م/احمد مهران

[محمود حسين المتحدة]

اول حاجة محتاجة للتوضيح وهى ان المتحدة لا تفرض على احد قطعة غيار من عندها يعنى فى ناس بتقول ان الطقم موجود فى السوق وسعره 550 ج وهنا العميل ممكن يجيب الطقم ايا كان نوعه والمتحدة فقط بتقوم بالتركيب يعنى الناس اللى شايفة ان سعر الطقم غالى فى المتحدة تقدر تشتريه ايا كان مكان شراءه وتدفع عندنا مصنعيات التركيب فقط واللى هى 150 ج لل 516 وبالنسبة لل 113 والتيجو وال 620 بتكون 200 ج فقط وطبعا التركيب عمره ما حد عندنا اشتكى منه لانه ببساطة اصغر مساعد فى المتحدة بيعرف يركب الكاتينة ويظبطها 100 %
واما بالنسبة لتكلفة التركيب فياريت الناس اللى بتقارن تبئة فاهمة انه عند مقارنة المتحدة بمكان اخر بيقدم نفس الخدمة انها تبص على الامكانيات المتاحة من معدات واجهزة و مكان محترم مش فى الشارع يعنى ولا ورشة متر فى متر وكمان احنا من البداية قايلنها لكل الناس احنا مش توكيل ومش ورشة واسعارنا هتكون وسط مابيتن التوكيلات والورش واقرب للورش يعنى مثلا بالنسبة لكاتينة ال516 التوكيل بيركبها ب 350 ج احنا بنركبها 150 ج والورش بتركبها مابين 100 : 150 على حسب بس الفرق المتحدة ناس متخصصة ومحصلتش قبل كدة مرة واحدة حتى اننا ركبنا كاتينة وطلعت مش مظبوطة وعلى فكرة دى اغلى صيانة عندنا اقصد الكاتينة لاى عربية . أ أما بعد ذلك من الصيانات يعنى تغير الكوبلن 30 ج تغير التيل 30 ج تغير طنابير 50 تغير مساعدين 75 ج صيانة كاملة بوجيهات وفلاتر وتربيط عفشة وغسيل محرك ب 50 ج

[طارق المحلاوى]

فعلا انا ملاحظ ان الأخ صاصا نازل نقد فى المتحدة ومقالش مرة واحدة انه عمل حاجة هناك ..امال المعلومات دى جايبها منين ..ولا كلام وخلاص..

[محمود حسين المتحدة]

وبردوا نرجع تانى للكاتينة وهنا هنتكلم عن اهم نقطة بتشغل اى حد فينا وهى الضمان لانه معروف ان كارثة كاتينة تقطع معناه موضوع كبير وتكلفة محترمة وخراط وصبابات ...الخ
وكدة يبئة الضمان جاجة مهمة ولما اجى اخد ضمان من حد على حاجة زى كدة يبئة لازم اتعامل مع شركة كبيرة زى التوكيل او المتحدة . مش اتعامل مع ميكانيكى فى الشارع يقولى ضمان ولما تحصل المشكلة ابص الاقيه بيقولى وانا مالى وذنبى ايه انا اضحك على زيك انا معرفش ان الكاتينة دى وحشة ..... وانا اسف انى اقولها والله ما اقصد الاساءة لحد ولكن ده فعلا اللى بيحصل مع الورش ماهو راجل بسيط مش معقول هيصرفلك 2000 ج على العربية وخصوصا لو كانت مصيبته مع 30 او 40 عربية ..لكن الشركات الكبيرة لو حصل تقدر تعمل كدة عشان اسمها وسمعتها اولا او لان فى حاجة مع حضرتك اسمها مستند رسمى للشركة بيقول انه فى ضمان تقدر حضرتك تاخد حقك به فعلا من جهات كتير ده بافتراض انه سمعهتم مش مهمة عندهم

[محمود حسين المتحدة]

واما بالنسبة لسعر الكاتينة طبعا انا مش هقول احنا بنشتريه بكام لان ده مش من حق اى حد انه يسأل عليه ولكن عايز اقول حاجة الناس بتقول فى السوق ب 550 ج وفى التوكيل ب 630 وفى المتحدة 700 ماتيجى نحللها مع بعض
اللى ب550 ج مالوش ضمان خالص والتاجر اللى بيبيعه اكيد كسبان فيه وتركيبه ما بين 100 : 150 يعنى الطقم فى حدو 650 ال 700 ج
التوكيل ب630 ج سعره فعلا اقل من المتحدة وبردوا عليه ضمان رسمى ولكن تركيبه ب 350 ج
يعنى وقف الطقم بحوالى 1000 ج
المتحدة ب 700 ج واكيد احنا كسبانين فيه وتركيبه 150 ج يعنى الطقم واقف ب 850 ج وعليه ضمان رسمى .... هنا بئة كل واحد فينا ليه حق الاختيار
بس بردو كدة يبئة المتحدة بتثبت انها عند كلامها وان اسعارها وسط مابين التوكيلات والورش بس بامتيازات التوكيلات واعتقد بعد سنتين شغل باسم المتحدة اعتقد انه الحمد لله ناس كتير مش عايز اقول كل الناس اجمعت انه المتحدة احسن من التوكيل بشكل عام فى كل حاجة
وشكرا لحضراتكم جميعا واسف على الاطالة

[محمود حسين المتحدة]

استكمالا للموضوع بس من ناحية اسعار المتحدة احب اضيف المشاركة وهى الحقيقة عبارة عن موضوع لسة نازل امبارح بس وبيأكد ان المتحدة بتسعى انه توصل لافضل شىء مرضى للعميل

بسم الله الرحمن الرحيم

السلام عليكم و رحمة الله و بركاته

السادة المحترمين المتعاملين مع مركز المتحدة .....

