|
#1
09-08-2010, 02:29 AM
|
|||
|
|||
استفسارات قبل الشراء سبرانزا a113
بسم الله الرحمن الرحيم
السلام عليكم ورحمة الله وبركاته ---- نويت بإذن الله تعالى شراء سبرانزا a113 ودا لإن الظروف مش سمحتلى بالإ تن من هيونداى وكمان حسيت ان شكل سبرانزا الخارجى اجمل من هيونداى بكتير خصوصاً من الخلف فأنا عندى بعض الاستفسارات ارجو الاجابة عليها من مالكى السيارة فقط او مجربيها 1- عفشة العربية زيها زى أى عربية من الجداد الزيرو اللى ماشاء الله متحسش انك على الارض ولا سبرنزا وصينى بقى وعيش ياحج كإنك راكب عربية من التسعينات ؟؟ 2- ناس قلقتنى من الفرامل ياترى ايه نظامها معاكم ؟ 3- العربية 1300 سى سى اعتقد اكبر فئتها ,, عاملة ايه فى البنزين انا سامع ان الاى تن وكيا بيكانتوا بيشموا البنزين ياترى دى عاملة ايه لإنى طالب ياجماعة ومصاريفى محسوبة يعنى اى مبالغة فى البنزين مش هتكمل معايا 4- لقيت شاشة كدا فى العربية تحت التسجيل ياترى دى شاشة ولا ايه بالظبط ولا ايه فايدتها ؟؟ 5- سحب العربية عامل ايه معاكم ؟ 6- انا العربية قد احتاجها للسفر عدد لا يزيد 9 مرات او 10 بالكتير فى السنة كلها وممكن مسافرش غير مرة واحدة فقط لاغير يعنى ياترى ثبات العربية على السريع عامل ايه لإن دى اهم حاجة وهطلع بالعربية على السريع كتير 7 مشكورين مقدماً 
|
|
#2
09-08-2010, 08:21 AM
|
|||
|
|||
|
رد: استفسارات قبل الشراء سبرانزا a113
اولا ربنا يعينك علي مصاريف العربيه
لان اي عربيه هتحتاج فلوس و كتير البنزين مثلا وده اول حاجه التانك 47 لتير وهتمون بنزين 92 ب 185 قرش احسبها انت بقي لو مشاويرك كتير هتمونها مرتين و نصف تقريبا يعني سكت 180 جنيه شهريا بالنسبه للسحب كويسه ماشاء الله تكيفها تلاجه فعلا العفشه حلوة بس هي ناشفه يعني مطباتك تاخدها براحه مهياش زي الدايو ولا الشيفورليه بس تدلها 8/10 الشاه الي شوفتها دي شاشه الكاست لانه ديجيتال فراملها كويسه و جدا علي حجمها وبالانظمه الجديده ABS و EBD ال ABS ده بيمنع العربيه عن الانزلاق لو فيه مطر او حتي رمل EBD بيوزع قوة الفرامل علي العجل حسب حموله العربيه و ده مهم جدا وكنت قريت ان فيها اير باج بس مش متاكد من ده لان ابوالفتوح بيشيله بالنسبه للسفر في الطريق الناعمه كويسه جدا يعني عايزة طريق اسفلته عدل و مش بايظ يعني مثلا طريق الاسكندريه منهم لله متعرفش تزود بيها عن 120 لانها هتعوم لو طريق افضل حبه زي القاهره " بعض اجزاء منه " تجيب بيها 150 بس عموما العربيات الهاتش باك تخاف منها لان ضغط الهوا بيها بالسرعات العاليه خطر لو بتسافر كتير لو بتحب السرعه هات عربيه سيدان مجملا العربيه كويسه و تعتبر افضل من كل منافسيها بس لو معاك 15 الف زود و هات الm11 او 516 افضل كثبات و كبنزين ولو انت مش من هوات السرعه من الاصل وعايز عربيه تمشي و خلاص بس تكون كويسه وزيرو نصيحه اي عربيه تجبها حولها غاز هتمون ب 5 جنيه وهتقعد نفس المده البنزين تقريبا بس حط في الاعتبار ان موتورك هيقل عزمه و وقته 15 % فكر بدقه اكتر و تمعن في كل الانواع و شوف ايهم الاقرب لاحتياجك وربنا يعينك ومبروك مقدما
|
|
#3
