"ريحت" على عربية حد قبل كده؟

[Injection]

المشاركة الأصلية كتبت بواسطة بدر بسيونى الترييح عادى وخصوصا لو براحة وفى الاغلب مالهوش اضرار وقتيه فى الحال اثارها بتبان لكن اللبس موضوع تانى

بموت أنا فى اللبس, وبحب جدا أتفرج على العربيات وهى بتلبس فى بعض, وفى رمضان حدث بلا حرج كل شوية طاخ وعربية تلبس فى التانية من ورا, أنما الترييح ده حركة رقيقة, "بوسة" من عربيتك لعربية تانية

المشاركة الأصلية كتبت بواسطة aboelesaad والله موضوع جديد وحيوي جدا لان في شوارعنا الحوة بيحصل والله العجب انا حصلي الموضوع ده اكتر من مره وموعود ولله الحمد بس الحمد لله كلها خربشه بسيطه مش زي تريحت الصوره هههههههههههههههه اول مره ماشي في اامن الله و مدي اشاره شمال عشان هلف شمال تكسي محترم عليت في دماغه يدوس و يعديني و يلف قبلي انا شوفته بيقرص علي العربيه بصراحه مدتلوش فرصه واتكيت بنزين حبه لان لو حصل حاجه هوا الي غلطان والطريق ضيق فجت عجله قدامه فجه يبعد عنها راح جنح عليا جامد فروحت مفرمل وهوا طلع فوق الرصيف نزلنا انا بكل هدوء بصيت علي عربيتي ولا اكنه موجود فضل يجعجع وسبته و مشيت ده اسلوبي علي فكره مبحبش الجعجعه في الشوارع بكل هدوء ولا بعبره مره تانيه وانا بركن يدوب لمست عربيه سالت الدكاكين قالولي بيشتري حاجه الراجل جه شافها فضحك بقوله لو حضرتك عايز حاجه انا تحت امر حضرتك سلم عليا ومشاني الزوق برضو بينفع بدل ما يعدي عليا دعوه بغيابي وحصلت مره بشارع البحر عندنا تاكسي قدامي وقف مره واحده لان واحد ظريف حب يعدي ففرملت فجاه نقل ورايا مشفنيش حسيت انه هيلبس فيا فهميت بس بالعربيه الحمد لله ا دت الي خربشه بالشنطه ومره تانيه بعربيه نقل كبيره بالاسكندريه مخدش باله بيا تقريبا انا فار مثلا بالنسباله ريح عليا خربشه برضو بس بنزل اطمن و بكل هدوء امشي بس برضو لا قدر الله لو اتخبطت هعمل اي قدر الله و ماشاء فعل كلو خير وربنا يسلمها مع الجميع تقبل تحياتي

يا سلام ياباشا, ده أنت عملت قاموس للترييح, بس كلها حاجات بسيطة الحمد لله, والجعجعة فعلا ملهاش لازمة, وأنا بكره الصوت العالى, نفسى الناس تبطل تشتم وتضرب على طول.

المشاركة الأصلية كتبت بواسطة corsair عن نفسي محصلش معايا الموقف ده غير مره واحده بس ايام ما كنت لسه جايب ال 128 وكنت لسه بيبي في السواقه اول مشوار طلعت بيها عند خالي وركنتها وكان في فراح فمعرفتش اخرج بوش العربية من الشارع فقولت ارجع بظهري

المشاركة الأصلية كتبت بواسطة corsair المهم قعدت ارجع ولقيت حاجه حاشره العربية وانا عمال ادوس بنزين والعربية مش راضية ترجع اتريني خابط 128 لسه كانت مروشه وصاحبها عمال بيصوت جواها من اللي بعمله فيها المهم جت سليمه طبقتله الجنب بتاع التنك كله بس طلع راجل زوق ومرضاش ياخد عوض

ههههههههههههههههههه, لأ دى ملهاش حل, أنا متخيل الراجل وهو عمال يفلفص جوه وأنت عمال تدوس بنزين, هههههههههههههه, يعنى أنت عملت ترييحة واحدة بضرر الترييحات اللى فى الموضوع كلها وتقولى ترييحة واحدة.

المشاركة الأصلية كتبت بواسطة SuccessCre8or انا اول مرة اريح فيها على عربية كنت بركن موازي ... و كانت عربية فورد فوكاس لسة ماشية بالنمر التجارية :D

يا عينى, ده تلاقى العربية كانت لسه جديدة بالبلاستيك بتاعها, مش عارف ليه الحوادث بتكتر أوى مع العربيات الجديدة.

