|
#1
05-07-2011, 11:52 PM
|
|||
|
|||
حكايتي مع التسقيط
الموضوع ده اتمسح كتير منه لما السيرفر سقط فحبيت اكمله تاني
انا من اسيوط اول عربيه امتلكها ماذدا323 موديل 1982 عملت فيها كل الي ممكن تتخيلوه لكن كل حاجه وليه اخر وخصوصا في مصر كان نفسي في عفشه رياضيه مفيش عايز موتور انجكشن ملهاش لان الماذدا ملهاش سوق ولا حاجه في مصر شوفوا عملت فيها ايه واحكموا المهم بعتها وقلت لازم اشتري عربيه قابله للتعديل داخليا يعني موتور وعفشه و خلافه دورت لغايه لما عرفت ان اكتر عربيه بتتظبط في مصر المتسوبيشي وخصوصا الانسر الكرستاله ولكن كل ما اشوف وحده الاقيه يا مغيره صدر يا لحمه سلاح يعني من الاخر مشمومه ولو لقيت وحده حالتها كويسه تبقا فوق ال50000 الف لغايه لما شوفت الكولت97 عربيه كويسه كوبيه واهم حاجه نفس حوض وموتور الكرستاله ونفس العفشه يعني هالعب برحتي واشترتها37000 جنيه العربيه كانت متظبطه من بره اكصدمات عتب فيبر جنوط 16 أول ما اشترتها غيرتلها العفشه بوحده رياضيه استيراد ب2500 جنيه فيها رجلاش للتعليه والتوطيه الثبات اصبح تحفه بالنسبه للموتور بتعها كان 1300 كابرتير كان بيموت تحت رجليه لغايه لما خليته يجيب دخان ابيض من الشكمان فابتديت افكر فى تسقيط موتور وفي اسيوط ميعرفوش ياعني ايه تسقيط موتور كل ما اروح عند واحد يقول اديك موتور 1500 كابرتير عشره علي عشر احوال افهم فيهم اني عايز انجكشن ولا الهوا الي يقول ملهاش والي طلع فاهم شويه قال في 1500 اتنين كامه انجكشن موديل 98 لكن انا عايز موديل اعلي وسي سي اعلي علشان يتحمل الكبس لغايه لما هو سافر مصر واتصل بيا وقال إن في موتور 1800 موديل 2000 بتاع ميراج قلتلو هاتو وانا مغمض قال تعالا ركبو في القاهره احسن وانا للاسف كسلت أتشحن الموتور علي اسيوط وأتشال الموتورالقديم من العربيه ونزل الموتور الجديد وابتدي العذاب اولا الكرسي الي جنب سير الكتينه مش مقابل اتصلنا بالرجل بتاع مصر قال ان الموتور ده ليه كرسي مخصوص وهو نسي يبعته يومين ضاعوا عقبال ما وصل الكرسي وركبت المكنه تمام أنا كنت فاكر ان الميكانيكي هو إلي هيدورها فقال لا دي شغلانت الكهربائي دورت علي كهربائي كويس كل اما اروح عند واحد يقول ماليش فيه ولما لقيت واحد واتكرم وجه يبص علي المكنه اتخض من كميه الاسلاك والECU وطلعلي مصيبه تانيه كباس التكييف قافش رحنا طلعنا الكباس علشان نغيره سهل ولكن الكباس مفيش منه والا في اي كباس يركب علي القاعده بتعته وحتي لما جبنا كياس بالقعده بتاعته ماقبلش مكان المسامير في البولوك بتاع الموتور انا كان هايجيلي شلل من الي بيحصل رجعت للراجل الي خدت من عنده الموتور علشان نحل الخازوق ده كمان يوم كلمني وقال مش لاقي الكباس وقي مكنه 2000CC موديل 2007 كل قطع غيارها هي هي بتاعه ال1600 البومه وهاتفرق 1000جنيه انا قلت 1800 من 2000 مش هاتفرق المكانيكي كان هيموتني لما قلتله هنشيل المكنه دي ونحط مكنه تانيه المهم جت ال2000CC من مصر بعد اسبوع والعربيه ده كله فتحه بقها وركبت المكنه ونفس المشكله الاولنيه مفيش كهربائي عارف يدور الموتور