09-08-2010, 01:41 PM
|
|||
|
|||
|
رد: استفسارات قبل الشراء سبرانزا a113
أبو السعد باشا
جازاك الله كل خير كفيت ووفيت والله ووفرت عليا كتير بس سؤال بنزين 92 كتير اوى عليها ,, ابن عمتى معاه لانسر بوما 2007 زيرو بيفولها 90 !! اقصد من كلامى مينفعش افولها 80 ؟ مع العلم ان فكرة قلبها غاز مش هتنفع معايا خالص بالنسبة للسرعة وكدا انا اصلاً لما امشى 120 ممكن كل ماشوف واحد اقوله انا كنت ماشى 120  يعنى هو 90 آخرى ولاحاجة موضوع العفشة ناشفة ممكن تشرحلى يعنى ايه ناشفة ؟؟ ومشكور مقدماً وبارك الله فيك
|
|
#4
09-08-2010, 02:53 PM
|
|||
|
|||
|
رد: استفسارات قبل الشراء سبرانزا a113
مرسي لكلامك و انا تحت امرك في اي حاجه تحب تستفسر عليها العربيه دي بتاعت اخويا و بسوقها كتير
واعرف كل حاجه عنها بالنسبه للعفشه قصدي انها ناشفه يعني المساعدين جامدين الياي بتاعهم جامد يعني مش من السهل ينزلو بالحموله و ده تحس بيه بالطريق لو اخت مطب بسرعه ميزة العفشه الجامده انها تتحمل الحمولات العاليه ولا تتاثر تقول عليها حماره شغل لان مساعدنها جامدين اما لو عفشه ناعمه اوي مع اي حموله تلاقي العربيه سقطت منك علي الارض و اي مطب تحك فيه بالنسبه لوجه نظري العفشه الجامده احلي بكتير لانها بتستحمل طبيعه طرق مصر الحلوة طبعا اما لو ناعمه اه احساسك بالمطب مش هيكون زي الجامده بس ليها عيب العربيه بتسقط ونوعيه العفشه مش هتحس بيها لان العربيه اساسا ناعمه مع المطبات بس انت بتسوق وعارف هل ينفع تاخد مطب مثلا علي التالت او الرابع ؟؟؟ اكيد لاء لو اخته بعفشه ناشفه هتحس بيه اوي ولو عافشه ناعمه احساسك هيقل بس المساعدين الي هيضرو هما و القارونه بس بوجه عام الفرق مش كبير ومش محور كلام اوي لان عافشتها كويسه بالنسبه للبنزين حرام تمون عربيه زيرو ب 80 هتحرق في موتورك اوي و مش هيعيش معاك ممكن تمونه 90 اما تمنين حرام بجد ولو عايز تمون 80 هات عربيه مستعمله مش زيرو ومادمت سرعاتك بين 80 - 100 ف الاسبرانزا 113 مناسبه جدا ليك مجملا العربيه حلوة وقطع غيارها انتشرت برا التوكيل وبقي فيه سمكريه و ميكانيكيه فاهمينها كويس جدا وعلي فكره انا اسمي ابوالاسعاد مش ابوالسعد  واتشرفت بيك التعديل الأخير تم بواسطة aboelesaad ; 09-08-2010 الساعة 02:58 PM
|
|
#5
10-08-2010, 01:07 AM
|
|||
|
|||
|
رد: استفسارات قبل الشراء سبرانزا a113
ألف شكر ياباشا والله ماعارف اشكرك ازاى
واعتذر عن اللغبطة فى الاسامى انا كمان ليا عظيم الشرف بالتعرف عليك وضفتك عندى مشكلة موضوع البنزين دا بصراحة بس انا ميزانيتى مش عارف اوصفلك يعنى بس تمن العربية هيقطم وسطى وهيحطنى فى موضع مديونية كبير بالاقساط وكدا لإنى زى مافهمت حضرتك طالب اما انى اجيب مش زيرو فدا صعب لإنى جربت كتير لإن ماشاء الله معظم العيلة معاها عربيات يعنى ابن خالتى معاه عربية , زوج خالتى معاه , والدى معاه , ابن عمتى معاه , بنت عمتى معاها , فأنا جربت حجات كتير اوى وحالياً ماشاء الله كل اللى ذكرتهم دول راكبين زيرو منهم بنت عمتى راكبة أى تن بس مش بتلمسها لحد ولا حتى والدها وللأسف مش عارف اجربها
|
 |
|
|
