"ريحت" على عربية حد قبل كده؟

[المناور]

أنا عملت القصة دى مرتين فى حياتى مرة وأنا باتعلم السواقة مع واحد صاحبى على عربيته اللادا فى شارع رايح جاى وفيه مطلع ، المهم لقيت عربية bmw فى وشى فوقفت على المطلع لغاية اما يعدى بعد ما عدى لسه باقول يا هادى وبارفع رجلى من على الفرامل وطاخ فى عربية النترا الشكل القديم كانت ورايا الحمد لله الراجل كان قريب من العربية فمحصلش أى حاجة وهو نفسه كان ذوق فمشينا علطول .

المرة التانية بعدها بسنة فى اليوم اللى اشتريت فيه عربيتى ودى أول عربية ليا ولسه راجع من سوق السيارات مخلص ورقها وكل حاجة ومعايا واحد صاحبى بيوصلهالى لغاية البيت ، المهم لقيت سكة فاضية وواسعه فقلتله ماتخلينى اسوق شوية راح مديهانى مشيت بيها كويس وكله تمام جيت عند مطب من النوع اللى مالوش وش من قفا ولسه باطلع أوله راحت العربية مبطلة منى طبعا أنا اتلخمت ومادوستش على الفرامل فلقيت العربية راحت راجعة ومريحة على تاكسى والحمد لله برضو الراجل كان قريب من العربية فمحصلش حاجة بس قعد يجعجع شوية والموضوع خلص بعد ما جيبت الوان ونزلت لصاحبى علشان يسوقها هو .

[Ahmed Anwer]

يا راجل بقه كده أنتا ريحت عليه بس ؟؟؟؟

أمال لو خبطته كنت عملت فيه أيه ؟؟؟؟

[khaled_1993m]

انا حصلت معايا مرتين
1- و انا بتعلم زمان و طالع من الجراج و كان فيه عيل صغير لخمني و اعيد ينط علي الكبود و العربية بترجع (و طبعا اكيد كلكوا عارفين اللي بيتعلم بيبقي حاله عامل ازاي) و انا اعد اقوله حاسب و انا لسه بارجع و فجاه لائيت طاااخ فالعربية ريحت علي بيجو 504 طبعا انا وش فانوسي انكسر و البويا وقعت انما هو مافيش خدش حتي

2- التانية بقي لسه من قريب و كان الشارع زحمة اوي و انا كنت بتكلم في الموبايل مش مركز و كسرت العجل كله و لسه هركن اتاري كان في عربية جنبي (اولها كان عند الباب الخلفي كده) فحكيت فيها بس الحمد لله ماحصلش حاجة غير اني البوية اتخدشت و دي علي فكرة اكتر حاجة تعصبني اني البوية تبووظ

[aymanay32]

انا بقى ريحت مرة على حيطة و انا برجع ورا
كنت فى طنطا فى مامورية تبع الشغل و لقيت زميلى بالليل بيقوللى فيه واحد من اللى شغالين فى الفندق تعبان و عاوز يروح المستشفى قمت حسبتها بسرعة فيه معانا عربيتين عربيتى و عربية محمد زميلى و بكرة هنركب معاه و نطلع على كفر الشيخ فلازم يريح قمت طلعت انا بعربيتى و سيبت محمد فى الفندق و انا برجع لورا و ورائى حائط كنت فاكر انه بعد مسافة كبيرة لقيتنى ديب
اه خبط فى الحيطة اصلى كنت قافل الزجاج عشان البرد لاننا كنا فى الشتا و الماتور صوته عالى و مسمعتش حد من اللى بيصرخوا لى برة و بيقولولى حاسب

بس الحمد لله جات سليمة


و اسبوعيا او كل يومين تلاته بريح على عربية اخويا بس بكون مطمئن لان الاكصدام قدام الاكصدام فكل اللى بيحصل انى بسمع ديب
والاقى العربية بتاعتى مش قادرة تتحرك
و احيانا بيحصل نفس الموقف دة بنفس التفاصيل مع عربية والدى

اما اللى وجعنى بجد كنت واقف فى ملف و جنبى نصف نقل شاسية طويل و قام مريح عليه
اكيد غصب عنه
و اخد منى الباب بتاعى و عوج حته فى الجنط بتاع العجلة الشمال بس كل اللى عملته قولت له ارجع ورا عشان اطلع انا لما الطريق يتحرك و امشى الاول و دى كانت قبل شهر رمضان بيومين


