تجاربى المريرة ومشاكلى مع الاسبرانزا A114

[خالدخليفة]

المشاركة الأصلية كتبت بواسطة sam ram هههههههههههه ptmnlo123per145 لا يا دكتور ... دي غير دي .. الاولانيه كانت ضغط الهوا لعربيه A 113 ... لكن دي ... ضغط الدم لعربيه A 111 ...

المشاركة الأصلية كتبت بواسطة ihabyahia كل ده فى 200 كيلو يا حرااااااااااااام و كمان بيعتها ب48 ألف يا خسااااااااااارة و كمان بقيت A115 يا قلبك

المشاركة الأصلية كتبت بواسطة khaled_sadek يا سيدى اعتبر نفسك شارى عربية على المحارة وحتشطبها بس الا قلى ايه اسبرانزا 114 ديه توكتوك جديد

المشاركة الأصلية كتبت بواسطة humhum بعد استنساخ النعجه دوللي اصبح هناك استنساخ للتاجر مينا موحد قطرين الصعيد اللي لبسو في بعض ارحمونا بقا انا اللي اعرفه ان ابو الفتوح متعاقد مع نجار كويس يقفل مفصلات الاسبيرانزا اما الشمعه فده لازم تحترق عشان تنور للي حواليها وبعدين مع احترامي مين ال ...... اللي اشتري عربيه بدون باب ب 48 الف كفايه قراية لتان تان عشان بتخلي خيالك خصب بزياده

المشاركة الأصلية كتبت بواسطة rotana_cinemaa يا جماعة هو الي غلطان كان راكب عربية A114 بتمشي بالشمع موش عايز الشمعة تطفي والباب يطير والبرق يبرق والرعد يرعدد والشاي يدلق عموما هو ************************ طبعا قصدي العربية محدش يفهم صح يا خلابيص ههههههههههههههههههههههههه ههههههههههههههههههههههههه ههههه

كل الكلام ده مش سخرية
اعذرنى واستحملنى انا بحب الحق وحقانى حبتين وكون الراجل قال كلام ممكن يكون قاله ومش عارف يعبر بيه صح ده مش معناه ندخله تحت مفرمة السخرية ولكن نقوم ونقيم كلامه ونناقشه والا ايه

[خالدخليفة]

وبعدين كونى طالبت بردود مفيهاش سخرية يبقى تكميم للافواه وبعد عن مقارعة الحجة بالحجة
قال الله تعالى
(ياأيها الذين أمنو لايسخر قوم من قوم عسى ان يكونو خيرا منهم ولانساء من نساء عسى ان يكن خيرا منهن )
اعتقد مفيش بعد كلام ربنا رد بليغ
وعموما حضرتك وحضراتهم احرار و ده رايى وانا قلته انا اجتهدت فاخطات فلي اجر وان اصبت فلى اجران

[حازم شاهين]

المشاركة الأصلية كتبت بواسطة خالدخليفة كل الكلام ده مش سخرية اعذرنى واستحملنى انا بحب الحق وحقانى حبتين وكون الراجل قال كلام ممكن يكون قاله ومش عارف يعبر بيه صح ده مش معناه ندخله تحت مفرمة السخرية ولكن نقوم ونقيم كلامه ونناقشه والا ايه

أعذرك طبعا و معنديش أى مشكلة و مش حضرتك لوحدك اللى حقانى و بتحب الحق

و السبب فى سخرية الناس من كلامة إنه تجاهل مشاركات أبو نورا و سام رام إللى كانت بتناقش الموضوع و بتقييمة بموضوعية و إهتم فقط بالرد على مشاركة واحدة طالبته بالصور.

مش بجيب الحق عليه و لا حاجه لكن لما يكون عندى قصة ضعيفة و أمتنع عن مناقشة أو حتى ذكر تفاصيلها يبقى من حق أى واحد يشكك فيها و خصوصا أصحاب السيارة إلل صعب يصدقوا الكلام ده و هم بيتعاملوا مع السيارة يوميا بدون ما تحصلهم حاجه من المكتوبة دى.

و انا معاك إن فيه سخرية من القصة لكن حضرتك قولت إنه وصل لدرجة السب و أنا كنت بسأل فين السب ؟ مش فين السخرية !!
السخرية كلها كانت من الإدعاءات بدون تفاصيل أو أدلة و ليس من الشخص نفسه فيما عدا جملة (بتخلى خيالك خصب) ، لكن مشاركة واحدة من صاحب الموضوع بشرح أو سرد تفاصيل المشاكل اللى بيقول عليها كان كفيل بإسكات الجميع

أما فى موضوع تكميم الأفواه فأنا لم أنكر عليك حقك فى إبداء ما تراه أو توجيه أى نصيحه تراها و لكنى كنت أبين موقفى و رأيى الشخصى و لم أتهمك بذلك مطلقا .

