|
#16
19-01-2010, 11:57 AM
|
||||
|
||||
رد: اسعار قطع غيار سكودا فيليشيا
ألف شكر يا أستاذhanyreloadعلى الصور الواضحة دى
وعايز افهم يعنى ايه الفخد تفتح منى بالنسبة للبار الحديد وياريت اعرف سعر الفانوس الامامى والفانوس الخلفى ممكن تتباع الباغة لوحديها ولا الفانوس على بعضه وياريت اعرف فايدتها ايه كارته الكمبيوتر وتبقى موجوده فى موديلات ايه اسف انى طولت عليكم
__________________
التعديل الأخير تم بواسطة Modysadek ; 19-01-2010 الساعة 12:03 PM 
|
|
#17
19-01-2010, 02:27 PM
|
||||
|
||||
|
رد: اسعار قطع غيار سكودا فيليشيا
الى بيحصل انه مع المطبات القويه الى بتفوق قدره احتمال المساعدين بيتحول الخبط الى الفخد الى مع الوقت يعمل شقوق فى الصاج بين الفخد والشاسيه الى بدوره بيخلى الفخد تبعد عن بعض ولو حتى عده ملى مترات لكن بتاثر فى ثبات العربيه بصوره كبيره لكن البار الحديد بيمنع حدوث الموضوع ده . اما بالنسبه لاسعار الفوانيس فانا معنديش فكره ولكن نصيحه اشترى الفوانيس استعمال لان الجديد مش اصلى ومع الوقت بيطوس ويفقد لمعانه اما الاصلى بيقعد طول عمره برونقه ودى نمره محل قطع غيار استعمال ممكن تكلمه واستفسر منه على الاسعار 0123248753 .بالنسبه للكارته فهى العقل الالكترونى للعربيه وبالنسبه لعربيتى فهى نازله معاها وانا جايب العربيه دى من المانيا وهى موديل 95 ولكن قرينتها فى مصر نازله بدون الكارته دى.وعلى ما اعتقد انها نازله من اول موديلات 97 .
ودى صوره الكارته  واى استفسار تانى انا تحت امرك وياريت تقولنا لقيت اسعار الفوانيس ايه بعد ما تعرف ان شاء الله.
__________________
سبحان الله وبحمده........سبحان الله العظيم
|
|
#18
26-01-2010, 01:45 PM
|
|||
|
|||
|
رد: اسعار قطع غيار سكودا فيليشيا
ألف ألف شكر الأستاذ هاني ريلود على الموضوع الرائع والمعلومات المفيدة.
أولاً: أنا لسة شاري فليشيا مو 97 بحالة المصنع بـ 29600 دواخل وخوارج فابريكة وكاوتش جديد وزجاج كهربا ووحدة رفع وكاسيت وسماعات وعاملة 100000كم. إيه رأيكم في المواصفات مع السعر ده؟ ثانيا: أي نعم العربية حالتها متازة بس برضة فيها شوية حاجات عايزة تظبيط... يعني زرار الزجاج الكهربا بينزل الزجاج ومش بيرفع يعني عشان اقفله لازم افتح واقفل المسوجر عشان وحدة الرفع تشغتل وطبعا ده حمل على السنتر.... هل فيه صنايعي كويس يعرف يصلح المشكلة دي في اسكندرية أو في القاهرة؟ عاوز اركبلها كمان مرايات كهربا هل ممكن ولا تبقى غالية بدون داعي؟ ايه اللي ممكن أزوده في العربية علشان أعلي كفاءتها في المشي وفي الركوب وفي الشياكة كمان ويكون في المعقول؟ طبعا الشداد ده فكرة هايلة جدا وحاركبه على طول لأني باسافر كتير جدا بالعربية. ثالثاً: احب لو حد من الاخوة الأفاضل يدلني على الحاجات الي بتبوظ الفليشيا والحاجات اللي محتاج أعملها عشان أحافظ على عربيتي سليمة أطول مدة ممكنة. وجزاكم الله كل خير
|
|
#19
30-01-2010, 12:20 AM
|
||||
|
||||
رد: اسعار قطع غيار سكودا فيليشيا
شكرا ديدو على الرد الجميل والف مبروك عربيتك الجديده وربنا يكفيك شرها وطبعا السعر ده رائع جدا جدا وبالنسبه للعطل الى عندك ده بسيط جدا واى كهربائى شاطر يقدر يصلحو بمنتهى السهوله وبالنسبه للمرايات الكهرباء تركب عادى بس ملهاش لزمه مرايات عربيتك كويسه جدا ومش حتعوز اكتر من كده .وابقى ارفعلنا صورها عشان نقولك رأينا.
__________________
سبحان الله وبحمده........سبحان الله العظيم
|
|
#20
03-02-2010, 10:07 PM
|
|||
|
|||
|
رد: اسعار قطع غيار سكودا فيليشيا
يا لورد انا جنبك فى الوزراة ياريت تقولى البار الحدي منين بالظبط اجيبه
|
 |
| الكلمات الدليلية |
| سكودا فيليشيا |
|
|
