مطب جرين بلازا .......... العربيات بتطير

[نبيل عبدالرحمن]

معلهش يا باشمهندس أحمد ، هى البويه اللاكيه فعلاً ما تستحملش سير السيارات فوقها وفعلاً كان لازم يكون دوكو لأنه بيجف بسرعة جداً ولو إتعمل كذا وش يكون أفضل
على العموم فكرة اللمبات الفلاشر فكرة جيده وأنا على استعداد للمساهمة المادية فى الموضوع لو تسمح لى بذلك
إمبارح بالليل كنت معدى من أمام جرين بلازا ولأنى عارف مكان المطب فهديت السرعة تماماً ولقيت واحد جاى من على شمالى بسرعة ، شاورت له يهدى مافيش فايده ولبس فى المطب وحسيت إن عربيته إتفكت من بعضها وركن على جنب ونزل يشوف فيه إيه وأكيد دعا على اللى عمل المطب

[احمد على 1999]

المشاركة الأصلية كتبت بواسطة نبيل عبدالرحمن معلهش يا باشمهندس أحمد ، هى البويه اللاكيه فعلاً ما تستحملش سير السيارات فوقها وفعلاً كان لازم يكون دوكو لأنه بيجف بسرعة جداً ولو إتعمل كذا وش يكون أفضل على العموم فكرة اللمبات الفلاشر فكرة جيده وأنا على استعداد للمساهمة المادية فى الموضوع لو تسمح لى بذلك إمبارح بالليل كنت معدى من أمام جرين بلازا ولأنى عارف مكان المطب فهديت السرعة تماماً ولقيت واحد جاى من على شمالى بسرعة ، شاورت له يهدى مافيش فايده ولبس فى المطب وحسيت إن عربيته إتفكت من بعضها وركن على جنب ونزل يشوف فيه إيه وأكيد دعا على اللى عمل المطب

الحكومة خدعتنى يا استاذ نبيل هههههههههههههههه
النهارده كلمت الكهربائى فى التليفون مكنش سامعنى و كان عندى مشوار قولت لما اخلصه ابقى اكلمه
و جيت طالع من الشارع لقيت الحكومة بيدهنوا المطبات اللى عند المديرية و هما شبه المطبات اللى عند اسيد اللى كنت بحاول ادهن واحد فيهم
فقولت الحمد لله اكيد حيدهنوا اللى عند اسيد
و مكلمتش الراجل
و المطبات اللى عند اسيد متدهنتش
المشكلة بقى انى راجع الشغل و حضرتك عارف مبقدرش اجى غير فى الاجازة بتاعتى بس
فمش حعرف اتصرف للاسف دلوقتى

[ahmed_zamalek7]

ده كله عشان مطب احنا عندنا فى الزقازيق يعتبر مفيش شارع سليم والمطبات ايه قياسيه هتحك فى العربيه يعنى هتحك ولو فى علامه تحذيريه اكيد هتلاقيها بس بعد متكون لبست المطب وساعات هتلاقى المطب تنزل منه تقوم نازل فى حفره اى حد فاضى فى الزقازيق بينزل يعمل مطب قدام باب بيته والشارع اصلا مش مستاهل هو متكسر لوحده وربنا يجازى كاتب الموضوع خير

[osama-am]

شكرا على هذا الموضوع يااستاذ أحمد .. بس فيه حاجة مهمه كان لازم تعرفها حضرتك من الاول . دهانات الطرق الماده الاساسيه فيها اسمها " ايبوكسى " ودى ماده امكانيتها رهيبه : شديدة الالتصاق - مقاومه للماء والعوامل الجويه - مضاده للاحتكاك . يعنى تقريبا مافيش حاجه بتأثر فيها وعلشان كده بتستخدم فى دهان الطرق والمطبات وهى مكلفه يعنى الكيلو سعره تقريبا 50 ج يعنى دهان مطب واحد يصرف مبلغ وقدرة !! وأى شئ من انواع الدهانات مش هيتحمل ابدااااااااااااااااااااا علشان كده كان لازم التفكير من الاول يستبعد الدهانات ويفضل الفليشر او اللوحة او الاثنين مع بعض لو امكن ذلك .. تقبل احترامى وتقديرى لشخصك الجميل

[TIGARSH]

جزاك الله خيرا على ايجابيتك الجامدة دى واتمنى اننا كلنا نبقى زيك لما نشوف الغلط نحاول نصلحه ربنا يحميك