اسبوع تاني العربيه مقطوره من كهربائي لكهربائي ولما يائست  ]قلت انا الي غلطان لما الراجل قال هات العربيه القاهره واحنا نسقطهالك وعملت الي كان لازم يتعمل جبت ونش حطيط علي العربيه و400كيلو علي الصحراوي الغربي ووصلنا مصر الونش خذ 850 جنيه وراحت علي الهرم خلف شبراوي عند كهربائي اسمه عماد اول ماحط ايده في العربيه قال ان الECU متشفر تاني يوم جبنا 7 ECU و عربيه متسوبيشي EVO6 2000CC وشلنا الECU بتاعها وابتادينا نجرب الي معانا لغايه لما اتنين دورو الEVO بعد ما دارت المكنه كانت بتنتش البوبينه بتسخن وبتقطع رحت غيرت البوبينه طبعا انا لوحدي وما ادراك ما الوحده خنقه الكلام ده كان يوم الاربعاء لما وصلت الخميس عرفنا موضوع الموبينه و ECU الجمعه الكهربائي بيستهبل كل ما تيجي عربيه يسيب عربيتي ويشتغل للناس يوم السبت انفجرت فيه علشان اخلص قال بكره الاحد هسلمك العربيه علي اساس انه هايسهر فيها الاحد الصبح رحت لقيته قاعد جنب العربيه بساله ايه الاخبار؟ الدينامو قاطع ومعملش حاجه والاحد المحلات كلها قفله مكنتش عارف اعمل ايه اتركنت لغايه يوم الاثنين الباشا شرف الساعه5 العصر وفك الدينامو ورحت غيرته وجيت ركبه تمام ابتدا يقفل في الضفيره وانا رحت اشتريت بوجيهات NGK ايريديوم و STURT BAR و فلتر رياضي K&N ورجعت كان هو قفل التابلوه ملحوظه  ]الكولت الي اشتريتها مكنش فيها علبه بور كانت عاده والموتور الجديد كان فيه طلمبه بور نزلت اشتريت علبه بور ب1200 جنيه علشان كله يبقي تمام ركبت العلبه بالخراطيم وحطينا زيت البور ودورنا الموتور فجاه غطاء الكبايه بتاعت الزيت طار ونفوره زيت بور اشتغلت الطرمبه بايظه والحمد الله فكو الطرمبه ورحت غيرتها وركبت وخلص الموضوع الثلاثاء الساعه 5 برضو شرف كان فاضل توصيل موسير التكييف عقبال مخلص الباشا كلام وشرب الشاي وشويت استهبال ركب الواسير بتاعت التكييف وابتدا يكبس الموسير هواء للتشييك وانفجرت فنبله في المكان ايه الي حصل ماسوره التكييف الكوتش اتفرتكت ايه السبب الله  جبنا خرطوم جديد وحت كبست ورجعت علشان اركبه ملقيتش الكهربائي سائلت راح فين الله اعلم وشويه كده الساعه 1 صباحا الصبيان كانوا بيتكلمو عرفت انو اتمسك في شقه ادعاره رحت داخل الورشه وخدت خرطوم التكييف رميته جوا العربيه ويافكيك مكنتش عارف اعمل ايه اسافر ولا استني المهم رحت عند محل كشف اعطال لان لمبه التشك كانت منوره وانا مش عارف اذا كان الكهربائي وصل توصيله الفيشه بتاعت الاعطال ولا لأ الراجل حط الكمبيوتر في الفيشه و حصل اتصال تمام وقال ان حساس العادم مش شغال كويس وعايز يتغير وباقي المكنه تمام استريحت نفسيا كانت الساعه3 صباحا لما خلصت من عنده ولقيت عندي مغص رهيب ادي اخرت الاكل بره البيت رحت عند اقرب صيدليه ادني شويه ادويه خدتها و روحت ركنت العربيه وجي اطلع الشقه الاقي البواب قافل باب البرج ا خبض انادي ما من مجيب الساعه4 ونص صباحا رجعت العربيه والمغص هيموتني وفردت الكرسي ونمت جوا العربيه لغايه الساعه 8 صحيت علي الشمس الي لسعتني الباب كان اتفتح طلعت الشقه ونمت لغايه الساعه2 