وأسم حضرتك جامد أوى وبيفكرنى بعبارة كنت بقراها زمان ومكنتش عارف معناها -أوعى تزعل منى- طع100, وقعدت أفك فيها وأنا صغير سنين, لغاية مابقيت خبير فى حل الطلاسم INIT8, AFFILI8, MEDIT8, LEVIT8

المشاركة الأصلية كتبت بواسطة karem ali انا لسه حاصل معايه الموضوع ده من كام يوم كونت بركن العربيه بتاعتى فى الجراج و كانت الحمد لله عربيه بابا هى الى كانت ورايه يعنى مريحتش على حد غريب لكن عربيتى انا الى ظهر عليها التريح يعنى الاكصدام الخلفى اطبق شويه لكن مش باين اوى الحمد لله ودى اول مره تحصل معايه لانى كونت مستعجل شويه فارجعت من غير ما اشوف المرايه لحد ما سمعت صوت دب عرفت انى وصلت وان شاء الله متحصلش تانى

عن السربعة نتحدث, الأستعجال ده بيسبب مصايب, أسأل مجرب, لازم كل أما أبقى مستعجل أعمل حركة غشيمة, ويادببب, يا طراخ, يا أى ى ى ى (صوت حكة), والجراج عندى فى الركنة مافيهوش مساحة لغلطة, بس الحمد لله أيام وعدت بس أثارها لسه موجودة.

[mautaz mouhamed]

المشاركة الأصلية كتبت بواسطة karem ali انا لسه حاصل معايه الموضوع ده من كام يوم كونت بركن العربيه بتاعتى فى الجراج و كانت الحمد لله عربيه بابا هى الى كانت ورايه يعنى مريحتش على حد غريب لكن عربيتى انا الى ظهر عليها التريح يعنى الاكصدام الخلفى اطبق شويه لكن مش باين اوى الحمد لله ودى اول مره تحصل معايه لانى كونت مستعجل شويه فارجعت من غير ما اشوف المرايه لحد ما سمعت صوت دب عرفت انى وصلت وان شاء الله متحصلش تانى

على شان مبتعرفش تسوق روح اتعلم و بعد كده تعاله وعلى فكره باء هقول لعم على انك خبطله عربيطه فى الجراج

هههههههههههههههههه هه

[wael_khaled]

بتفكرونى ليه
يا عم انا لسه جايب الالنترا 2011 زيروه وبعد ما جيبتها بكام يوم كنت نوبطجى فى المطا ورايح النوبه متاخر وزمايلى عمالين يتصلوا بيه علشان استلم منهم ويروحوا وانا عمال الف فى البارك علشان الاقى ركنه مش لاقى وفجاءة فضى مكان ورايا وجيت ارجع اذ بواحد ورايا قولتله انا بارجع وبصيت فى المرايه ملقتهوش فققمت راجع إذ بالبيه دخل من يمينى وانا ما شفتهوش المهم لمسته تقريبا وده ادق تعبير مش ريحت كمان المهم انا كمان خايف على عربيتى لسه زيرو المهم نزلت وبكل ذوق وانا كمان صايم بقوله اللى تامر بيه قالى صلحها قولتله شوف تتكلف كام وانا تحت امرك بس انا عندى نبطشيه فوق المهم الراجل معلق بدج نيابه ما شوفتهوش الا لما خلصت يا امه كنت قولتله روح واعلى ما فى خيلك اركبه لانى ما بحبش التناكه المهم من هنا لهنا قولتله نوقف حد سالت سواق تاكسى قالى اديله عشرة جنيه يغسل العربيعه واللون بتاعك هو اللى ها يكلع من عنده لان مفيش تنيه حتى فى الصاج المهم معجبهوش قلنا نحكم واحد تانى قال ما تستهلش فلوس اصلا برضه ما عجبهوش المهم وقفنا واحد ثالث قال اديله 50 جنيه وانت الخسران المهم الناس اللى كانت واقفه بتتفرج على الموضوع لما شافوه خد ال 50 جنيه قعدوا يتريقوا عليه وقالوله ابقى صلح بيها الكام خبطه اللى فى عربيتك وانت كده ظلمت الراجل المهم انا كنت مستعجل.
مرة تانيه بقى وانا خارج من نبطشيه برضه فى المطار ومش نايم وضايع وبرده نفس القصه بصيت ورا ملقتش حد قمت مدى مارشدير وجيت ارجع كانت وقفت عربيه ورايا بيجو 405 المهم ريحت عليه هو محصلهوش حاجه وانا الاكصدام بتاعى اتطبق شويه صغيرين بس بصراحه مدايقنى لحد دلوقتى لكن الراجل كان محترم ما نزلش حتى ولا بص على العربيه وقالى حصل خير ومشينا على كده
ده غير المواقف اليوميه التى لا تحصى حد ريح عليا وانا قولتله مش مشكله وهو قالى العفو اى كلام المهم من غير ما تلاقى خناقات