و أخيرا شكرا على تذكيرنا جميعا بالآية الكريمة من سورة الحجرات تنزيل العلى القدير الذى يعلو و لا يعلى عليه و هو أول و آخر ما يقال

يَا أَيُّهَا الَّذِينَ آمَنُوا لَا يَسْخَرْ قَومٌ مِّن قَوْمٍ عَسَى أَن يَكُونُوا خَيْراً مِّنْهُمْ وَلَا نِسَاءٌ مِّن نِّسَاءٍ عَسَى أَن يَكُنَّ خَيْراً مِّنْهُنَّ ۖ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ ۖ بِئْسَ الاِسْمُ الْفُسُوقُ بَعْدَ الْإِيمَانِ ۚ وَمَن لَّمْ يَتُبْ فَأُوْلَئِكَ هُمُ الظَّالِمُونَ (الحجرات - 11)

[meemee]

والله طب كويس انا منت هجيب شيري

[sam ram]

هو في ايه بالظبط ؟؟!!! ... أنا مش فاهم حاجه
هو الاعتراض على العربيه الصيني و لا على الردود (الساخره) ولا على عدم تدخل المشرف و تأنيب الناس على مشاركاتهم ومطالبتهم بردود محترمه !!!! ولا على خبر الجرنال اللي بقاله سنين اساسا و لسه الاهرام فاكرينه دلوقتي مع انهم عملو اختبار تاني للعربيه وسقطت تاني برضو ...( يمكن يجيبو الخبر ده السنه الجايه بعد الاختبار الرابع )
مبدئيا صاحب الموضوع الاصلي دخل عمل عضويه وعمل موضوع واحد من 3 مشاركات و (خلع )
ومعترضش على مشاركات او تعليقات الاعضاء مع ان له كل الحق ..لكنه فضل السكوت والاختفاء ptmnlo123per1118
ليييه ؟؟!!! ptmnlo123per118
لانه موضوع مفبرك .. ptmnlo123per130
وقبل ما حد يقولي ان بعض الظن اثم .. الرد :- المؤمن كيس فطن .. وكفايه كده اقتباس من القران الكريم و احاديث سيدنا محمد .. لأن كلام الله و الرسول (صلعم ) اعظم و اكبر من الموضوع ده او اي موضوع
ببساطه كده .. العضو غلط في الكتابه مرتين .. مره في عنوان الموضوع و التانيه في نص الموضوع نفسه ... يعني مش غلطه مطبعيه او غير مقصوده ... هو مش عارف هو بيتكلم عن انهي عربيه اساسا ptmnlo123per177
ولا احنا المفروض بنيتنا الطيبه و حسن الظن لازم نصدق اي حد يجي يقول اي كلمه ونقول على كلامه امين
طيب ما احنا حاولنا نناقشه .... مردش !!!
نقوله يا سيدي ايه اللي حصل .... ميردش !!!
اشرح يا استاذ ... ميردش !!!! ...
طب نعمل ايييه ؟؟!!!
واختفى لما عرف انه .... مش حيعرف يرد
ومكنتش اول مره موضوع الباب اللي طار ده .. لأننا للاسف بنعاتب الناس على ردودها في الموضوع ده بس مع ان كان في وقتها في موضوعات تانيه ناااااااااار .... ptmnlo123per197ptmnlo123p er187
(لو اعتبرنا ان الردود هنا ساخره و غير محترمه يبقى الموضوعات التانيه مخله بالاداب العامه و الخاصه و لا تصلح للعرض و يجب حذفها فورا مع شطب عضويات و ضرب بالنار وأخد بالتار ) ptmnlo123per163
موضوعات نار وكلام جامد عن العربيات اللي بابها بيطير بسبب ضغط الجو و التابلوه اللي بيسيح من الشمس والعجل اللي يبتخلع لوحده ...ptmnlo123per140
كلام كتير ممكن نلاقيه في الموضوعات دي وغيرها
http://www.masrmotors.com/vb/showthread.php?t=8748
http://www.masrmotors.com/vb/showthread.php?t=2958
http://www.masrmotors.com/vb/showthread.php?t=9413

وفيها مشاركه برضو عن باب طار من مفصلته لسبيرانزا ولما حاولنا نفهم ازاي من صاحب المشاركه مردش برضو زي العضو الفاضل صاحب الموضوع محل النزاع الدائر و الخلاف الاستيطاني والازمه الديبلوماسيه الراهنه ptmnlo123per1106
فالدنيا واضحه جدا ... ومش محتاجه ده كله .. و الموضوع ابسط من كده بكتيييييييير ptmnlo123per184

ومكنتش ناوي ارد او اتدخل لولا اني مشارك سابق في الموضوع و حصل اقتباس لمشاركه ليا وبالتالي رجلي جت في القضيه ونزل أسمي في التحقيقات بصفتي متهم بجريمه السخريه من الدرجه الاولى مع سبق التهريج و الترررللي
فلازم ادافع عن نفسي ...
وانا من هذا المزنق بدعو كل الساده الاعضاء بعمل موضوعات ساخره مرحه طالما لا يوجد بها اي تطاول او سباب
واللي نفسه في اي حاجه يقولها وحريه الرأي والتعبير يكفلها الدستور
والخلاف في الود لا يفسد في الرأي قضيه
واهم حاجه ... الاحترااااااااااااام ptmnlo123per128

يا جماعه احنا منتدى .. يعني داخلين نتكلم عن الحاجه اللي بنحبها ونرفه عن نفسنا شويه و نفيد نستفيد .. و ميمنعش نهزر شويه طالما في حدود اللياقه و الادب ...
و الموضوع ده من اوله لاخره تهريج ... وفي منه كتير ... يعني ينفع نقلب التهريج جد !!!!