|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
08-05-2009, 09:52 AM
|
||||
|
||||
##هل بتحب عربيتك ودلعها ؟؟##
الموضوع ده بصراحه محيرني وهقولكم ليه :
في مصر أول ما اشتريت اللانسر وبما إنها كانت أول عربية زيرو كنت مدلعها على الآخر وكان ناقص أدخلها الشقة تنام جنبي ، يعني الغسيل والتنظيف كان شبه يومي ، مغطرات ، منظفات ، إكسسوارات ، وكل يوم لازم أبص على الميه والزيت وكل حاجه مع إنها كانت زيرو . لما سافرت بره واشتريت الصني المستعملة الاهتمام قل بالنظافة والاكسسوار وزاد بالميكانيكا لأنها كانت مستعملة وأنا بصراحة كنت خايف منها بس طلعت أصيلة وكمان صيانة المستعمل هنا مكلفة جدا بس برضه كنت مهتم بيها جدا . المشكلة بقه عروستي الجديدة الكرولا ، لا يوجد أي اهتمام بيها تماما ومش عارف ليه ولا إيه السبب ؟ يعني لا جبت معطر ولا أي إكسسوار والغسيل كل فين وفين ، حتى صيانة الألف في التوكيل بعت السواق وداها وجابها ولا سألت حتى عملوا فيها إيه !!!!!!!!!!!! مع إنها عربية جميله جدا جدا وأنا حاببها والله بس مسألة الاهتمام والدلع ده قل جدا عندي مش عارف ليه ؟ دلوقتي بقه عايزين كل عضو يقولنا بيدلع عربيته إزاي ؟ وبيعملها إيه ؟ وهيا بالنسبة له إيه ؟ ومدى اهتمامه بيها ؟
__________________
 
|
|
#2
08-05-2009, 10:39 AM
|
|||
|
|||
|
رد: ##هل بتحب عربيتك ودلعها ؟؟##
انا بسيب العربيه هي اللي تدلعني ...ptmnlo123per154
لكن انا عموما اهم حاجه عندي اني احافظ على الصيانه ... ومستناش الحاجه لما تبوظ ... كل ما تيجي فرصه اغسلها غسله كويسه .. وطبعا مظبط واحد يطوقها كل يوم .... لكن الخرابيش و الخدوش بسيبها .. مقتنع انهم زي الدبان لو هشيته حيرجع تاني لوحده .. ولو موته حيجي غيره .. مبفتريش عليها في السواقه .. لكن ساعات ممكن اشد او اكبس شويه .. بس بالمعقول والحمد لله مليانه لعب العيال و فتافيت بسكوت و فرايز وكانز و ازايز مياه فاضيه و بقع عصير وخلافه .... فين ايام الفيليشيا .. كنت بديها بوليش كل شهر ...واغسلها في البنزينه كل اسبوع ... مع انهم كانو بيغسلوها في الجراج !!!! و الاسبراي في التابلوه على طول ... وقبل ما اخرج لازم السايس يطوقها .. ان شا الله 3 مرات في اليوم .. دلوقتي انبوبه الاسبراي تحت الكرسي بقالها شهر ... لكن عمري ما فكرت اعدل .. يعني اركب نواكل و لا اسبويلرز و لا حتى دباديب .. مقتنع ان العربيه بتنزل باكدج .. وطالما عاجباني يبقى اجيبها على حالها ... يدوبك كاسيت محترم و فرش و دواسات ... علشان كده جبت الماتريكس من غير الكاسيت و ركبت لها سوني اكسبلود ... والفرش العيال قضو عليه وطبعا مركبتش دفندرات و لا نواكل و لا اي لعب من الكلام ده . مع ان نفسي اوي اركب لها سبويلر و جنوط سبور و اوطيها 5 سم ( مجرد خاطر ) شكرا يا سمسم على الطرح الجميل ... واسف للاطاله ptmnlo123per1127
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#3
08-05-2009, 10:49 AM
|
||||
|
||||
|
رد: ##هل بتحب عربيتك ودلعها ؟؟##
هههههههههه حلوه يا سام بتسيبها تدلعك جامده ptmnlo123per145 ptmnlo123per145 ptmnlo123per145