بس مره ديه كانت صعبه معايا 128 خارجه من الدوكو بالليل وانا ماشى بيها قام ميكروباص 30 راكب ديب ريح عليها وهو مشغول بيلم الاجره المهم الراجل نزل يبص قام لف حولين العربيه فقالى هى لسه خارجه من الدوكو قولتله من نص ساعه فضحك وقالى اللى تامر بيه قولتله ولا يهمك حصل خير - قمت رايح اغسل العربيه الواد وهو بيغسل العربيه جاى ينزلها من على المجرى بتاعة الغسيل قامت العربيه متزحلقه وكان الواد ها يموت وزنقته بين الباب وعمود المعسله المهم جت سليمه بس الباب اتعوج قولتله خير - تانى يوم بقى الصبح بدرى رايح مشوار واذ بسواق نص نقل بيجرى من جنبى على الكوبرى الصغير اللى على يمين مطلع كوبرى اكتوبر من صلاح سالم وعمال يزمر المهم الكوبر ضيق وانا مش مديله اهميه ومعدتهوش قام داخل بلطجة والفتحه ما تجيبهوش وعدى بوز العربيه بس الصندوق بتاعه كان فيه بروز قام خابط العربيه قمت نازل ضربه ما هو كفايه سماح 3 خبطات فى عربيه خارجه من الدوكو بقالها 12 ساعه المهم كان جانبى واحد صاحبى قبل ما ينزل علشان يحوش كان السواق اخد ما فيه النصيب ولسه صاحبى ماسكهالى لحد دلوقتى كل ما اجى اتكلم فى موضوع يقولى يا عم انت عامل زى القطر قبل ما بنلحق نحوش بتكون دوست اللى قدامك

المشاركة الأصلية كتبت بواسطة Injection ههههههههههههههههههه, لأ دى ملهاش حل, أنا متخيل الراجل وهو عمال يفلفص جوه وأنت عمال تدوس بنزين, هههههههههههههه, يعنى أنت عملت ترييحة واحدة بضرر الترييحات اللى فى الموضوع كلها وتقولى ترييحة واحدة.

ههههههههههههههههههههههههه هه

انا حكيت الموقف ولاكن اللي شافوه كان بيموت من الضحك لاني معلي الكاسيت الصيني اللي تسمع فيه تامر حسني علي انه اليسا وتسمع نانسي علي انها جورج وسوف والراجل عمال بيسرخ وانا مش سامعه فاكر ان الكاسيت بيخروش


اومال لو شوفت لما دخلت في شارع في عزبة النخل والناس كلها قالتلي الحته ديه مش هتاخد عربيتك وانا صممت اني ادخلها وبقيت اخبط البيوت بالعربية من الجنبين وشوهت العربية من الجنب

[Injection]

