صوت الكلاكس كل شويه بيتغير !!!!

[hazem_khidr]

iهو المشكله يا محمود باشا انه مش موضح الموقف بالضبط
علشان كده قولت احط الاحتمال التاني برضه
علشان ما يروحش للكهربائي و يقوله رجلش و خلاص و يطلع العيب من مكان تاني

[ahmedraafat00]

شكرا يا جماعه على ردودكم
و شكرا يا حازم باشا بس المشكله تقريبا ملهاش علاقه بالطاريه و الدينامو لان الكهرباء كلها كويسه و الكاسيت شغال عادى و كمان العربيه السه كانت بقالها فتره عند الكهربائى ولو كان فى حاجه فى الكهرباء كان عملها
بس هوا مينفعش انا اعمل الحكايه دى بنفسى اصلى الصراحه مش عايز اخلى كهربائى يشتغل فيها لان للاسف مش اى كهربائى بيفهم فيها و ساعات بيبوظوا الدنيا والحمد لله ان اخر شغل فيها كان عند واحد بيفهم واهيه ماشيه وانا الصراحه مش عايز اروح لكهبائى ليظبط الكلاكس و يبوظ حاجه تانيه ptmnlo123per144

[foolh_old_man2010]

انا معى لانوس شيفروله الكلاكس ماشى على مزاجه مره عالى ومره واطىء ومره الفردتين يشتغلو ومره فرده واحده وطبعا هى الدنيا كده ماشيه على مزاجه ولما تتوصل للعطل يبقى قولى 00مع العلم انه تاكسى الابيض يعنى جديده مش من زمان

[lol64]

المشاركة الأصلية كتبت بواسطة foolh_old_man2010 انا معى لانوس شيفروله الكلاكس ماشى على مزاجه مره عالى ومره واطىء ومره الفردتين يشتغلو ومره فرده واحده وطبعا هى الدنيا كده ماشيه على مزاجه ولما تتوصل للعطل يبقى قولى 00مع العلم انه تاكسى الابيض يعنى جديده مش من زمان

حصلت معايا كتير فى اللانوس اللى كانت معايا وبتطلع فى الاخر الريش بتاعت الكلاكس عايزه تتظبط كنت باشوف الكهربائى وهو بيظبطها قدامى

[AMMI]

بص يا باشا انا معايا 128 وبتحصل المشكله ديه كتير والحل كان هو ان البوق بتاع الكلاكس مش مربوط . أقصد ان المسمار اللى رابط البوق مش متربط كويس وبالتالى كان سلك الارضى الموجود ورا البوق مش لامس جسم السياره وبالتالى كان الكلاكس مره عالى مره واطى