مشاكل وعيوب التصنيع في اسبرانزا a113

[حازم شاهين]

المشاركة الأصلية كتبت بواسطة مينا كميل مساء الخير . انا عربيتى اسبرانزا a 113 موديل 2010 . العربية انا مستلمها تكييفها مش شغال و اول ما يشتغل فى صوت غريب جدا فى الكومبريسور , انا من سوهاج و روحت توكيل اسيوط غيروا الكومبريسور مرتين و معايا الفواتير و اخر اللى عملوه من 6 شهور قالولى اطلع بيها على ابو رواش فى الصيانة حيعملوهالك و يزبطوهالك لانهم عندهم اجهزة حديثة جدا جدا . العربيو دلوقتى عاملة 13 الف كيلو انا مش عارف اعمل ايه ارجو منكم الافادة و شكرا . بالاضافة الى الباب اليمين قدام الوير اللى رابط بين المسوجر و الاكرة من الداخل فصل الباب دلوقتى بيفتح من بره بس . بجد اشكركم و حد ينصحنى اعمل ايه ؟؟؟؟؟؟؟؟؟؟؟؟؟؟؟

بالنسبة للتكييف إنت فعلا محتاج زيارة لأبو رواش علشان تاخد حقك بالضمان

أما موضوع الباب فده سهل يتعمل عند اى واحد بتاع أبواب و مش هيخرجك من الضمان و لا حاجه و مش محتاج توكيل

[Egy News]

عليك و علي حمايه المستهلك

[احمد الشناوى1981]

الحمد لله فيه حاجات كتير اتظبطط بس انا كنت ناسى اكمل الموضوع

بعد ما روحت عملت صيانه ال 20000 فى توكيل عيسى طنطا قالولى
1- ان الفتيس الى انا شايفه تقيل و ساعات بيعلق و ميجبش المارشدير دى طبيعته و مفيش حاجه تتعمل فيه فى التوكيل
2- الازاز الامامى كان بيجى لغايه الربع الاخير و يقلب لقدام و ميطلعش غير لما اكون سانده لورا و البهوات فى التوكيل رشو اسبراى على المجرا بتاعه الازازو فعلا اتظبط و انا فى التوكيل و رجع يقلب تانى يوم و بعدين رحتلهم تانى برضو رشو اسبراى و قالولى ان المره دى هيتظبت و بردو تانى يوم رجع باظ تانى فأشتريت زجاجه اسبراى زى الى فى التوكيل و بقيت ارش انا على المجرا
3- سالتهم على موضوع ان عفشه العربيه ناشفه برضو قالى ان دى طبيعتها
4- قالو ان التيل الامامى محتاج يتغير و ركبت غيره ب 140 جنيه و فعلااداء الفرامل بقا احسن بس الفرامل بقت تصفر و قولت ياريتنى ما غيرت التيل

تقييمى للتوكيل ------ زبااااله

المهم بعد كده الحمد لله العربيه اتخبطت و على قد ما انا زعلت جدا على الخبطه دى بس الحمد لله انها اتسببت فى حل كل مشاكل العربيه
1- فى مساعد اتكسر و التانى اتنا المهم بعد تغيير المساعد الامامى العفشه بقت انعم بكتييير جدا و السبب الى انا فهمته ان المساعد الاصلى بيبقا غاز و الى انا غيرته بيبقا غاز على زيت و ده ادائه انعم من التانى بس برضو علشان تكونو فاهمين ان المساعد الى انا اشتريته ضعيف يعنى الكاوتش اتخبط فى طوبه و انا بركن المساعد جاب زيت وبدل ما اركن طلعت على العفشجى و غيرت المساعد ( الخبطه صحيح جامده بس اعتقد ان المفروض متعملش كده )
2- رحت لواحد سمكرى بتاع مكن ازاز قالى ان الاسبراى ده عباره عن زيت فبيخلى الازاز يمشى و بعدين يلم تراب فيرجع اسوأ من الاول فالراجل غسل المجرا كويس ببريل و بعدين بالميه و بعدين فك الفرش بتاع الباب ووسع الخرم الى ماسك المكنه بتاعه الازاز فى الباب و حرك المكنه من مكانها سنه صغيره لقدام و ربط على كده و بعدين رحتله تانى يوم رش بودره تلك على المجرا بعد مكانت نشفت ومن يوميها الازاز اتظبت و الحمد لله و الراجل اخد 15 جنيه !
3- واحد معرفه قالى على ميكنيكى كان شغال فى توكيل عيسى و بعدين فتح بره
لما رحت قلتله على الفتيس الراجل فك فلتر الهوا و تحتيه الفتيس زيت مجموعه المفصلات الى فوقه و ظبط حاجه فى الفتيس بمفك صليبه و بعد كده الفتيس بقا تمام و الحمد لله و الموضوع مأخدش 10 دقايق
الحمد لله الحاجات الى انا كنت بشتكى منها طلعت بسيطه بس للاسف التوكيل بيكبر دماغه و مبيقدموش حلول و احسن حاجه لو تعرف حد بفهم فى اسبيرانزا كويس بره التوكيل فده هيكون اسهل و اوفر

