مشاكل وعيوب التصنيع في اسبرانزا a113

[Eng . Mano]

العربية معايا بقالها شهر و نصف اهو مافيهاش اى حاجة من دى لان حضرتك كاتب حاجات و هى ماتعتبرش مشاكل .
يعنى موضوع فروق التابلوه ده : التابلوه مافيهوش اى فروق خالص بالعكس ده تصميمه و انا لاحظتها قبل ما استلم ( و على فكرة انا استلمت من جراج ابو الفتوح اللى فى مصر الجديدة ) ، قولت للسيلز مان اللى كان بيسلمنى العربية على الموضوع ده ، قعد يحلفلى ان كل العربيات كده و ده تصميم ، و علشان يثبتلى ورانى حوالى 5 عربيات كانت مركونة فى الجراج و لقيت نفس النظام ، يعنى هو لو عيب فى عربيتى كنت لاقيته عندى بس انما لاقيته فى كل العربيات اللى شوفتها . دى عبارة عن بروز عملا منظر للتابلوه
الفرامل فعلا ضعيفة ، و انا بس مستنى اروح صيانة الالف و اخليهم يشيكوا عليها ، ممكن تكون محتاجة رجلاش ، و ده كان حاصل عندى فى عربيتى الاكسنت لما جبتها برده زيرو كانت الفرامل محتاجة رجلاش .
الفتيس بيعض شوية فى التانى و مستنى برده اروح و اخليهم يظبطوه .
ممكن الحاجات التانية اللى عند حضرتك دى فروق فردية ، لان طبعا العربية دى تجميع محلى فأكيد نسبة الخطأ بها واردة ، ده حتى تويوتا من 3 ايام سحبت 139 الف سيارة علشان ظهرت عيوب فى نظام التوجيه ، يعنى حاجة تودى فى داهية . فحتى لو ظهر عندى او عندك او عند اى حد تانى اى عيوب تقفيل تكاد تكون بسيطة بجانب عيوب التويوتا القاتلة ، نصبر عليها و بأذن الله اجلا ام عاجلا حاتتحل .
انا طبعا باقول كده لحضرتك علشان اهديك ، و كمان استمتع بعربيتك لان العربية بجد ممتعة فى القيادة و فيها اوبشنز جامدة جدا ، و مناسبة لسعرها ، يعنى هى فى الاول و فى الاخر عربية ب 50 الف مش مطلوب منها اكتر من كده .
و الاستاذ حازم شاهين كان قالى ان مركز تكنوسيرفس 2 كويس و الصيانة فيه تمام و انا ان شاء الله حاروحله ، لو قريب من حضرتك ابقى روحله يمكن يكون افضل من ابورواش . و بأذن الله كل الحاجت دى تتظبط معاك ؛

المشاركة الأصلية كتبت بواسطة احمد الشناوى1981 يا باشا انا مبسوط بالعربيه جدا الحمد لله و العربيه بالنسبه لسعرها خارج المنافسه و انشاء الله بعد الصيانه هقولك ايه الأخبار و ربنا يسهل و تكون كل حاجه تمام

ربنا يسعدك بيها ويكفيك شرورها ويعطيك خيرها ان شاء الله

[مينا كميل]

مساء الخير . انا عربيتى اسبرانزا a 113 موديل 2010 . العربية انا مستلمها تكييفها مش شغال و اول ما يشتغل فى صوت غريب جدا فى الكومبريسور , انا من سوهاج و روحت توكيل اسيوط غيروا الكومبريسور مرتين و معايا الفواتير و اخر اللى عملوه من 6 شهور قالولى اطلع بيها على ابو رواش فى الصيانة حيعملوهالك و يزبطوهالك لانهم عندهم اجهزة حديثة جدا جدا . العربيو دلوقتى عاملة 13 الف كيلو انا مش عارف اعمل ايه ارجو منكم الافادة و شكرا . بالاضافة الى الباب اليمين قدام الوير اللى رابط بين المسوجر و الاكرة من الداخل فصل الباب دلوقتى بيفتح من بره بس . بجد اشكركم و حد ينصحنى اعمل ايه ؟؟؟؟؟؟؟؟؟؟؟؟؟؟؟

[مادا]

العيوب دى حاجة فردية فى عربيتك انت بس و دى حاجه من اثنين لأما عيب تصنيع للعربية ده بس او ممكن تكون اتخبطت من المعرض وهو بيجبها من المخزن لو كان عيب تصنيع من حقك تبدلها ممكن تشتكى فى حماية المستهلك وهما يبحثوا فى الامر وتانى حاجه موضوع التوكيل والصيانة . اكبر عيب للاسبيرانزاهو التوكيل وده مش رايى لوحدى ده رأى كل اللى معاه اسبيرانزا التوكيل مش بيصلح حاجه فى العربيه ده عنده برنامج صيانه بيعملوا وخلاص ولو فيها حاجه مش ايصلحها يعنى احسنلك تغير العربية لأن الصيانه مش اتعملك حاجه

[MmFFoR]

عيوب الاسبيرانزا الفردية كترت قوي قوي!!!! دا شوية و حتبقى جماعية!!