رابطة ملاك الكيا برايد

[Ahmed AboSeada]

صوت مزعج من سير الكاتينه حد عنده حل

بعد تغير سير الكاتينه فوجئت بصوت مزعج جداً و الميكانيكي قال ده بسبب نوع السير
حد عنده حل للمشكلة ده

افيدونا افادكم الله

[AbOnOrA]

ممگن صوت بليه بس طالما ظهر بعد تركيپ السير وده رائي الميكانيكي اللي شاف وسمع فكلامه وارد والسيور فيه كتير منها مضروب وربنا يكفيك شر قطعه

Sent from my SM-G531H using Tapatalk

[waleed samy]

اسمحولى المشاركه دى شقين شق لأفاده الاخوه وشق لى انا
اولا انا لسة عامل عمره عفشة كاملة واسعار الحاجة هى
السست الامامى 280 من حلمى سليمان
السست الخلفى 300 كيا اصلى
المساعدين امامى 750 وخلفى 700 مونرو زيت بضمان سنة
طقم باى امامى وخلفى شامل اويلسيلتهم 300
طقم طنابير امامى 220
طقم تيل امامى 65 وخلفى 75
المهم بعد كل ده لقيت ونة والميكانيكى قالى من داخل كرونة الفتيس الاوتوماتك روحت لبتاع فتايس قالى ممكن حاجة تتصلح وممكن لو من الكارونة والبنيون يبقى لازم تغير فيس يا ترى حد قابلة المشكلة دى افتح الفتيس ولا اغيره وهلاقية عند مين وبكام العربية سيدان 2002 اوتوماتيك

[AbOnOrA]

شكرا يا وليد باشا على الافادة والاسعار وبالنسبة للنوع ده من المشاكل مش هيبان الا لما يفتح ولو الونه ديه خفيفه سيبها ومتفتحش الا لما تدرس كل البدائل خاصة ان الاوتوماتيك بتاع البرايد مش منتشر اوى ويا عالم لو لقيتو هيبقى بكام انت انزل اسال عليه فى الحرفيين فيه شارع جمب شارع المرسيدس عند الجامع كده فيه كذا واحد بتاع برايد وبالنسبة للسعر للبرايد 2002 اوتو رينج الاربيعنات 40 - 45 لو حالة حلوة لكن لو الحالة فيها كلام يبقى اقل من اربعين

[م/ فريد]

مساء الخير علي كل محبي الكيا برايد .... أشتريت برايد 2000 أتوماتيك لزوجتي وهي سيارة ممتازة لكن بها مشكلة إرتفاع الحرارة مع التكييف لدرجة غليان المياه في الرادياتير و عداد الحرارة يعدي ثلاث أرباعه و يقترب من العلامة الحمراء لكن عند فصل التكييف تعود الحرارة لطبيعتها في ربع العداد . غيرت المروحة و سلكت الرادياتير و راجعت مروحة التكييف و الشحن و لا كهربائي و لا ميكانيكي عرف المشكلة أكون شاكر لو حد أفادني في هذه المشكلة و لو هي مشكلة عامة في البرايد أو لأ. مع الشكر.