التقرير المفصل بالصور للصغيرة اكسنت RB

[honda RB]

بالنسبه لموضوع البنزين طبعا اكيد لانه بيتقاس كمبيوتر وكمان انا ببقى متابع استهلاكى اليومى للمسافه والبنزين وعلى فكره انا شغلى فى اكتوبر ويوميا على المحور من امبابه لحد جامعة مصر للعلوم والتكنولوجيا اول مدخل الحى المتميز ده غير مشاوير كمان فى المناطق الصناعيه وغيره يعنى تفويله البنزين بتعمل معايا اسبوع ويومين .


بالنسبة للاستبترونيك ده فى كل فئات الأوتوماتيك ثابت لو كان قصدك + / ـــ

[mmarco90]

م وطبعا فى نظام زيادة سرعه العربيه يزيد من علو الصوت

ezzayyy ana mesh 3arf 23mlo kda 3andi

[momo333]

[QUOTE=honda RB;460161]بعد التحيه والسلامات .. واسف جدا على التأخير ردا على تساؤلات كل الأخوه اللى بيستفسره عن الأكسنت RB من مميزات وعيوب وحالتها عموما .
اولا: الحمد لله على كل شئ والفضل لله اولا واخير انى اشتريت السياره دى هاى لاين بدون فتحة سقف
ثانيا: التجربه والتقرير قبل وبعد صيانة ال 1000ك
ويارب اكون وفيت كل اللى الأسئله وربنا يكرم الناس جميعا فى حياتهم وعربياتهم .. اللهم امين



الموتور: هاااادى جدا جدا حتى مع التكييف او مع الوضع الرياضى وانت بتحرق على الغيارات ملوش
صوت يعنى صااااامت زى الموبايل كدا ههههههههه .

العفشه: مريحه جدا وفى المطبات ولا الهوى ولاتحس بأى شئ فى ناس بتشتكى من ان العربيه واطيه
ودى حقيقه بس مش واطيه اوووى يعنى اخرك تركب فيها من ورا 3 افراد اوزان عااديه .
( فى صيانة ال 1000 لاقيتها تاكس شرقيه تقريبا ومانيوال وكان الفتيس عنده فى طرقعه فى
الأول والثانى وواحد تانى بيعمل صيانة ال 5000 كان شاكك فى المساعدين الخلفيه لان اول
ما ركب 3 ورا العربيه زيقت وكان دمه محروق حقه طبعا انا سمعت كدا استأذنت منهم لانى
كنت لسه بغير زيت بس قلت ربنا يستر من اللى جاااااى )

الثبات: العربيه ثابتها كويس جدا لحد 140 بعد كدا معرفش لأنى دى السرعه اللى جبتها بعد صيانة
ال 1000 وطبعا لو عدا جنبك من قريب اوووى اتوبيس او ميكروباص او تريلا العربيه بتتأثر
بس بسم الله مشاء الله بتلم نفسها فى لحظات هى يعنى مش بتطير من الحاااااره وترمى على
اللى جنبك ده بس أثر احتكاك الهوا .

الباور: كهرباء وطبعا مفيش اخف من كدا يكفى انك تلف الدركسيون بصباعك الصغير ومع السرعات
العاليه بيتقل معاك والتحكم فيه يحسسك انك مسيطر على العربيه (ربنا يكفينا شر الحواداث) .

الفتيس: طبعا اتوماتيك ومريح العربيه اووى حتى وانت بتقرص عليه بيسقط غيار والعربيه تفتح
معاك الله اكبر عليها (يعنى مثلا تبقى ماشى على 60 كم والعربيه واخده الغيار ال 4)

نظام ECO: النظام بيقلل استهلاك الوقود وفيه لمبه خضرا بتنور اول ما العربيه تتحرك بس اول ما
بتقرص على العربيه اللمبه دى بتطفى واول ما العربيه تاخد غيرها الطبيعى بترجع تنور .

البنزين: موفرة جدا جدا جدا فى استهلاك البنزين يعنى تفول التنك 35 لتر او اكتر شويه ده يعمل معاك
تقريبا 600 كم واكتر من كدا (لما احبيت اصفر التنك كان الكمبيوتر محدد 50 كم المسافه
المتبقيه لحد البنزينه وبعديها صفر وكتب --- --- --- )
بس الحمد لله لاحقيتها واتفولت 35 لتر تنكها صغير بس ربنا بيبارك فى البنزين اللى فيه .

الدواسات: دواسة البنزين ناعمه وانت بترقص على العربيه وتقيله شويه فى الطلاعات الأوله ودى
ميزه فى الركنه ان العربيه مش تنط منك لو دوست جامد دواسة الفرامل دى حكااااايه
فراملها مش ABS بس ممتازه جدا جد جدا وفى اشد المواقف بتثبت جداره وعن تجربه .

العدادات: رياضيه وواضحه جدا وبتنور فى النهار اضائه عاليه ولما بتنور النور الصغير الأضائه بتقل
شويه طبعا مؤشر البنزين والحرارة ديجيتال وكمبيوتر الرحلات مسهل وموضح كل حاجه .

المرايات: مراية الصالون حلوه اثناء القياده وفى الركنه صعبه جدا والمرايات الجانبيه حوووت على
الجنبين موضحين كل حااااااااجه بيساعدوا حلو اوووى فى الغرز والمنحنيات والركنه كمان.

التخزين: شنطة العربيه واسعه جدا وكبيره والدرج الداخى برضه كبير ومسند اليد فى مكان للتخزين
وفى كمان جراب للنظارة زى الألنترا كدا .

الكراسى: مريحه وكرسى السائق بيتعدل ارتفاع ونزول تقريبا 20 درجه ولما بترفعه بطلع لقدم كأنك
بتقرب الكرسى للدركسيون وده ممتاز بالنسبه للناس اللى مش طويله اوووى الكنبه ورا
مريحه ولاكن ليس للأحجام الكبيره او طوال القامه (عايزه ناس سامبتيك) .

الكاسيت: CD و USB و ipood وبيوضح كل حاجه وبقلب فلدر واغنيه والسماعات كويسه ورا
وقدام وطبعا فى نظام زيادة سرعه العربيه يزيد من علو الصوت وفعلا ممتاز .


اتمنى انى اكون وضحت كل شئ واسف لو فى اخطأ كاتبيه او تعبيريه او ميكانيكيه وربنا يوفق الجميع ان شا الله ودى بعض الصور للفئه الهاى لاين[/QUOT جميل جدا علي فكرة و العربية حلوة اووي
انا معايا العربية دي مانيوال بس عندي صوت الترقعة دا في الفتيس لوحد يعرف ممكن يقولي علية انا مش فاهم اية الصوت دا و من ساعت الصوت و انا مخنوق من العربية

[mohie sad]

مشكوررررررررر

[wael mahrous]

المشاركة الأصلية كتبت بواسطة honda RB الف شكر على ردك وذوقك بس معلش الصور في مشكله فى رفعها وجارى حلها ان شا الله

السيارة من التصاميم اللى تعيش فترة طويلة من الزمن ما تزهقش منها ولكن عايزين نعرف الطرقعة اللى فى الفتيس وهل هى عادية فىالهيونداى ولا ايه؟ثانيا ليه فى مصر مفيهاش ABS وايه الكماليات الداخليه للسيارة.خاصة انى شاهدت الكماليات على الموقع العالمى لهيونداى وكان فيها حاجات أكتر