المرة الثانية كانت عربية نص نقل ريحت من قدام على عربيتى القديمة و كانت التلفيات بسيطة جدا مجرد حكة فى البوية لان العربية القديمة كانت بجد قطعة من الحديد الصلب المصفح بس فرط فيها لعدم قدرتى على اصلاحها

اخر مرة من اسبوع كنت راكن العربية و مفيش حد ورايا و بعدين ركنت عربية فان خلفى بمسافة حوالى نصف متر و كنت نايم فى البيت و صحونى بعد خمس دقائق من استغراقى فى النوم قالولى لازم ننزل دلوقتى عشان فيه ظروف حصلت و كنت نازل مش عارف انا نايم و لا صاحى نزلت و رجعت بسرعة بالعربية من غير ما ابص ورايا و سمعت ديب جامدة قوى و لما بصيت فى المرايا شوفت العربية اللى ورايا قمت طلعت شوية قدام حوالى متر و نص بصيت فى المرايا لقيته زى الفل و محصلوش حاجة قمت ماشى و لما خلصت مشوارى قمت نزلت و لفيت خلف العربية لقيته و لله الحمد دائما سليمة قلت الحمد لله ان الاكصدام كان قدام الاكصدام

و الحاجات دى خلتنى اركز ايه العربيات اللى تمشى وراها علشان لو ريحت عليك ميحصلكش حاجة و كل الخبطة تكون اكصدامات فى بعض و بس
و مهما كان اوعى تمشى ورا اتوبيس لانه زمان كنت سايق الفيورا و ريح الاتوبيس النقل العام معايا و كانت النتيجة شبكة و ريداتير و فوانيس و كبوت و رفرفين

[Injection]

المشاركة الأصلية كتبت بواسطة احمد بدر1978 الترييح دة عادى جدا يا باشا

يا خوفى منك ياباشا, أحسن تكون معلم على نص عربيات أسكندرية, أوعى تكون نازل القاهرة قريب.

المشاركة الأصلية كتبت بواسطة hazem_khidr انا اول ما شفت الصوره كنت مجهز رد اااااااااااد كده علشان اكتبهولك و اقولك انك فاهم الترييح غلط المهم ندخل ف يالموضوع انا ما ريحتش غير مره واحده بس كانت بال 132 و ابن خالي كان بره العربيه بيرجعني لان الدنيا كانت ظلام دامس(حلوه دامس دي ) و المهم عمال يقول ارجع ارجع ارجع و طاااااااااااااااااااااااا ااخ كان ورايا عربيه ريجاتا اخدت الشبكه و الفانوسين في سكتي المهم بصينا مالقيناش حد و قمنا طالعين راكنين العربيه بعيد (كنا شياطين اياميها ) و بصراحه ضميري وجعني لكن كنت اياميها طالب و مش معايا فلوس اصلح العربيه و واحد قريبي بحكي له قالي خد اي مبلغ مني و روح للراجل ادفعه و قوله انا اللي خبطها بس بصراحه اتحرجت لاني كان فات يومين و الراجل بسم الله ما شاء الله لقيت جاب الشبكه و اوشاش الفوانيس و العربيه واقفه بتبرق المهم ماشي في مره و سرحان بعدها باسبوع و تاكسي وقف فجأه و انا ما اخدتش بالي و طااااااااااخ دخلت فيه نزلت الاقي الفوانيس الاماميه و الشبكه و حته من الكابود مخبوطه قولت دا عقاب من ربنا والحمد لله. المهم العربيه لو ريحت عليها و ما حصلش حاجه يبقي خلاص ما تتكلمش اما لو حصل يبقي حل من الاتنين يا تستني صاحبها يا تكتب ورقه و تحطها في المساحه او المرايه و هو لما يجي يتصل بيك و يقدر اذا كنت تساعده في تصليح العربيه ولا لاء

هههههههههههههههه, يا حكاياتك ياحازم باشا, والله أحنا عايزين منك موضوع تقولنا على حوادثك وتجاربك فيه أيام الشقاوة, ده حضرتك تقريبا ماسبتش حاجة ومعملتهاش, حوادث, زفة, سفر, وما خفى كان أعظم.

