بعد اذنكم الي عنده خبره يفيدني في حاجات عايز اعملها في عربيه 125

[zoom89]

السلام عليكم ورحمه الله وبركاته
انا اشتركت مخصوص معاكم هنا عشان اسال انا بنفسي لاول مره دايما كنت بدور في مشاركات الناس بس ومستني منكم ردود وافيه بالله عليكم:angel2W22

نخش في الموضوع:
انا عندي عربيه 125 راكب لها موتور 131 1400cl وفتيس وديفرانسيه ناوي اجدد
المشاكل الي قدامي:
اولا سوست العربيه الاماميه والخلفيه الي راكب عندي سوست 132 قدام.ورا عملت قنطره ومن بعدها العربيه هبطت تاني من الجنب اليمين والعربيه ناشفه شويه في المطبات بس بتاع العفشه بيقولي المساعدين كويسين
عايز اعرف اعمل ايه للسوست قدام وورا يعني الارتقاع يبقي قد ايه ورا يبقي اعلي من قدام بقد ايه ؟جلب السوست الكويسه ايه؟وايه اسباب هبوط العربيه من اي جنب؟

ثانيا المساعدين والعفشه:العربيه لما بتيجي حاجه تحت العجل (طوبه او خشبه) بس كبيره شويه الدركسيون بيحود بشكل واضح وعايز اعرف سعر طقم البيض الانظف ايه يعني بيقولو في تركي اسباني يوغسلافي ايطالي ايه الانضف وبكم؟؟؟؟؟والعربيه فيها حدفه يمين
المساعدين برده عايز اعرف الانواع والصناعه والسعر وتقولولي ايه احسن حاجه فيهم

ثالثا الميكانيكا:انا لسا عامل عمره للموتور وشغال تمام بس في شويه مشاكل مضيعه طعم العمره خالص دواسه البنزين والسلك عندي بايظين خالص بيخلو العربيه متسحبش
عايز اغيرهم والميكانيكي قالي هات دواسه 132 هل هي تنفع وتبقي كويسه ولا في افضل

الكربراتير بتاعي كويس بس في مشكله في مسمار السلانسيه بتبقي العربيه مظبوطه الاقي العربيه تعلي وتوطي لوحدها وكل شويه اظبطه تاني

الديبرياج لما العربيه بتسخن بيعمل حاجه غريبه اوي بيخلي العربيه تتزلزل كده كأن حد لسا بيتعلم السواقه مثلا مبيوازنش بين البنزين والديبرياج وده في الغيار الاول والعربيه ثابته ودي مشكله كبيره اوي في الزحمه والطبيعي العربيه تسخن والدواسه ناشفه الدبرياج عالي او واطي الدواسه تقيله اوي


انا لو حليت المشاكل دي هبتدي علطول في شغل السمكره والدوكو وتظبيط الصالون والكلام ده
انا جايب اربع ابواب استيراد حالتهم ممتازه وتابلوه لادا وهشتري كرسين صالون وعايز اعرف اسعار كراسي الصالون
وسعر فتح الشنطه من جوه العربيه يكلفني قد ايه ؟؟؟؟
مستني ردودكم يا جماعه الله يكرمكم
واسف جدا علي الاطاله