حد جرب منفاخ الكاوتش اللى بيشتغل على ولاعة السيارة 12 فولت

[سيمون شحاتة]

بصوا يا جماعه أنا ليا واحد زميلى فى الشغل نزل التوفيقية يشترى واحد ، لقى الأتنين بستم ب 180 جنيه و بعد فصال جامد جدا نزله ل 170 جنيه لكن هو طلع ناصح و هو بيفاصل مع البياع لقط اسم المستورد و رقم تليفونه من على الكرتونه و ساب البياع و مشى و اتصل بالمستورد فطلع انه ليه مكتب فى التوفيقيه برضه فراحله علطول ، المستورد قاله انه بيبيع بالكرتونه مش بالواحد و الكرتونه فيها عشره و تمنها 1290 جنيه يعنى الواحد يبقى ب 129 جنيه بس .
المهم اتصل باخوه و اصحابه و قدر يلم تسع افراد معاه و اشترى كرتونه كامله و بيقول انه جربه مرتين و هو قوى جدا و بينفخ العجله فى دقيقتين مش اكتر و خصوصا فى وقت الزنقات و انت نازل الشغل الصبح و لسه حتوصل الولاد المدارس بينفع جدا جدا و عملى.
على فكره الجهاز صينى طبعا زى كل حاجه فى حياتنا.

[waelsalah]

المشاركة الأصلية كتبت بواسطة سيمون شحاتة بصوا يا جماعه أنا ليا واحد زميلى فى الشغل نزل التوفيقية يشترى واحد ، لقى الأتنين بستم ب 180 جنيه و بعد فصال جامد جدا نزله ل 170 جنيه لكن هو طلع ناصح و هو بيفاصل مع البياع لقط اسم المستورد و رقم تليفونه من على الكرتونه و ساب البياع و مشى و اتصل بالمستورد فطلع انه ليه مكتب فى التوفيقيه برضه فراحله علطول ، المستورد قاله انه بيبيع بالكرتونه مش بالواحد و الكرتونه فيها عشره و تمنها 1290 جنيه يعنى الواحد يبقى ب 129 جنيه بس . المهم اتصل باخوه و اصحابه و قدر يلم تسع افراد معاه و اشترى كرتونه كامله و بيقول انه جربه مرتين و هو قوى جدا و بينفخ العجله فى دقيقتين مش اكتر و خصوصا فى وقت الزنقات و انت نازل الشغل الصبح و لسه حتوصل الولاد المدارس بينفع جدا جدا و عملى. على فكره الجهاز صينى طبعا زى كل حاجه فى حياتنا.

ممكن الاسم التجارى اللى على العلبه او الجهاز
ولو امكن صورة ليه من فضلكم
وشكرا جزيلا