تنصحونى اشترى التويوتا وافضلها ام الكروز ؟

[mido magdy]

لو حضرتك مقيم فى مصر تبقى الجنوب افريقى
ولو فى الخليج تبقى الخليجى
الحاجه الوحيده اللى تزعل فى الجنوب افريقى هى فتحة السقف والباقى فى صالح الجنوب افريقى

[Abeer]

حرام فعلا تقارن الالنترا و الكروز بالكورولا
أنا ما أعرفش الكروز بس جربت الاوبترا
الالنترا سوقتها و أنا بأجرب عشان أشتري و بصراحة الكرولا تتفوق عليها كتير في روعة السواقة و سلاسلتها و نعومتها
الكرولا كمان بصراحة تتفوق في الخدمة بتاعتها ... يعني كشكل الالنترا عجباني شكلها أكتر و لكن مش كل حاجة شكل و اخترت الكرولا للأسباب الآتية:
- سهولة سواقتها
- الراحة و السلاسة
- صوت الموتور اللي ماتسمعهوش
- استهلاك البنزين
- الخدمة الرائعة (وده بجد اللي فيها فرق ماحصلش بينها و بين التوكيلات التانية ... أحسن من غبور و منصور)
- إعادة البيع مهما قالوا عن الكرولا فالناس زعلانة انها بقت تخسر في موديل 2008 عشرين أو تلاتين ألف .... في العادي و من غير كل الاشاعات اللي طلعت ده انت بتخسر في عربية بسعر التويوتا مش أقل من تلاتين ألف و سعات بتوصل لخمسين ألف زي الرينو أو السيتروين مثلا

[مهند سالم]

مش معقول حضرتك بتقارن التويوتا بالكروز، التويوتا أفضل طبعا في كل شيء، أفضل في العزل، وأفضل في النعومة، وأفضل في استهلاك البنزين، وأفضل في التوكيل، وأفضل في إعادة البيع، طبعا التويوتا أفضل.
أنا مش بأقول الكروز وحشة، الكروز أعلى طبعا من السيراتو والالنترا، وأعلى من بعض الياباني زي الصني، لكن أقل من السيفيك والكرولا طبعا.
وفي موضوع جميل عامله الأستاذ حازم خضر عن الكروز يا ريت حضرتك تقرؤه هيفيدك إن شاء الله وشكرا ليك.

[elprince_dody]

بكل اللي فات دا مفيش حاجه تتقارن بتيوتا واللي يقولك في حاجه احسن منها الا الالماني و الهوندا معاها يبقي مالوش في العربيات ولا عمره ركب تويوتا
تويوتا و حترتاح و مش حتفكر تغيرها الا علشان تحدثها ....عن تجربه

[eskenderiya]

على فكرة يا جماعة الكروز نازلة اساسا عشان تنافس الكورولا فى العالم كله

رايى الكروز عربية جميلة و شبابية اكتر من الكورولا

و برده هتكون احسن فى اعادة البيع