العربية البرسونا محدش يشترى العربية دى

[MmFFoR]

و حضرتك ناوي تجيب ايه بدالها؟ كويس جدا ان فيه توكيل محترم بيقبل يعمل كاش باك! بس انت كنت رخصت واللا لسه يا دوب مستلم؟

[SALAHHAKIM]

المشاركة الأصلية كتبت بواسطة v.r.6 والله انا اشتريت العربية دى فى شهر يناير 2011 وكان عليها عرض 82000 الف جنية استلمت العربية بعد كام ساعة بفتح الكبوت لئيت الموتور مرشح زيت روحت التوكيل رجعت العربية ادونى عربية تانية لقيت الملتى فنكشن بايظ والتنابير بيظة اكتشف انو دفعة العربيات دى 2010 البرسونا بائلها متخزينا من 2009 عملت مشكلة واخد فلوسى وانصح الناس والله محدش يشترى العربية دى .

الف مبروك ان حضرتك عرفت تاخد فلوسك ياراجل
والف شكر على النصيحه
1- البيرسونا ليها 2 باليته فى القائم والتابلوه ده غير رقم الشاسيه والموتور
الباليته دى ياسيدى مكتوب عليها سنه الصنع
2- الافراج الجمركى لازم يطابق كل البيانات دى (العربية المستوره استحاله الغش سعه الموتور وسنه الصنع ) على عكس المحلى
3- سعر العربيه 84 الف جنيه mt +سنه تأمين هديه على موديل 2010
4- ارجاع السياره ده بيكون لعيب لايمكن اصلاحه او غش تجارى
انت عارف لما جهاز حمايه المستهلك رجع للسيده فلوسها من توكيل سيات بسبب الشاسيه . الدنيا كلها عرفت اخبار فى الجرائد وحكم محكمه مستعجل وجهاز حمايه مستهلك كل ده بعد 8 اشهر .ماعلينا
تفتكر ياباشا كل ده معناة ايه ؟ انا اقول
حضرتك ضابط فى جهه سياديه سوبر
اواسم حضرتك فيه اسم السيد الرئيس حسنى مبارك
صح شوفت انا ذكى ونبيه وبفهمها وهى طايرة ازاى وعرفت حضرتك ازى

والف شكر على النصيحه
باشاااااااااااااااااااااا ااااا ممكن طلب من فضلك ممكن تشغلنى معاكو فى الجهاز الامنى العريق ان شاله حتى بدون مرتب ؟
وان شاء الله حشرفك وحرفع راسك (انت حتشغل واحد من تلاميذ جوبلز وعبد القادر حاتم وفاهم شويه فى الابيض والاسود والرماضى اللوان الداعيه والحرب النفسيه دوالذى منه )

[v.r.6]

المشكلة ان الناس مش مصدقه ان الفلوس رجعت بسهولة بصراحة التوكيل كان محترم جدأ ورجعلى الفلوس من غير أى مشاكل .

[elmagh]

المشاركة الأصلية كتبت بواسطة v.r.6 المشكلة ان الناس مش مصدقه ان الفلوس رجعت بسهولة بصراحة التوكيل كان محترم جدأ ورجعلى الفلوس من غير أى مشاكل .

مش موضوع إرجاع الفلوس وبس الي مش مصدقينه ، كلامك أصلاً عن العربية ميتصدقش !!!

[SALAHHAKIM]

المشاركة الأصلية كتبت بواسطة v.r.6 المشكلة ان الناس مش مصدقه ان الفلوس رجعت بسهولة بصراحة التوكيل كان محترم جدأ ورجعلى الفلوس من غير أى مشاكل .

المشكله مش بس كده المشكله ان سعاتك اول مره تكتب على المنتدى ومش مشترك فى اى موضوع ودى اول مشاركه انا وجهه نظرى ان حضرتك عضو فى المنتدى اصلا وداخل باسم جديد فى تاريخ 19 1 2011 ( تفتكر بردو ده معناة ايه )
على العموم انا حطلب التوكيل واعرف ايه الحكايه