[MmFFoR]

المشاركة الأصلية كتبت بواسطة احمد الشناوى1981 الحمد لله فيه حاجات كتير اتظبطط بس انا كنت ناسى اكمل الموضوع بعد ما روحت عملت صيانه ال 20000 فى توكيل عيسى طنطا قالولى 1- ان الفتيس الى انا شايفه تقيل و ساعات بيعلق و ميجبش المارشدير دى طبيعته و مفيش حاجه تتعمل فيه فى التوكيل 2- الازاز الامامى كان بيجى لغايه الربع الاخير و يقلب لقدام و ميطلعش غير لما اكون سانده لورا و البهوات فى التوكيل رشو اسبراى على المجرا بتاعه الازازو فعلا اتظبط و انا فى التوكيل و رجع يقلب تانى يوم و بعدين رحتلهم تانى برضو رشو اسبراى و قالولى ان المره دى هيتظبت و بردو تانى يوم رجع باظ تانى فأشتريت زجاجه اسبراى زى الى فى التوكيل و بقيت ارش انا على المجرا 3- سالتهم على موضوع ان عفشه العربيه ناشفه برضو قالى ان دى طبيعتها 4- قالو ان التيل الامامى محتاج يتغير و ركبت غيره ب 140 جنيه و فعلااداء الفرامل بقا احسن بس الفرامل بقت تصفر و قولت ياريتنى ما غيرت التيل تقييمى للتوكيل ------ زبااااله المهم بعد كده الحمد لله العربيه اتخبطت و على قد ما انا زعلت جدا على الخبطه دى بس الحمد لله انها اتسببت فى حل كل مشاكل العربيه 1- فى مساعد اتكسر و التانى اتنا المهم بعد تغيير المساعد الامامى العفشه بقت انعم بكتييير جدا و السبب الى انا فهمته ان المساعد الاصلى بيبقا غاز و الى انا غيرته بيبقا غاز على زيت و ده ادائه انعم من التانى بس برضو علشان تكونو فاهمين ان المساعد الى انا اشتريته ضعيف يعنى الكاوتش اتخبط فى طوبه و انا بركن المساعد جاب زيت وبدل ما اركن طلعت على العفشجى و غيرت المساعد ( الخبطه صحيح جامده بس اعتقد ان المفروض متعملش كده ) 2- رحت لواحد سمكرى بتاع مكن ازاز قالى ان الاسبراى ده عباره عن زيت فبيخلى الازاز يمشى و بعدين يلم تراب فيرجع اسوأ من الاول فالراجل غسل المجرا كويس ببريل و بعدين بالميه و بعدين فك الفرش بتاع الباب ووسع الخرم الى ماسك المكنه بتاعه الازاز فى الباب و حرك المكنه من مكانها سنه صغيره لقدام و ربط على كده و بعدين رحتله تانى يوم رش بودره تلك على المجرا بعد مكانت نشفت ومن يوميها الازاز اتظبت و الحمد لله و الراجل اخد 15 جنيه ! 3- واحد معرفه قالى على ميكنيكى كان شغال فى توكيل عيسى و بعدين فتح بره لما رحت قلتله على الفتيس الراجل فك فلتر الهوا و تحتيه الفتيس زيت مجموعه المفصلات الى فوقه و ظبط حاجه فى الفتيس بمفك صليبه و بعد كده الفتيس بقا تمام و الحمد لله و الموضوع مأخدش 10 دقايق الحمد لله الحاجات الى انا كنت بشتكى منها طلعت بسيطه بس للاسف التوكيل بيكبر دماغه و مبيقدموش حلول و احسن حاجه لو تعرف حد بفهم فى اسبيرانزا كويس بره التوكيل فده هيكون اسهل و اوفر

و د ه بيدل على جهل التوكيلات في مصر
لان فعلا اغلب العيوب خايبة و لكن التوكيل اللي فيه مبيفهموش و لو حاولت تظبها بره يخرجوك بره الضمان - يعني لازم تعاني

[marwa miro]

السلام عليكم
يا جماعة انا كنت مقررة اغير الماروتى بـ اسبرانزا 113 بس من كلامكم واضح ان عيوبها كتيررر بجد طيب اعمل اية ياترى هل فى بديل ؟؟