ظهرا المشكله الوحيده اني كنت لوحدي مش لاقي حد اتكلم معاه كانت حاجه زفت نزلت ورحت عند كهربائي تاني كنت اتعرفت عليه ساعه الECU و هو الي جاب ال EVO6 خلال ساعه كنت مخلص التكييف وكان ظبت الموتور وعمل وصله بين الAIR MASS والفلتر الرياضي الموتور ال2000 فيهAIR MASS بين المنافولد والفلتر ورحت الحرفيين شلت مواسير العادم بوصه وربع وركبت مواسير استانلس 2.5 بوصه ب400جنيه وبصراحه فرقت في عزم الربيه جامد بعد كده اخدت الطريف الدائري ونزل الرمايه ودخلت بنزينه وطنيه وفولت92و علي الصحراوي مباشر نسيت اقول اني غيرت طقم العدادت بواحد فيه التشك انجن وعلي حظي الذيذ عداد السرعه 250 والRPM لغايه 9000 كنت ظبط زوايا علشان الشغل الي اتعمل في العفشه وانا مسافر كنت ماشي 120 ل140 لغايه لما واحد معاه تيوتا كورولا 2010 جي يرعش من ورايا العربيه عندي مكنتش مغسوله وشكلها يقرف فا اخدت يميني و قلت سيبه يعدي جه جنبي وبصلي و ادا كيكايه بصراحه مستحملتش كنت ماشي علي الخامس رحت مسقط رابع وانا ماشي علي 130 لقيت صوت جبار طلع من تحت الكبوت وعداد السرعه لقيته بيقع من 130 ل180 خلال تقريبا4ثواني علي الغيار الرابع ومن غير لود علي الموتورالRBM علي 6 ولسه قدامي لغايه 8 من غير ما ادخل في الRED ZONE واديت الخامس وبنفس التسارع وصلت ل 230 وبتاع الكورولا اختفي وفجاه لقيت الموتور اتنفض والسرعه بتقل زي ما اكون شلت رجليه من علي البنزين وخلال ثنيتين رجعت زي الاول مشيه طبيعي فجربت اوس بنزين تاني فوصلت السرعه لغايه 230 وعملت نفس الحركه اتصلت بالكهربائي وقلت له علي الي حصل قال إن طلمبه البنزين اخرها 230 وبعدين الضغط بيقل فلازم اغيرها بواحده اكبر كلام بصراحه ريح قلبي دي صور التسقيط طبعا مع الجري والشد لقيت العلبه الشكمان في الشارع رحت اغير العلبه بوحده اصليه وركبتها وشيلت العلبه الي في النص بالماسوره وركبت ماسوره 2.5 بوصه مباشر من الالهيدر للعلبه الي ورا وشغلت العربيه وعبينك ما تشوف الا النور جرار زراعي اشتغل العلبه الاصليه مستحملتش ضغط الهواء الخارج من الموتور فجبت ديفل اسانلس 2.5 بوصه بس مش اصلي وركبته بدل العلبه الاصليه ويعني صوته مقبول بالنسبه للي كنت فيه وطبعا اداء العربيه اختلف خالص بالنسبه لتجميع العربيه احسن بكتير من الاول ولكن ده اثر علي الفرامل كتير العربيه مابقتش توقف بسبب اندفاع العربيه الطنابير عندي كانت الاستوك بتاع العلربيه رحت عن عادل وجدي علشان اغيرهم بحاجه اكبر لقيت اسعار فلكيه 3000 الاف جنيه ورا وقدام ولفيت كتير لغايه لما عرفت احسن حل رخت عند واحد بتاع قطع غيار متسوبيشي واخدت من عنده ديسكات اماميه 15 بوصه بتاعت بومه 2007 بالكباسات بتاعتها من غير الشمعدان ولكن نفس ابعاد المسامير وجبت طنابير خلفيه 14 بوصه بتاعت ميراج كامل بالبلي بتاعها ب1000 جنيه ورحت عند الميكانيكي وفكيت الي عندي وتخيلو ان الطنابير الاماميه ركبت علطول في الشمعدان الاصلي بتاع العربيه والي ورا كذلك وفضيت الزيت الي كان في المواسير و جبت زيت كاسترول دوت4 وده انضف زيت فرامل جبته وغيرت الجنط 15 بواحد 16 استيرد ياباني وكوتش عريض 205 علي45 واتفرج علي الفرامل من 160 ل0 في 5 ثواني او اقل من غير زحلقه وطبعا العين وحشه [IMG]http://www.