مشكله فى دبرياج عربيتى الفيرنا

[احمد سويلم]

المشاركة الأصلية كتبت بواسطة محمد فيصل بالطبع اقل جزء من الهواء المضغوط فى تلك المنظومة يؤدى الى شكوى أ.احمد سويلم وايضاً تعليه الدبرياج الاستمرارية لها اضرار مدمرة على المدى لا يوجد فى مصر اى فنيين يتبعوا المنظومه كما جاء بالفيديو وفهلوة الاسطى بليه تتجلى المهم بعد اخذ الهواء من الدورة إذا تكرر نفس العيب إحتمال ان يكون زيت الجيربوكس سىء او الخرطوم ومسترين بهم عيب وان كان ظهر عدة مرات عيب الخرطوم فى سيارات عمو غبور الامور

المهندس محمد فيصل
كلام حضرتك صح جدا
وانا رفعت الدبراج وكنت زعلان لان انا عارف ان اقل مافيها ان الاسطوانه بتتاكل
اما كلامك عن الصنايعيه
فكله شغال على التجربه والبركه فى جيب الزبون
ان مكنش كده يبقى كده وان مكنش كده يبقى كده
وفى الاخر ممكن تمشى من عنده والعيب زى ماهوا بعد ماتكون خسرت يومك وفلوسك ومفيش نتيجه
والله عليهم يحاولوا يفهموك ان انت اللى مبتفهمش وان ا لعربيه اتصلحت بس انت شكاك اصلا

[احمد سويلم]

امبارح اتصلت بواحد صاحبى محاسب فى احد البنوك الخاصه وكان شغال ميكانيكى زمان وحاكيتله الحكايه من اولها لاخرها وقالى انت عارف ياابوحميد انا بقيت دلوقتى راجل افندى قاعد على مكتب ومبقتش بشتغل الشغلانه المؤرفه ديه
المهم قعدت اتحايل عليه واحلفه بالعيش والملح وايبام المذاكره
واتفقنا ان انا وهو هنعملها بعد مايطلع من شغله
اتقبلنا فعلا
روحنا اشترينا علبه زيت باكم انجليزى لونها اصفر ب18 جنيه
2 طقم اصلاح دبرياج للماسترين العلوى والسفلى اى الرئيسى عند البدال والفرعى عند الفتيس
وقالى خد بالك اننا ممكن نحتاج ماستر كامل رئيسى لو لقيناه متجرح من جوا قولتله ماشى لما نفك ونشوف
قالى كمان ممكن نحتاج خرطوم


بدأ الشغل فى العربيه


ملحوظه هامه ::: ((المكانين اللى فيهم الماسترين دول سواء علوى او سفلى مكانين غبيين اوى اوى ))
المهم حل الماسترين وغسلهم كويس جدا وغيرنا الجلد والبساتم وبالهواء اخدنا الزيت القديم الموجود فى الخرطوم
قالى الزيت اللى انت مركبه بوظلك الجلد يامعلم فوريته العلبه القديمه اللى هيا مكتوب عليها dot3 اسمه سوبر 3000 ومرسوم عليه اسد يافرحتى ولون العلبه احمر فى اسود كده
المهم لما صاحبى شاف قالى الزيت تروح ترميه فى الزباله
ده حتى جاب سيره والده هذا الزيت المسكين
وقفل وتمام التمام
النهارده الصبح طلعت بالعربيه الساعه 7 الصبح دورت وسخنت وجربت والحمد لله الغيارات ناعمه جدا جدا والدبرياج ناعم وكل حاجه تمام
شكرت ربنا واتوكلت على الله

الشغلانه ديه اخدت حوالى 5 ساعات يعنى خلصنا حوالى 11 بالليل امبارح
مميزات الميكانيكى : نضيف جدا جدا جدا وده انا برجح انه راجع لانه متعلم
عيوب الميكانيكى : البطء الشديد جدا وانا مجربه فى كذا حاجه قبل كده

