فى بورسعيد اللافيتا موديل 2001 بتبدأ من 36 الف وحتى 38 الف على حسب الحالة والأتوماتك بتكون أكثر بحوالى الف ونص إلا الفين. هل عندكم الاسعار كدة؟ الفرق بين أسكندرية وبورسعيد هو فرق فى عدد المعروض يعنى فى بورسعيد كذا تاجر وتلاقى فى مشوار واحد اللى أنتى عاوزة ولكن فى أسكندرية أعتقد العدد اقل. أنت من أسكندرية فهل رحت الجمرك وشفت عدد التجار هناك؟ لو عندكم تجار تقدر تختار منهم عربيات يبقى طبعا وفر مصاريف السفر وعلى الاقل ممكن كل كام أسبوع تروح لحد ما تلاقى اللى يعجبك، 2- لو لقيت لافيتا 2006 وبمبلغ 40 الف دى تبقى لقطة لو مش ملعوب فيها. حاسب حاسب حاسب. مش هتلاقى فى بورسعيد حاجة حديثة كدة. أتأكد من أنها موديل 2006 من الورقة اللى بتكون ملزوقة عند باب السواق اللى المصنع بيحطها. وجيب أكثر من واحد يشوف لك العربية. 3- طبعا تعرف تغير الجمرك بأن لما ورقك يوصل أسكندرية تروح الجمرك وتطلب انه يتحول إلى بورسعيد. بيأخد شهر لحد ما يروح.. 4- أما الماتركس واللافيتا فطبعا أنصحك بالماتركس وهذا عن تجربة شخصية يعنى فى بعض المراكز المعتمدة من غبور بترفض التعامل مع اللافيتا وطبعا لو العربية ماتركس هتكون احسن لانها اقرب لما يتعاملوا فيه. الفرق بين اللافيتا والماتركس فروق طفيفة جدا والصيانة لو برة التوكيل فأى واحد يقدر يشتغل فيها وقطع الغيار واحدة. الفرق بيكون فقط فى الماتور يعنى اللافيتا 1500 سى سى زى ماتور الهيونداى اكسنت والماتركس 1600 سى سى. طبعا الماتور 1500 بتدفع مصاريف اقل فى الترخيص وكما سحب البنزين اقل. ولكن من حيث الشكل والإمكانيات فهى واحدة. وانقل لك خبرة لسة مارر بيها من أسبوع جاءت اغير تيل الفرامل للافيتا وأشتريت تيل gold من موزع معتمد ولما جاءت أركبة لقيت ان فى قطعة حديد زيادة فى التيل الجديد عن التيل القديم وعلى الرغم أن العلبة مكتوب عليها لافيتا و 1500 ولكن الظاهر ان التيل دة ينفع للماتركس مش اللافيتا وكان الحل قطع الحتة دى بالصاروخ وفعلا ركبت والفرامل فله. يعنى كل حاجة وليها حل ومفيش حاجة أسمها مش لها صيانة ولا قطع غيار، التاجر اللى بيستور بيعمل دراسة قبل ما يستورد أى عربية علشان الطلب مش يقل عليها وهما عرفين ان قطع غيار اللافيتا متوفرة. وعلى الرغم من هذا لو فى ماتركس طبعا بتكون افضل علشان لما تبيع فى ناس بتكون فاكرة اللافيتا مختلفة وتكش شوية فى الشراء,, أتمنى لك التوفيق وأرجو أن توافينا بكل جديد لان نادرا ما نعرف عن جمرك أسكندريا فيما يخص فى سيارات المعاقين.. ممكن حضرتك تعطينا معلومات على الجمرك هناك وأنواع العربيات وأسعارها الان كما ستراها؟؟؟
|
|
#3
21-09-2012, 10:52 PM
|
|||
|
|||
|
رد: استفسار مهم جدا لذوي الخبرة في موضوع تراخيص المعاقين
شكرا جداااااا tham1010
فعلا كلامك منطقي جدا ورأيك كملي الفكرة اللي فدماغي جدا وبإذن الله انا كمان يومين نازل الجمرك هنا في اسكندرية واول مارجع هقول كل الجديد اللي شوفتة هناك وكذلك برضة جمرك بور سعيد ان شاء الله . مرة تانية  لـ tham1010
|
|
#4
21-09-2012, 11:08 PM
|
|||
|
|||
رد: استفسار مهم جدا لذوي الخبرة في موضوع تراخيص المعاقين
بجد أتمنى لك كل توفيق ربنا يعترك فى عربية كويسة. واقولك كلمة اللى يركب اللافتيا أو الماتركس مش هيعرف يركب غيرها. والعربيات اللى بتيجى من برة لا يعلى عليها لو أحسن اختيارها.. وأنا شاكر لحضرتك بخصوص المعلومات ووعد الحر دين عليك. ونحن كلنا فى حاجة لان يكون هذا المنتدى مخزن لكل معلومة عن عربيات المعاقين. وأرجو فعلا ان تساهم بالمعلومات التى سوف تختبرها بنفسك فى مشوارك لتكون عوننا لاخرين.. بارك الله فيك يا أخى وننتظر مشاركاتك التالية....
|
 |
|
|