المشاركة الأصلية كتبت بواسطة wael_khaled بتفكرونى ليه يا عم انا لسه جايب الالنترا 2011 زيروه وبعد ما جيبتها بكام يوم كنت نوبطجى فى المطا ورايح النوبه متاخر وزمايلى عمالين يتصلوا بيه علشان استلم منهم ويروحوا وانا عمال الف فى البارك علشان الاقى ركنه مش لاقى وفجاءة فضى مكان ورايا وجيت ارجع اذ بواحد ورايا قولتله انا بارجع وبصيت فى المرايه ملقتهوش فققمت راجع إذ بالبيه دخل من يمينى وانا ما شفتهوش المهم لمسته تقريبا وده ادق تعبير مش ريحت كمان المهم انا كمان خايف على عربيتى لسه زيرو المهم نزلت وبكل ذوق وانا كمان صايم بقوله اللى تامر بيه قالى صلحها قولتله شوف تتكلف كام وانا تحت امرك بس انا عندى نبطشيه فوق المهم الراجل معلق بدج نيابه ما شوفتهوش الا لما خلصت يا امه كنت قولتله روح واعلى ما فى خيلك اركبه لانى ما بحبش التناكه المهم من هنا لهنا قولتله نوقف حد سالت سواق تاكسى قالى اديله عشرة جنيه يغسل العربيعه واللون بتاعك هو اللى ها يكلع من عنده لان مفيش تنيه حتى فى الصاج المهم معجبهوش قلنا نحكم واحد تانى قال ما تستهلش فلوس اصلا برضه ما عجبهوش المهم وقفنا واحد ثالث قال اديله 50 جنيه وانت الخسران المهم الناس اللى كانت واقفه بتتفرج على الموضوع لما شافوه خد ال 50 جنيه قعدوا يتريقوا عليه وقالوله ابقى صلح بيها الكام خبطه اللى فى عربيتك وانت كده ظلمت الراجل المهم انا كنت مستعجل. مرة تانيه بقى وانا خارج من نبطشيه برضه فى المطار ومش نايم وضايع وبرده نفس القصه بصيت ورا ملقتش حد قمت مدى مارشدير وجيت ارجع كانت وقفت عربيه ورايا بيجو 405 المهم ريحت عليه هو محصلهوش حاجه وانا الاكصدام بتاعى اتطبق شويه صغيرين بس بصراحه مدايقنى لحد دلوقتى لكن الراجل كان محترم ما نزلش حتى ولا بص على العربيه وقالى حصل خير ومشينا على كده ده غير المواقف اليوميه التى لا تحصى حد ريح عليا وانا قولتله مش مشكله وهو قالى العفو اى كلام المهم من غير ما تلاقى خناقات بس مره ديه كانت صعبه معايا 128 خارجه من الدوكو بالليل وانا ماشى بيها قام ميكروباص 30 راكب ديب ريح عليها وهو مشغول بيلم الاجره المهم الراجل نزل يبص قام لف حولين العربيه فقالى هى لسه خارجه من الدوكو قولتله من نص ساعه فضحك وقالى اللى تامر بيه قولتله ولا يهمك حصل خير - قمت رايح اغسل العربيه الواد وهو بيغسل العربيه جاى ينزلها من على المجرى بتاعة الغسيل قامت العربيه متزحلقه وكان الواد ها يموت وزنقته بين الباب وعمود المعسله المهم جت سليمه بس الباب اتعوج قولتله خير - تانى يوم بقى الصبح بدرى رايح مشوار واذ بسواق نص نقل بيجرى من جنبى على الكوبرى الصغير اللى على يمين مطلع كوبرى اكتوبر من صلاح سالم وعمال يزمر المهم الكوبر ضيق وانا مش مديله اهميه ومعدتهوش قام داخل بلطجة والفتحه ما تجيبهوش وعدى بوز العربيه بس الصندوق بتاعه كان فيه بروز قام خابط العربيه قمت نازل ضربه ما هو كفايه سماح 3 خبطات فى عربيه خارجه من الدوكو بقالها 12 ساعه المهم كان جانبى واحد صاحبى قبل ما ينزل علشان يحوش كان السواق اخد ما فيه النصيب ولسه صاحبى ماسكهالى لحد دلوقتى كل ما اجى اتكلم فى موضوع يقولى يا عم انت عامل زى القطر قبل ما بنلحق نحوش بتكون دوست اللى قدامك

الله أكبر, ده الموضوع أتملى ناس ليهم باع طويل فى "الترييح", حصل خير ياباشا.

اللى أنا بجد مسترزلها جدا هى حركة سواق النقل دى, أنا لما بتحط فى موقف زى ده بكبر دماغى وأعديه بحكم أنى صايع وموارييش أى حاجة, بس فيه ناس مبتحبش العافية زى حضرتك كده, بس السواق خد اللى يستحقه.

وحكاية الدوكو دى خلاص بقت لعنة, مافيش حد بينضف عربيته الا لم تاخد الخبطة التمام, بس خبطة البنزينة دى هى اللى مسخرة, والمشكلة أن حضرتك مكنتش هتعرف تاخد منه حق ولا باطل (لو الموضوع طلب يعنى)

وحكاية البادج دى برضه مستفزة قوى, بس برضه حضرتك أتصرفت صح وكبرت دماغك, الناس دى بتدور على المشاكل علشان يعملوا رجالة, سواء كان وكيل نيابة بجد ولا بادج وخلاص.

وربنا يباركلك فى العربية الجديدة ياباشا, وكالعادة يبعد عنك ولاد الحرام من حاملى الزجاج والمسامير وخالعى العلامات, ويبعد عنك الميكانيكية والصنايعية والتوكيييييييل أمين يارب.