عزلت الفيرنا شنطة وكبوت وارضية

[pashaa911]

مساء جميل جدا ياشباب مصر موتورز
اتفرجت فى مواقع اجنية كتير على العزل وشوفت صور لعربية فيرنا بتتعزل كلها الموضوع عجبنى روحت نازل بعد صلاه الجمعة وجبت الاتى :
3 متر فوم حرارى المتر ب 15 جنية
2 متر لباد 5 مللى المتر ب25 جنية ( على فكرة العرض 2 متر فى الطول 180 سم )
وروحت فى حتة ضله علشان الشمس .
بدأت بالشنطة الاول وبعدين الكبوت وبعدين الارضية بس للاسف الارضية متصورتش لان الموبايل كان قطع شحن وكنت لوحدى وعلى فكرة الارضية لباد بس مفيهاش الفوم السيلفر خالص .
فى ملحوظة تانية بالنسبة لغطا الشنطة بعد ماعملته رجعت حطيت جواه لباد بكتير لقيت انه احسن مع الصب .
النتيجة بقى ان صوت الورة بتاعة العلبة الاخيرة للشكمان مبقتش اسمعها فى العربية والحمدلله الصوت اللى كان بييجى من الشنطة هدى خالص وصوت الساوند سيستم بقى احلى . والارضية مقدرش اقول انها عملت فرق كبير اوى يعنى لان بالفعل فى عزل فى الارضية كويس مش وحش.بالنسبة بقى للكبوت طبعا الصوت بقى مكتوم وده ملاحظ ( بضم الميم ) بشكل كبير .
بالاجمال الدنيا بقت احلى وصوت العربية عموما وانت قافل الازار بقى احلى كتير .
وكل سنة وانتوا طيبين يا احلى شباب .

[Hisham.Elgazzar]

السلام عليكم
تسلم إيدك على المجهود الرائع

انا فاكك عربيتى زيك تمام
بس انا عربيتى قديمة واللباد بتاع بلادها عفن علشان كده قررت اجيبها ع الصاج وأعزلها من تانى
كنت عاوز حاجة تعزل السخونة خالص
هل كفاية اللباد والعازل الحرارى ولا ممكن نزود حاجة تانية علشان انا شيلت اللباد الأصلى بتاعها

ثانيا معلش هو لزقت العازل الحرارى للكبوت والشنطة بأه عموما
وهل اللى فى الكبوت هيستحمل حرارة املوتور عادى ولا أه النظام ؟؟

تقبل تحياتى

[AbOnOrA]

موضوع رائع بجد تسلم ايدك بس عايزين الفيدوهات وصور اكتر

[محمد فيصل]

بارك الله لك فى سيارتك وحفظك من كل سوء
الف مبروك

[pashaa911]

المشاركة الأصلية كتبت بواسطة Hisham.Elgazzar السلام عليكم تسلم إيدك على المجهود الرائع انا فاكك عربيتى زيك تمام بس انا عربيتى قديمة واللباد بتاع بلادها عفن علشان كده قررت اجيبها ع الصاج وأعزلها من تانى كنت عاوز حاجة تعزل السخونة خالص هل كفاية اللباد والعازل الحرارى ولا ممكن نزود حاجة تانية علشان انا شيلت اللباد الأصلى بتاعها ثانيا معلش هو لزقت العازل الحرارى للكبوت والشنطة بأه عموما وهل اللى فى الكبوت هيستحمل حرارة املوتور عادى ولا أه النظام ؟؟ تقبل تحياتى

هشام باشا
كفاية فى الارضية طبقة لباد وعليها طبقه عازل حرارى هيبقى زى الفل.
وبالنسبة للزق دى كوله حرارى انا جايبها بعشرة جنية.
وبالنسبة لموضوع الحرارة بقى انا قبل ما اركب اللى فى الكبوت حطيت حته من اللباد وحتة من العازل الحرارى على الفرن بتاع الشكمان نفسه من غير ما الزقه طبعا بس كنت عاوز اشوف الحرارة بتاعة الفرن اللى هى اشد حرارة فى الموتور هتعمل فيه ايه .
وقفلت الكبوت ودورت العربية وسبتها دايرة ساعة بالكمال والتمام وكل شوية اطمن لحسن الاقى العربية بتولع وانا مش معايا طفاية اصلا فلقيت ان الحمدلله مولعوش بس كانو سخنين وبعد ماخلصت العربية طلعت على طريق الكريمات بما انى ساكن فى حلوان فالطريق جنبى وجريت يامعلم مشيت حوالى 30 كيلو ورجعت وبرضه العازل متحرقش والكوله مفكتش .
ده اللى حصل معايا بالظبط
ولو عاوزنى اساعدك فى عربيتك قولى وايد على ايد بتعزل ههههههههههه