عايز مساعدة في تظبيط لانسر 99

[lido123]

عندي لانسر موديل (99) عامله 170,000 كم 1300 سي سي و عايز أظبطها,,,, يا ريت حد يقوللي أظبطها عند مين؟ بس يبقى جامد ويظبطها من أولها لحد آخرها.... ولو عايز أركبلها موتور 1600 سي سي؟؟ هل ينفع؟ ولو نفع, حتتكلف كام؟؟؟؟؟؟

[shooter123]

حدد انت عايز ايه بالظبط عشان نعرف نساعدك انواع التظبيط ايه؟؟؟؟؟؟ هل جنوط وتنفيخ وعتب ولا تظبيط كلاسيك ولا تظبيط للصالون ؟ وكمان انت منين عشان اللي يدخل موضوعك يقولك علي عنوان اللي تروح له يعني انا مثلا من طنطا ارد عليك دلوقتي ازاي وااقولك ايه؟
اخر نقطة بلاش تسقط الموتور بتاعها هي كدا زي الفل
انا معايا مكواة 2003 يعني الشكل متغير عن الكريستالة ولذلك تظبيطك غير تظبيطي
ويا ريت تجاوب عن الاسئلة دي عشان الناس تعرف ترد عليك وتساعدك

[lido123]

أنا عايز أظبط فيها كل حاجة (تركيب جنوط 17, تظبيط عفشة, أحط فرش جديد, و يا ريت تقوللي أعمللها عمرة؟)

[hazem_khidr]

لو عاوز موتور 1600 جيكلفك حوالي 10 الآف جنيه
تنزل تشتري موتور مايفك 1600 بتاع الكريستاله
بالفتيس و الضفيره و الكنترول يونت و الفيوزات و العفشه و الفرامل
و ال ABS و الردياتير و التابلوه و كل حاجه
يعني من الاخر تجيب نص امامي كامل من غير الصاج
بس حتركب عربيه تحفه بعد كده
بالنسبه للجنوط الطقم ال 17 حيعمل مش اقل من 3200 للماركات النضيفه نوعا ما
لكن لا ينصح بيه في الكريستاله و العربيات الصغيره دي كلها هو جنط 15 او 16 بالكتير
و ممكن تجيب اكصدامات ميراج تعمل في حدود 1200 جنيه
و ترش العربيه بنضافه و تكمل باقي الاكسسوارات اللي ناقصه و بكده حتبقي حلوه ان شاء الله
يعني تعمل حسابك في 20 الف علشان تعرف تركب عربيه معدله بنضافه و من غير عك

[Medo Tune]

عاوز تظبط عربيتك تبقي جامدة هقولك علي شوية حاجات تعملها جامدة أوي
لو أنت عاوز عربيتك يبقي ليها صوت مميز يبقي
هتركب فلتر رياضي وده سعره من من 300-350 نوع عالمي ونضيف وده مش صوت بس لكن بيخلي الموتور يستعيد قوته الحصانية
وتركب طقم شكمان تربو الي هوا الديفيل وده يتكلف حوالي 1000 جنيه هيبقي 2 شكمان واحد من اليمين والتاني من الشمال
وده مصري درجة أولي علب استانلس ستيل وده برده مش صوت بس لكن بيخلي الموتور يستعيد قوته الحصانية
وبالنسبة للمظهر الداخلي,الفرش
هتركب 2 كرسي سبور Recaro or sparco ودول تمنهم حوالي 1650 جنيه وتركيبهم يبقي حوالي 450 جنيه بالتعديل
وبالنسبة للكنب الخلفي هيعمله السروجي عشان يبقي زي الكراسي الأمامية وده يتكلف 500 جنيه
وبالنسبة للدركسيون هتجيب طارة اسبور وديه بتبقي ب200 جنيه بالزور
وبالنسبة للتابلوه بيتفك وبيترش رشة كويسة عشان ميقشرش وده بيتكلف حوالي 350 فك وتركيب ورش
وبالنسبة لطقم الصوت
هتركب طقم صوت بعشر سماعات وبازوكا و3 شاشات عرض وكاسيت دي في دي بايونير او سوني
وأسعارهم 1200جنيه 10 سماعات سوني
4 سماعات سوني سماعة في كل باب
وسماعتين سوني في الأمام في التابلوه
وأربع سماعات سوني في الرف الخلفي
والبازوكا 1000 جنيه سوني وديه هتركب في الشنطة
والكاسيت 1200 جنيه سوني دي في دي أفلام و Mp3 و Aux
والشاشات شاشة أمامية بلوتوث وتاتش وممكن تطلب عليها من الموبيل وتشوف عليها العربية من ورا وديه ب 500 جنيه
والشاشات الخلفية بحوالي 700 جنيه وديه بتركب في الكرسي من الخلف زي الBMW
وبالنسبة للمظهر الخارجي
هتركب اكصدامين بكساحاتهم حديد وهتركب عتبتين وهتختار من الكتالوج الشكل الي انت عاوز ودول مميزاتهم ان هما حديد يعني بيستحملوا ودول ب حوالي 1300-1500
وهتركب أسبويلر وده حوالي ب 300 جنيه
ولو عاوز ابواب تفتح لفوق فديه بتتعمل البابين ب 3000 جنيه
ولو عاوز أبواب تفتح بالريموت من غير اوكر (Door Handle) ديه بتتكلف حوالي ألف جنيه
هتغير الفوانيس بفوانيس أسبور وهتتكلف حوالي 500 جنيه
بالنسبو لسمكرة باقي العربية والدوكو
1500 جنيه وهتترش اللون الي انت عاوزه بالكتالوج ودوكو فرن ميتاليك وهيتعمل اي خبطه في العربية وممكن تترش لونين
وبالنسبة للكامليات
زجاج كهربائي وده هيبقي ب 700 جنيه
وسنتر لوك وإنظار ودول بحوالي 400 بالتركيب
ونيون تحت العربية وده منه أربع الوان احمر واصفر واخضر وازرق وده ب500 جنيه
وطقم زينون ب1000 جنيه وده هيبقي philips aw siemens
وشوية علامات اصلية ومادلية للعربية بحوالي 100 جنيه
وبالنسبة للجنوط
هتركب جنوط 15 او 16 اسبور واربع كاوتشات اسبور ودول هيتكلفوا حوالي من 3200 إلي 3500
واتفرج علي العربية بعد كده
واي سوال انا تحت امرك