ومتبقاش تمشى بعد كده فى ظلام "مدمس"

المشاركة الأصلية كتبت بواسطة المناور أنا عملت القصة دى مرتين فى حياتى مرة وأنا باتعلم السواقة مع واحد صاحبى على عربيته اللادا فى شارع رايح جاى وفيه مطلع ، المهم لقيت عربية bmw فى وشى فوقفت على المطلع لغاية اما يعدى بعد ما عدى لسه باقول يا هادى وبارفع رجلى من على الفرامل وطاخ فى عربية النترا الشكل القديم كانت ورايا الحمد لله الراجل كان قريب من العربية فمحصلش أى حاجة وهو نفسه كان ذوق فمشينا علطول . المرة التانية بعدها بسنة فى اليوم اللى اشتريت فيه عربيتى ودى أول عربية ليا ولسه راجع من سوق السيارات مخلص ورقها وكل حاجة ومعايا واحد صاحبى بيوصلهالى لغاية البيت ، المهم لقيت سكة فاضية وواسعه فقلتله ماتخلينى اسوق شوية راح مديهانى مشيت بيها كويس وكله تمام جيت عند مطب من النوع اللى مالوش وش من قفا ولسه باطلع أوله راحت العربية مبطلة منى طبعا أنا اتلخمت ومادوستش على الفرامل فلقيت العربية راحت راجعة ومريحة على تاكسى والحمد لله برضو الراجل كان قريب من العربية فمحصلش حاجة بس قعد يجعجع شوية والموضوع خلص بعد ما جيبت الوان ونزلت لصاحبى علشان يسوقها هو .

الحمد لله على كل شئ, الترييح فى المطالع ده بايخ بشكل, رغم أنى رجلى دايما متحفزة للضغط على الفرامل أو البنزين, وأيدى دايما على الكلاكس علشان أصحى اللى قدامى لو نام, بس بتشائم من الوقفة على كوبري أو أى مطلع فى الزحمة.

والمرة التانية دى أكيد حادثة كده على الماشى لزوم العربية الجديدة.

المشاركة الأصلية كتبت بواسطة Ahmed Anwer يا راجل بقه كده أنتا ريحت عليه بس ؟؟؟؟ أمال لو خبطته كنت عملت فيه أيه ؟؟؟؟

ياباشا الصورة للهزار فقط, وعلى رأى حضرتك لو دى ترييحة, يبقى الحادثة شكلها أيه.

المشاركة الأصلية كتبت بواسطة khaled_1993m انا حصلت معايا مرتين 1- و انا بتعلم زمان و طالع من الجراج و كان فيه عيل صغير لخمني و اعيد ينط علي الكبود و العربية بترجع (و طبعا اكيد كلكوا عارفين اللي بيتعلم بيبقي حاله عامل ازاي) و انا اعد اقوله حاسب و انا لسه بارجع و فجاه لائيت طاااخ فالعربية ريحت علي بيجو 504 طبعا انا وش فانوسي انكسر و البويا وقعت انما هو مافيش خدش حتي 2- التانية بقي لسه من قريب و كان الشارع زحمة اوي و انا كنت بتكلم في الموبايل مش مركز و كسرت العجل كله و لسه هركن اتاري كان في عربية جنبي (اولها كان عند الباب الخلفي كده) فحكيت فيها بس الحمد لله ماحصلش حاجة غير اني البوية اتخدشت و دي علي فكرة اكتر حاجة تعصبني اني البوية تبووظ

الحادثة الأولى دى بتفكرنى بمرة برضه طفل صغير لخمنى, وكنت هدوسه علشان عدى من أدام العربية وأنا طالع من الجراج ومكنتش شايفه بس ربنا بيستر, واللخمة بتسبب حوادث كتير جدا, لدرجة أنى مبرضاش حد يقعد جنبى علشان أعرف أركز كويس, وعلشان "درش" قاعد على الكرسى طبعا.

وخدوش البوية فعلا رذلة جدا لأنه لاهى تستاهل تروح لسمكرى يعملها, ولا فيه حتى طريقة سهلة تتعمل بيها غير مثلا قلم البوية لو عرفت تجيبه, وطبعا بتبقى باينة زى الشمس فى العربيات الجديدة.