**********.net/Nile/images/smilies/36_1_40[1].gif[/IMG] بعد ما عملت كل ده علشان اقف معملت حساب الي ماشي ورايا واحد باسني من ورا والخمد لله جت سليمه فانوس خلفي و فعصه في الرفرف رحت سمكرتها وجيت ارش كان في شويه خدوش وتجاريح في باقي العربيه فقلت ارشه بالمره ورحت مغير لون العربيه للون محدش خطه علي كولت وعلشان مكنتش لسه اثبت لموتور علي الرخصه فقلت بالمره والحمد لله اترشت العربيه وطلعت تحفه ذي ما انا شايف ورحت الموتور و انا خاطط ايدي علي قلبي علشان حوار الموتور ال2000cc المهندس بص علي ورق الموتور وبص علي الرخصه لقي الموتور 1300 سي سي ملحوظهالورق بتاع الموتور مش مكتوب كم سي سي\ لقيت بيكتب 1300 في الورقه الفحص فاقل له ان الموتور ده مش 1300 ده......................1 600 فقال والله طيب 1600 في الورقه وبص للعربيه وقال ودي لونهاايه بقا رديت عليه نحاسي في السود فقال ماشي وخلص موضوع الموتور والون علي خير واخر حاجه جبتها للعربيه علشان خاطر الصيف والتكييف يشتغل كويس عازل للهيدر عامل ذي الرباط الضاغض بيتلف علي الهيدر جبته ولفيه انا وواحدصاحبي وخيفين لايطلع اشتغاله والعربيه تولع خلصنا ودورت العربيه في الاول محصلش حاجه ولكن اول مكبس كبستين علي الموتور ولقينا دخان ابيض طالع و رائحه غريبه معها ريحه شياط انا قلت خلاص هايولع ولكن مفيش 4 دقائق وكل حاجه هديت هو لونه كان ابيض بقا مصفر شويه ولكن تحط ايدك علي الهيدر ولا سخونه ولا حاجه وده بيفيد المكنه لان الهواء الي داخل بيكون بارد يعني اكسوجين اكتر قوه اكبر كفايه كده النهارده وده صور تعديل العربيه من بره تسارع كولتيتي قبل السقيط وبعد  وبعد ايه رايكو 
|
|
#2
06-07-2011, 12:36 AM
|
|||
|
|||
رد: حكايتي مع التسقيط
ممــــتاز والله ..
صبرك و إصرارك أنك تعمل حاجة كويسة فى عربيتك , شىء تستحق التحية عليه و ربنا يبارك لك فيها و يستر طريقك
|
|
#3
06-07-2011, 01:23 AM
|
||||
|
||||
|
رد: حكايتي مع التسقيط
مبدئيا مبرووووووووووووووووووووك وربنا يباركلك فيها وعايز اقوللك ان مافيش حلاوة من غير نار بس ها ارخم حاجة انك لوحدك وليا تعليق واحد بس هو ان عربيتك بيتسقط فيها موتور 2000سىسى v6 تحفة فوق 200 حصان كنت خد رائينا يا جدع
 قبل ما تشترى بس ما عالينا بقا ربنا يباركلك فيها و يكيك شرهااااااااااااا ومبروووووووووووووووووووك
__________________
|
|
#4
06-07-2011, 01:26 AM
|
||||
|
||||
|
رد: حكايتي مع التسقيط
جامد جامد ... تستحق التقييم والشكر وبوسة من ودنك كمان هههههههههههههه
انا بقالى ساعة تقريباً فى الموضوع بتاعك بذاكرة وبتفرج على الفيديوهات بجد موضوع ممتع واسلوب جميل وتجارب قيمة جداً تسلم ايدك وربنا يوفقك فى بيعها وتعملنا تقرير عن الجديدة 
|
|
#5
06-07-2011, 02:13 AM
|
|||
|
|||
|
رد: حكايتي مع التسقيط
الف مبروك وربنا يباركلك فيها بس ممكن اعرق التكلفه الكليه كام
|
 |
|
|