وبكده يبقى الكلام اللى قاله كار ادميرز هو اللى صح

[احمد سويلم]

cars admire

: THUMBS~220::T HUMBS~220::TH UMBS~220::THU MBS~220::12A9 6E~160::12A96 E~160::12A96E ~160::p od_of_gold:: GROWIN~12::GRO WIN~12:

[memodina1]

المشاركة الأصلية كتبت بواسطة Hisham.Elgazzar بلية الدبرياج تنعر لما تدوس الدبرياج لما تسيب وتسمع صوت نعرة فى الفتيس وتروح لما تدوس دبرياج يبقى زيت الفتيس منتهى ، او بلية الدريك ضايعة تتغلب على الموضوع ده علشان ماتصدعش دماغك بتعلية الصلانصيه شوية او تفك الفتيس تغير بلية الدريك يبقى الاول تشوف زيت الفتيس ناقص ولا منتهى وبعدين اخر حل فك الفتيس وإصلاحة لأنه عمره ماهيرجع زى الأول

عايز اعرف هل لما اعلى الدبرياج شوية بيعمل مشاكل للاسطوانة وتتاكل ولا عادى وللعلم انا عندى لازم ادوس للاخر عشان ينقل ودا موجود من ساعة ما العربية زيرو ومش تاعبنى نهائى والغيارات عادية خايف اعلى يحصل مشاكل لو حد عندة معلومة عن موضوع التعلية ميبخلش عليا يقولنا لو فيها مشاكل ويقولى بتتعلى وتتوطى منين فى العربية ....؟

[memodina1]

المشاركة الأصلية كتبت بواسطة cars admire صح الكلام بس طالما الصوت بعد خمس دقايق امشى تسخن اسمعة بوضوح وبيروح نهائى اول بس ما المس الدبرياج !! يبقى مفيش فصال دى بداية خشانة بلية الدبرياج وواجب تغييرها بواحدة جديدة بسرعة ! هتنزل الفتيس على الارض هتلاقيها على عمود الدايركت هتفك تيلاتها وتركب البلية الجديدة وترجع التيلات تانى مكانهم لاءن فى ميكانيكية مبيركبوش التيلات بتاعت البلية تانى للاءسف ! لكن الفتيس هيفضل قطعة واحدة انت مش هتفك منه حاجة نهائى وبعد التقفيل اكشف على زيت الفتيس لو محتاج يتغير او يتزود !! ده فيديو توضيحى لمجموعة الدبرياج بالكامل ! http://www.youtube.com/watch?v=zeo_Rm0O3gs AHLNW SHALN

بص يا باشا انا الوقتى مغير زيت الدبرياج قريب لانى قلت انى هو سبب الصوت وغيرتة موبيل فى التوكيل نفسة اللى فى السويس وجربت نفس النتيجة مجرد ما امشى بالعربية وتسخن يدوب يعنى خمس دقايق او اقل اسمع صوت مش صون ونة اطلاقا صوت زى صرير (صوت صرصار الغيط) المهم رجعت للتوكيل وقلتة المشكلة قالى هعملهالك وفعلا عملها وقعدت معايا حوالى 9 شهور زى الفل ولا اى صوت نهائى واذا فجاة الصوت رجع رحتلهم مرة تانى قالى احنا كل اللى بنعملة بنحاول نزيت البلية هى بليتين واحدة قريبة وسهلة وواحدة بعيد وصعبة الوصول المهم عمالها قعدت يومين بس ورجعت تانى لحد الوقتى بقى معايا دا شرح اللى حصلى وعايز اعرف هل لما اعلى الدبرياج شوية بيعمل مشاكل للاسطوانة وتتاكل ولا عادى وللعلم انا عندى لازم ادوس للاخر عشان ينقل ودا موجود من ساعة ما العربية زيرو ومش تاعبنى نهائى والغيارات عادية خايف اعلى يحصل مشاكل لو حد عندة معلومة عن موضوع التعلية ميبخلش عليا يقولنا لو فيها مشاكل ويقولى بتتعلى وتتوطى منين فى العربية ....؟