هنا نقبل التعازي في ضحايا اليوم الأسود للكرة المصرية رحم الله ابناء وشباب مصر

[rabet007]

اولا الحمد لله جاري كويس كسر في الدراع وكدمات وكده وغير التقليب موبيل ومحفظة ونضاره وشنطة وكل حاجة اتخدت
ثانيا : والله ما عارف ان كان المجلس العسكري عادل او ظالم من سنه كنا بنقول الجيش والشعب ايد واحده وكنا بنتصور جنب جنود القوات المسلحة بجوار الدبابات فرحانين بالنصر و سقوط المخلوع الحقير لعنه الله عز وجل في السماء والأرض
ثالثًا : ان كانت مدبرة يبقي حقا الثورة مستمرة الله اكبر والله اكبر وحي علي الاستشهاد بنحبك يا مصر

[bunnybunny77]

"وبشر الصابرين الذين اذا أصابتهم مصيبة قالوا إنا لله وإنا اليه راجعون"

بقلوب يملاها الايمان والرضى بقضاء الله وقدرة
نتقدم بأحر التعازي

" انا لله وانا الية راجعون "

[Hisham.Elgazzar]

المشاركة الأصلية كتبت بواسطة Payoo قبل كل حاجه ياريت تطمننا على جارك الأول وياريت يحكيلنا بالتفصيل أيه إللي حصل هناك بالظبط أهمها أن قوات الأمن الموجوده في الملعب نفسه لم تحرك ساكنا ولم تمنع ولو طفل صغير من الوصول إلى مدرج مشجعي الأهلي سيارات الإسعاف لم إلا بعد ساعة من المجزرة لقد فعل العسكر كل شيء من أجل البقاء في السلطه وسوف يظلوا على نفس النهج للاحتفاظ بالسلطه إلى مالا نهاية

يا كومندا العسكر ملهمش دعوة بالمواضيع دى ، دول لو كانوا اتدخلوا كانوا برضو هيبقوا فى فريقين ، واحد مع المصرى والتانى مع بورسعيد ، وبعدين لو كانوا اتدخلوا مع كترة الجمهور هيتاخد منهم العصيان الكهربا والدروع و يضربوا بيها وكان الموضوع هيكبر أكتر بكتير عن كده ، ربنا يصبر أهالى الناس المظلومين دول ويرحم البلد دى من كل رضى، انا والله مشعارف أه أخرتها
فى اليوم السابع كاتبين :

ننشر صورة "اللافتة" التى أشعلت النار فى أحداث موقعة بورسعيد الدامية، والتى اقتحمت بسببها جماهير النادى المصرى بأعداد ضخمة الملعب فور انتهاء مباراة فريقها مع الأهلى، والتى فاز فيها المصرى بثلاثة أهداف مقابل هدف.

كانت هذه اللافتة التى رفعها جمهور الأهلى مكتوبا عليها "بلد البالة مجبتش رجالة"، بمثابة شرارة البداية لإشعال نيران الغضب داخل مدرجات جمهور نادى المصرى البورسعيدى.

مين بقى اللى عمل اليافطة دى وليه ؟؟؟!!! أكيد الموضوع ده متدبر والفوضى دى مقصودة

[rabet007]

بلد الباله مجبتش رجاله
جملة تتكون م 5 كلمات ادات الي مقتل 73 مصري
لا اله الا الله
كيف وصل الحقد والتخلف والتعصب الأعمي الي هذا الحد لعن الله كرة القدم لعن الله كل من شارك واجرم وقتل نفس
واقولكم ان نجيتم من حساب الدنيا
فهناك الأخرة لا نجاه منها

وهنا للتواصل مع مع المصريين المحترمين هنتابع الاخبار أول بأول

[dr3mb]

إن العين لتدمع
وإن القلب ليحزن
وإنا على حالك يا مصر لمحزونون
ولا نقول إلا ما يرضي ربنا
إنا لله وإنا إليه راجعون
وحسبنا الله ونعم الوكيل