النهاردة عندى اخبار كويسة للكل بس هى هتبدأ خلال ايام فقط لمالكى ال 516 ثم تتبع باذن لكل موديلات الاسبرانزا و ال بى واى دى

ايه الموضوع ؟؟؟؟؟؟؟؟؟؟؟؟؟

الموضوع انه من حوالى سنة تقريبا تعرفنا باحد الناس وهو الاستاذ / خالد حجاج وهو صاحب شركة متخصصة فى قطع غيار التوك توك والموتوسيكل وهى شركة الصفا للاستيراد . وعرفت بانهم يدرسون وبالفعل يقوموا باستيراد قطع غيار السيارات الصينية ولكنهم حريصين على اسمهم وعلى ان تكون قطع الغيار المستوردة من خلالهم منتجات بمستوى عالى من الجودة بمعنى هاى كوبى او انها تكون اصلية بنسبة 100 %

وباعتبارنا ناس اصحاب خبرة جيدة فى التمييز بين قطعة الغيار الاصلية والاخرى ذات الجودة الرديئة فقد قام الناس بزيارتنا وتم التعارف بينا وتم الاتفاق على الاتى :

1 – ان تقوم المتحدة بمد الصفا بكل المعلومات الفنية التى تمكنهم من استيراد قطع الغيار الجيدة بمعنى كوبى الاصلى او قطع غيار اصلية فعلا

2 – يكون للمتحدة الحق فى الحصول على اسعار قطع الغيار بسعر اليد الاولى من المستورد ( شركة الصفا ) وده طبعا معناه هيكون سعر قطعة الغيار مماثل الى حد كبير جداااااااا اسعار محلات قطع الغيار بالتوفيقية وشارع دمشق و غيرها ممن سيتعاملوا بنفس نوع قطع الغيار سواء اصلى او كوبى ......

المهم :

بعد العمل بجدية من الصفا وتوفير قطع الغيار الان اصبح فعلا موجود الان تشكيلة كبيرة جدا من قطع الغيار تغطى تقريبا بنسبة 75 % جميع قطع غيار ال 516 والمفاجأة انه بها اصناف كتير اصلية بنسبة 100 % حاجة محترمة فعلا وكمان اصناف كتير من الكوبى فيها اللى ممكن فحصه بالعين المجردة والتأكيد على انه جيد فعلا يمكن ضمانه بدون اى نسبة قلق وبعضها لا يمكن التأكيد على انه جيد الا بعد اختباره فى التشغيل . ولكن ده من وجهة نظر المتحدة اما استاذ / خالد فيؤكد على انه مثل هذه القطع ( صاحبة الحاجة الى الاختبار ) منتقاه من مصادر موثوق فيها بالنسبة له وتستحق الضمان وربما يمكننا التوصل الى اتفاق بان تقوم شركة الصفا بضمانها ضمان رسميا من خلال المتحدة واعتقد انشاء الله انه ممكن يحصل ده عموما القطع دى فعلا الفنش بتاعها فعلا شكله مخدوم وانشاء الله تثبت جودتها .

الحقيقة الموضوع فى شوية تفاصيل بسيطة لسة عايزة تاخد الشكل النهائى قبل اما يتم البدأ بالعمل فى التخفيضات الجديدة ولكن المهم انه انشاء الله هيتم زى ما وعدت خلال ايام انشاء الله . وباذن الله هتكون حاجة مفيدة لكل من المتحدة والصفا ومالكى الاسبرانزا .

ودلوقتى و لاول عايزين مشاركاتكم لانه ممكن يكون فى استفسارات كتير تفيد وتوضح اهمية الموضوع بالنسبة للجميع . لانه ولا اخفى عليكم مدى استمرار مثل هذا الاتفاق واستمرار المتحدة فى الالتزام وايضا الصفا واجتهادها فى ان تقوم بتغطية كاملة لقطع الغيار لكل فئات السيارة مرتبط بمدى انتشار معرفة الناس وتعاملهم مع هذه المنتجات . واما عن المتحدة والتزامها فى وعودها وحرصها على سمعتها فاعتقد ان ما يقرب من سنتين تعامل مع مالكى الاسبرانزا تكفى لطمأنة الناس لهذه المنتجات وايضا شركة الصفا ليست شركة يملكها فرد يذهب للصين ينتقى بعض قطع الغيار على طريقة تجار فوانيس رمضان يعنى . فهى شركة اقصد الصفا طبعا هى شركة مصرية رأس مالها بالملايين – ربنا يزيدهم ماشاء الله - ولها ادارة حكيمة ولهم مكاتب دائمة ومستقرة منذ عدة سنوات ما يقرب من 10 سنين على الاقل فى الهند والصين وسوف اضيف هنا فى الموضوع لاحقا صور ومعلومات اكثر عن الصفا باذن الله .....