المشاركة الأصلية كتبت بواسطة aymanay32 انا بقى ريحت مرة على حيطة و انا برجع ورا كنت فى طنطا فى مامورية تبع الشغل و لقيت زميلى بالليل بيقوللى فيه واحد من اللى شغالين فى الفندق تعبان و عاوز يروح المستشفى قمت حسبتها بسرعة فيه معانا عربيتين عربيتى و عربية محمد زميلى و بكرة هنركب معاه و نطلع على كفر الشيخ فلازم يريح قمت طلعت انا بعربيتى و سيبت محمد فى الفندق و انا برجع لورا و ورائى حائط كنت فاكر انه بعد مسافة كبيرة لقيتنى ديب اه خبط فى الحيطة اصلى كنت قافل الزجاج عشان البرد لاننا كنا فى الشتا و الماتور صوته عالى و مسمعتش حد من اللى بيصرخوا لى برة و بيقولولى حاسب بس الحمد لله جات سليمة و اسبوعيا او كل يومين تلاته بريح على عربية اخويا بس بكون مطمئن لان الاكصدام قدام الاكصدام فكل اللى بيحصل انى بسمع ديب والاقى العربية بتاعتى مش قادرة تتحرك و احيانا بيحصل نفس الموقف دة بنفس التفاصيل مع عربية والدى اما اللى وجعنى بجد كنت واقف فى ملف و جنبى نصف نقل شاسية طويل و قام مريح عليه اكيد غصب عنه و اخد منى الباب بتاعى و عوج حته فى الجنط بتاع العجلة الشمال بس كل اللى عملته قولت له ارجع ورا عشان اطلع انا لما الطريق يتحرك و امشى الاول و دى كانت قبل شهر رمضان بيومين المرة الثانية كانت عربية نص نقل ريحت من قدام على عربيتى القديمة و كانت التلفيات بسيطة جدا مجرد حكة فى البوية لان العربية القديمة كانت بجد قطعة من الحديد الصلب المصفح بس فرط فيها لعدم قدرتى على اصلاحها اخر مرة من اسبوع كنت راكن العربية و مفيش حد ورايا و بعدين ركنت عربية فان خلفى بمسافة حوالى نصف متر و كنت نايم فى البيت و صحونى بعد خمس دقائق من استغراقى فى النوم قالولى لازم ننزل دلوقتى عشان فيه ظروف حصلت و كنت نازل مش عارف انا نايم و لا صاحى نزلت و رجعت بسرعة بالعربية من غير ما ابص ورايا و سمعت ديب جامدة قوى و لما بصيت فى المرايا شوفت العربية اللى ورايا قمت طلعت شوية قدام حوالى متر و نص بصيت فى المرايا لقيته زى الفل و محصلوش حاجة قمت ماشى و لما خلصت مشوارى قمت نزلت و لفيت خلف العربية لقيته و لله الحمد دائما سليمة قلت الحمد لله ان الاكصدام كان قدام الاكصدام و الحاجات دى خلتنى اركز ايه العربيات اللى تمشى وراها علشان لو ريحت عليك ميحصلكش حاجة و كل الخبطة تكون اكصدامات فى بعض و بس و مهما كان اوعى تمشى ورا اتوبيس لانه زمان كنت سايق الفيورا و ريح الاتوبيس النقل العام معايا و كانت النتيجة شبكة و ريداتير و فوانيس و كبوت و رفرفين

ونعم الحكايات ياباشا,ونعم الحكايات, أنا مش عارف أعلق على أنهى حكاية فيهم, يارب الحكايات دى ماتزيدش حكاية تانى أبدا, والنصيحة اللى فى الأخر مهمة جدا, وأحب أضيف برده محدش يمشى جنب أوتوبيس أو ميكروباص الا لوهيعدى منه بسرعة, علشان بنسبة 60% هيكسر عليك فجأة, ولو أوتوبيس نقل عام وملحقتش تفرمل قول يارحمن يارحيم على جنب العربية, وحصلت مرتين قبل كده قدام عينى.


وفيه حاجة بقى أرذل بجد, وهى تبقى بتهدى علشان أشارة وتقف عادى جدا, بعدها قول ب 5 ثوانى تلاقى دبببب, وعربية لزقت فيك من ورا, ودى حركة مستفزة بطريقة مالهاش حل, ولسه حاصلة معايا من يومين, وطبعا مفيش أضرار بس كان هاين عليا أنزل أقتل السواق (تفكيرى كده, أنما الحمد لله تصرفاتى العكس تماما), وخاصة أنه مكلفش نفسه حتى ينزل يعتذر, يمكن أنا ببالغ بس الموقف ده نكد عليا باقى اليوم بعد ماكنت ماشى فرحان, بس الحركة دى منتشرة فى رمضان بطريقة عجيبة جدا.

وشكرا طبعا لكل الأعضاء اللى شاركوا بحكاياتهم, وأفادونى أنا وغيرى بتجاربهم.