بص يا باشا انا بعمل ايه مش بهت بالعربيه يوميا بس كل اسبوع او اتنين او مش شرط ممكن اقل حسب استخدامي للعربيه طبعا الكلام ده زمان لاني اخت قرار بعدم قياده العربيه تاني من اداره المنزل المهم ............ انا مثلا لما كنت بروح مشوار فرضا من الغربيه رايح المعهد بقويسنا او مشوار المحله او غيره كنت برجع بعديها بيوم اغسل العربيه واظبط الكاوتش واروح للميكانيكي يظبط الماتور واتمم على شحن البطاريه يعني من الاخر بعمل فحص بسيط عليها والحمد لله العربيه ماشيه 100% ptmnlo123per154 ptmnlo123per154 ptmnlo123per154 ptmnlo123per154 ptmnlo123per154 بس اقولك حاجه طبعا من غير ولا حسد ولا الكلام ده اطلاقا انا معايا 128 يعني لو راكب bmw او مثلا لانسر كريستاله يعني اجيب كرسي واحرسها هههههههههه يعني برده مش ههتم بال 128 زي الاحسن والاجميل والاقوي يعني اقصد اني كل عربيه وليها اهتممامتها وياريت اكون مطولتش عليكم اخوك احمد cupo
__________________
I do not like driving a fast but I love fly slowly
|
|
#4
08-05-2009, 03:52 PM
|
||||
|
||||
|
رد: ##هل بتحب عربيتك ودلعها ؟؟##
كلامك غريب يا اسلاااااااااام
دا انا فاكر اللانسر بتاعتك لحد انهارده و نضافتها و كل يوم في سبير كار تشوف الاكسسوارات الجديده و تجيب اللي ينفعك  ولما غسلتها غسله الفابريكه و هيا لسه جديده و الزجاج كان مشبر من جوه  .... بالنسبالي انا كنت بهتم بالسويفت اوي و بحافظ عليها و لو اتخربشت كنت اجري اعملها و لما جات الياريس بقيت بهتم بيها في الاول و اغسلها و المعطر و بتاع دلوقتي بقي العربيتين معدتش ببص عليهم الا في الصيانات بس ههههههههه و لا عدت بفكر غير انها تمشي و خلاص بس لازم لازم تكون نضيفه و فيها معطر من جوه بره بقي حسب الظروف الا لو اخويا الصغير غسلها في المشحمه يبقي اوك ولو انا مسافر بروح اغسلها ماعدتش قادر انزل و امسك خرطوم و جردل زي زمان و اغسل العربيه بأيدي زي ما كنت بعمل 
__________________
حـازم خـضـر
|
|
#5
08-05-2009, 04:21 PM
|
||||
|
||||
|
رد: ##هل بتحب عربيتك ودلعها ؟؟##
بص يا سيدى نبداء من ايام الطفولة
الدوجان ثم البرايد بتاعة الحاجة اتبرت غسيل واتجرب فيها كل انواع الاستيكرات والفوانيس والاكسسوارات اللى فى الدنيا بس دلوقتى بصراحة مبمدش ايدى فيها وسلمت الراية لاخويا الصغير عربيتى بقى حاجة تانية خالص اول سنة طقم جنوط وطقم كاوتش وفرش وسبويلر وتفييم (درجة واحدة) وكل حاجة وديل شكمان (كل ما اجيبة يتسرق) وستيكرات (من الغالى وكل ماجيب واحد يتسرق برضو) تقدر تقول ان العربية ليها جزء من مرتبى الشهرى كل ما اقبض او امسك فلوس اروح ادلعها بحاجة بس مع اول خبطة فى الصاج حتى ولو بسيطة خالص بقريف منها وممكن مغلسهاش غير كل شهرين غير كده فوطة زفرة وخلاص اجددها اخر كل سنة ارجع ادلعها تانى غسيل وتشميع واكسسوارات تتخبط اهملها وهكذا بس عامة اكتر حاجة بهتم بيها موتور وعفشة يعنى اضافات للزيت اضافات لمية الريداتير اضافات للبنزين تزيت للعفشة ببص على العفشة بنفسى مع كل غسلة فى البنزينة (ارفعها وابص تحتيها) واى كاوتشة احس انها ريحت تتغير على طول لكن الصالون والصاج من برة اخر حاجة اهتم بيها
|
|
|
|
