مشكله فى دبرياج عربيتى الفيرنا

[احمد سويلم]

المشاركة الأصلية كتبت بواسطة M.TONSY يا عم انا مش زعلان ولا حاجة وعموما لو المشكلة دى عندك بتبقى موجودة الصبح بس وبتروح لوحدها ومفيش عضة فى الغيارات ده يبقى عيب زيت الفتيس هتلاقيك لما غيرته غيرت بزيت لزوجته عالية زيادة عن اللزوم عن الزيت المخصص ليه وفقا لدليل الصانع وهو 90/75W API GL4 والمشكلة دى دايما تبان الصبح بدرى فى داخلة الشتا وبرودة الجو لانها بتخلى زيت الفلفلين التقيل بيبقى عامل زى الشحم وبعد كدة بيحل مع حركة التروس وحلها انك تنزل الزيت الموجود وتحط الزيت المخصص ليها واحذر الزوت السايبة الموجودة عند محلات الزيت اشترى عبوات موبيل باللزوجة الموضحة بعاليه ومتحطش اكتر من 2 كيلو فقط علشان الاويل سيلات فى الفتيس ما تضربش

عموما ياسيدى الحمد لله انك مش زعلان
وانت عارف معزتك عندى قد ايه
انا بحبك وبعزك من ايام الجيزه
والمشكله بتاعتى كانت فى الوقت اللى بطلع فيه بالعربيه سواء صبح او مغرب
المشكله مش فى زيت الفتيس لان كشفت عليه ومظبوط ولسه جديد لان كنت مغيره من شهرين وعندى شويه باقيين لسيه فى العلبه
العلبه مكتوب عليها 80-90w
api-5
انا فعلا حطيت 2 كيلو وربع تقريبا واشتريت 3 علب واتبقى حبه فى العلبه التالته يقدروا بحوالى 3/4 لتر
عموما أشكرك على اهتمامك بالرد

[احمد سويلم]

المشاركة الأصلية كتبت بواسطة waelsalah صباح الخير والله ينور على افادتكم القيمه وربنا يستر طريقنا جميعا يارب فين لو سمحتم مكان زيت الدبرياج واتابعه كل اد ايه ؟ وهل بيتغير كله ولا بيتزود وخلاص ؟ اعتقد ان دبرياج الفيرنا مش على سلك ؟. صح ولالا ؟ وشكرا جزيلا

ايه يابنى عامل دوشه ليه
هو انت الوحيد اللى اشتريت فيرنا ولا ايه
واعمل دوشه ياعم ولايهمك
اربه الدبرياج هى اول علبه على ايدك اللمين وانت واقف فى وش الكبوت
ومن الافضل والاحسن انه لما ياتى معاد تغييره يتم شفط القديم واستبدال القديم بجديد ولا يفضل التخليط بين القديم والجديد
ومن الافضل برضوا انك تاخد هواء الدبرياج لزياده كفاءه الدبرياج ونعومه الدواسه معك
دبرياج الفيرنا على زيت وليس واير كما فى الاكسل معشوقتك القديمه
وعموما انت لسه بدرى عليك فى الموضوع ده
بص على زيت الباكم سواء لدبرياج او فرامل بعد سنه مثلا من دولقتى

[احمد سويلم]

المشاركة الأصلية كتبت بواسطة احمد على 1999 بس اللى انا فهمته كده ان اللى اتغير هو زيت الباكم مش زيت الفتيس و لا خضرتك فعلا كنت غيرت زيت الفتيس كمان ؟ انا فى رايى و الله اعلم ان الموضوع مش حيخرج عن اخد هوا مظبوط و لا كان ليها لازمة اساسا تغيير زيت الباكم و كمان حكاية اصلاح طقم الدبرياج

استاذ احمد على 1999
اشكرك شكرا جزيلا على اهتمامك بالرد
انا غيرت زيت باكم الاسبوع اللىف ات
ولكن تونسى بيتكلم على زيت الفتيس لان انا كنت مغيره بالكامل من حوالى شهرين وهو عارف كده لان كنت اتصلت بيه وسالته احط زيت نوعه ايه
المشكله ياسيدى طلعت ان زيت الباكم كان سيىء جدا وبوظلى الجلد وهاحكى الموضوع كله بالتفصيل دلوقتى

[احمد سويلم]

المشاركة الأصلية كتبت بواسطة mr_astra اعتقد ان دايرة الدبرياج فيها حاجة بتسرب وبتدخل هواء مكان الزيت وهو دة اللى بيفسر نقص مستوى زيت الفرامل خد بالك من حاجة .... انت عندك ماستر فرعى جنب الفتيس يمكن يكون بيسرب وتفسير ان العربية بعد مدة من المشى بقت زى الفل هو انك بتدوس وتسيب دبرياج فبالتاالى الهواء داخل الدايرة بيخرج والمساتر بتشتغل كويس

شكرا مستر استراا
انا عارف فعلا ان فى ماستر فرعى غير الماستر الرئيسى اللى عند البدال
بالنسبه لتفسير حضرتك الميكانيكى قالى كده برضوا انك لما دوست دبرياج كذا مره مع سخونيه العربيه المساتر بتشتغل كويس

[احمد سويلم]

المشاركة الأصلية كتبت بواسطة cars admire من الواجب عند تغيير طقم اصلاح ماستر دواسة الدبرياج او تغير طقم اصلاح ماستر دبرياج حلة الفتيس ان يتم تغيير كامل كاوتش الدورة فى الماسترين معا حتى لو لم يكن سوى ماستر واحد هو سبب العيب ! وزلك بسبب ان كبس احد الماسترين سيكون ضعيف والاخر قوى فسوف يظل استمرار العيب فى هزه الحالة ! وزلك نتيجة ضعف احكام الكاوتش الداخلى فى احداهم! وعندما تضغط دبرياج مرارا وتكرارا فاءن زلك كما قال مستر استرا سيكون مثل انك تكارك فالماستر يحضر زيت بكمية مناسبة فتمنع الشعور بثقل تبديل السرعات ولزلك فاءنه يسمى القابض الفاصل !! يجب تغيير طقم اصلاح ماستر دبرياج حلة الفتيس مع طقم اصلاح ماستر دبرياج الدواسة فى وقت واحد معا سويا على ان يعود رجلاش الدواسة ثانيا بعد التصليح للمشوار الاصلى وليس مثلما يفعل استاز احمد سويلم يوميا مع الميكانيكى ويقول ارفعلى الدبرياج !! واخيرا هناك خرطوم واصل للماسترين قد يبداء بالتشقق من جهة اللاوكير المعدن وياءخز هواء دون ان نرى اى اثر لتهريب زيت باكم ! وقد يتشقق جسم الخرطوم الكاوتش نفسه! قد يكون هو السبب والماسترين خارج الشبهات وبعيد عن العيوب والاعطال! كمثال ماستر دواسة الدبرياج ماستر دبرياج حلة الفتيس الخرطوم الزى يوصل بين الماسترين يرجى استبدال هزا الخرطوم بواحد جديد مع كل تغيير للديسك والاسطوانة مع بلية الدبرياج !!!