|
#21
12-02-2009, 12:10 AM
|
||||
|
||||
رد: انا عملت حادثة بالعربية
الف سلامة عليك يا محمد قدر الله وماشاء فعل والحمد لله انها جت على قد كده والله لسه امبارح كنت مع واحد صاحبى معاه لانوس هيغير ربع بسبب سواق رمى عليه فطلعة فوق الرصيف ولبس فى الحيط والواد جسمة اتكسر (ربنا يكفينا الشر جميعا ويشفيه) والله يسامحة جرى وسابة
اللى عايز اقولهولك واللى كل الاخوه عايزين يوصلهولك اننا لازم نعمل حساب اخطاء الناس وخاصة ان القانون مش هيبقى فى صفك وانا هحكيلك على نموزج مشابهه لحادثة حصلت معايا فى المرج الجديدة وكانت الدنيا زحمة جدا وانا على اليمين وعلى شمالى مقطورة وبتاع المقطورة جة من ورا على شمالى وسحل وفرم صاج العربية بمسامير الجنوط بتاعة الفردة القدمانية اليمين ونزل التباع يقولى انت اللى غلطان علشان انت فى اليمين ! وسواء هتعمل محضر او متعملش مش هتسفيد حاجة بالعكس هتتبهدل اكتر لان فى عرف قانونى (ده لو كان هو غلطان كمان) ان صاج فى صاج بدام مفيش خسائر فى الارواح بيبقى موضوع عادى ومش هينوبك غير المشورة للقسم علشان المحضر وتقف تستنى المعاينة ووجع قلب وممكن الامين ولا العسكرى يحاول ياخد منك فلوس علشان يظبط المحضر ووممكن لو انت مدفعتش التانى يدفع وينقلب الوضع ضدك كمان فعلشان كده بنقولك معلش وتقبل الوضع المؤسف ده لانة واقع والف سلامة مرة تانية عليك يا محمد وبالنسبة للعربية الحمد لله بسيطة وزى ماقال احمد الصدر يا تغيرة بواحد فابريكا نفس اللون (بس مش مستاهلة) ياما يتعملة زرجينة وهتبقى بسيطة ان شاء الله ويترد الباقى يتسمكر بحموات وتشترى الاكسسوارات الازمة والفوانيس واذا كانت العربية راشة قبل كده يبقى ممكن تترش كلها وش نظافة او ترش الكبوت والرفرف لوحدهم والعربية كلها تاخد وش تلميع وهتبقى كلها مية واحد باذن الله ومتنسوش نسبتى فى الدولارات اللى هتلموها انت وشريف ptmnlo123per122 
|
|
#22
12-02-2009, 12:46 AM
|
||||
|
||||
|
رد: انا عملت حادثة بالعربية
حمدلله على سلامتك وواضح فعلا انهم يومين زى الفل فعلا انا عندى موتور العربية الله يرحمة بس بردو اقوللك الى ييجى فى الريش بقشيش الحمد لله انك انت كويس ومتزعلش نفسك على الى حصل وربنا يقويك وترجعها احسن من الاول
|
|
#23
12-02-2009, 01:00 AM
|
||||
|
||||
|
رد: انا عملت حادثة بالعربية
حمدلله على السلامة يا لانسر والله حاجة تخنق بجد معاك حق بس قدر ربنا والحمد لله انها جت فى الصاج سلامتك يا وحش وخبطة تفوت ولا حد يموت
ويا matmm خير ايه اللى حصل لموتور عربيتك انت كمان ده حادثة برضو ولا ايه ده
__________________
 
|
|
#24
12-02-2009, 03:19 AM
|
||||
|
||||
|
رد: انا عملت حادثة بالعربية
لا دى مش حادثة دة انا كنت ماشى بلعربية وقارص عليها شوية وهى اساسا كان فيها تخبيط خفيف من الموتور من تحت وبعد كدة يظهر ان البستم دماغة وجعتة من الرزع فساب الكرنك وطلع كسر وش السليندر وشكرا للموتور على كدة ولا ينفع بنكلة
|
|
#25
12-02-2009, 03:08 PM
|
||||
|
||||
رد: انا عملت حادثة بالعربية
|
 |
|
|
