لكل من يقول عدم ثبات الفيرنا بعد 120 ك

[samirsaid1]

هى العربية دى جميلة وصوت موتورها بيعجبنى جداا

[محمد فيصل]

طبعاً العضو الكريم صاحب الموضوع ربنا يحفظة ويستر طريقة وطريق اخويا كورسير ب195 كم على الطريق الغربى
الفيرنا معيا من 4 سنين ومعدلها لاكسنت كورى 2004
وبكل صراحة احب اقول ان الموضوع ستر من الله سبحانه وتعالى
ولا يمكن تعميم ان الجرى بهذة الصورة هو شطارة
انما انه ستر الله سواء بالفيرنا او اى عربية آخرى
دمتم جميعاً سالمين

تسلملي يا محمد يا فيصل وربنا يسترها علينا جميعا وانا مش بحب الجري بالعربية وانا عملتها مره واحده بس علي الطريق الصحرواي الغربي لان الطريق كان طويل والاسفلت كان لسه مفروش جديد مسطره فحبيت اشوف العربية بس عامله ازاي زي اختبار كدا ومن بعدها مفيش جري اخري 130 ل 140 لكن الطبيعي 100 ل 120 وتقبل تحياتي يا زعيم

[borio1704]

يا جماعة
الراجل قال: "مع شوية تظبيط صغيرين"

يعني العربية لما حتشتريها من التوكيل مش هتبقى ثابتة زي لما تتظبط

وبعدين الموديل ده بالذات كان داخل مسابقة الراليات في سنة 2000، 2001 ، 2002، وكان بيحقق نتائج معقولة... اللي عايز يعرف أكتر يدور في النت على Hyundai Accent WRC

يعني الثبات موجود.. بس كل حاجة بالعقل







ما ينفعش تقارن عربية متنها 80 ألف بعربية تانية تمنها 400 ألف وتقولي ثبات


سيبك من الجمرك... الآكسن 2012 ثمنها حوالي 35 ألف ريال سعودي، والجولف ثمنها 100 ألف ريال

أكيد اللي حيدفع المبلغ ده في عربية زي الجولف طلباته أعلى من الأكسنت

لو عايز تاخد عربية كوري بنفس إمكانيات الألماني.. الموضوع مش صعب.. بس مش ده هدف الكوريين دلوقتي على الأقل

[AbOnOrA]

المشاركة الأصلية كتبت بواسطة borio1704 يا جماعة الراجل قال: "مع شوية تظبيط صغيرين" يعني العربية لما حتشتريها من التوكيل مش هتبقى ثابتة زي لما تتظبط وبعدين الموديل ده بالذات كان داخل مسابقة الراليات في سنة 2000، 2001 ، 2002، وكان بيحقق نتائج معقولة... اللي عايز يعرف أكتر يدور في النت على Hyundai Accent WRC يعني الثبات موجود.. بس كل حاجة بالعقل ما ينفعش تقارن عربية متنها 80 ألف بعربية تانية تمنها 400 ألف وتقولي ثبات سيبك من الجمرك... الآكسن 2012 ثمنها حوالي 35 ألف ريال سعودي، والجولف ثمنها 100 ألف ريال أكيد اللي حيدفع المبلغ ده في عربية زي الجولف طلباته أعلى من الأكسنت لو عايز تاخد عربية كوري بنفس إمكانيات الألماني.. الموضوع مش صعب.. بس مش ده هدف الكوريين دلوقتي على الأقل

طيب ممكن حد يقولى ايه نوعية التظبيط الصغيرين اللى يخلو الفيرنا ثابتة على 195 وبدراع واحد !!