|
#17
01-10-2008, 09:49 PM
|
||||
|
||||
نكت بس شلل ( شغل العيد)
السلام عليكم
جبتلكم شوية نكت بس بجد شلل علشان تخفف عليكوا شوية من الاحداث الصعبة نبدا بقى
. . . ليه السمك بيخاف من اتصالات؟ علشان أقوى شبكة..... - طب ليه عملاء موبينيل هيدخلو الجنة؟ علشان هما أحسن ناس.....ـ و ليه القطنه هتدخل معاهم؟ عشان مدام نظيفه قالت القطنه متكدبش.... - طب ليه عملاء فودافون ما بيبردوش؟ علشان فودافون أقوى تغطية..... _ امتى السما يبقى لونها بتنجانى لما الدنيا تبقى مسقعه..... ليه الهوت دوج مش راجل علشان سوو-سيس..... ليه القطر مهم ...... عشان تحتيه خطين ليه سندوتشات الكفته والبطاطس بتجري ...... عشان وجبات سريعه ليه اليابان معندهاش حنان ........... عشان ف قاره آسيا ) ليه البرازيل معندهمش تين ............ .عشان ف امريكا اللاتينيه ) ليه الفيل بينزل البحر بالشورت الاحمر . .......... عشان الشورت الاخضر مش نضيف ليه الصعيدي بيحط جنبه منبهين ............ . عشان واحد يضرب والتاني يحوش عكس نجيب محفوظ ؟؟ . ....... نودي محفوظ واحد بلدياتنا ماشي تحت الكوبري و رافع ايده ليه ؟ ......... عشان الكوربري مسلح ليه الكلب بيهوهو .......... عشان القطه بتنونو ليه الصعيدى بيربي شنبه؟ عشان الدبانه تمسح رجليها قبل ما تدخل..... عسكرى زهق من البندقيه عمل ايه جاب حمصية..... طماطمية عطست قالت .... كا كا كاتشبب واحد بيقول لواحد هى الساعة كام قالو انت فاكرنى جزرة وخد الشاكوش عالعجلة ومشى حاجه بتجري وعندها راسين و 8 رجول ....... كلبين بيجروا جنب بعض ليه القرد سريع ....... عشان القرد في عين امه غزال اول مخلوق ظهر عالارض هو الحمار الوحشي ليه ؟؟ . ........ عشان ابيض واسود و اخر مخلوق ظهر القنفد ليه ؟؟ عشان لسه بشوكه...... حاجه ليها اربع رجلين وطايره في الهوا. ....... قطه مضروبه بالشلوت عاوزين نطير كلب نعمل ايه .......... نضرب في ( 1\كلب )الكلب يطير مع الكلب ليه النمل مش بترضي تركب الفيل قدامها عالعجله ........ عشان بيلعب في الجرس فرخه معلقه سلسله فيها صوره بيضه ليه ؟؟ ............ صورتها و هي صغيره فرخه معلقه سلسله وفيها صوره طبق بيض اومليت ليه ؟؟ ........... صوره اخوها الشهيد ايه الفرق بين عمرو دياب و إليسا ؟؟ إليسا بتعمل شريط كاسيت .... و عمرو دياب بيعمل شريط كاراجل .... ليه المنبه بيرن ....... عشان مش معاه رصيد يتصل ليه القطه بتدخل عن الحلاق_ ...... عشان الباب مفتوح طب ليه الأقرع بيدخل عند الحلاق _ ........ عشان ياخد القطه ليه الصيدلي بيبني عماره_ ........ عشان يسكن الآلم طب وليه العماره وقعت ......... عشان بنااادول إكسترا ) ليه قبضوا على صاحب شركه جهينه .......... عشان ( زبادو ) متلبس ليه القطه بتخربش ............ . عشان نفسها تكسب ليه الأهرامات تلاته بس .......... عشان الشلن مش هايكفى نحط واحد كمان ليه السائح بيتصور جنب الاهرامات .......... عشان يطلع في الشلن ليه الام مدرسه ........ عشان بتذاكر لولادها عكس بالونه ايه ؟؟ . ........ نشفونا ليه الفيل بيلبش شرابات خضرا ........ عشان خضرا بتلبس شراباته عاوزين نحط فيلين في برطمان من غير ما يلمسوا بعض نعمل ايه ؟؟ ...... نحط فيل ما بينهم و نحطهم في البرطمان ليه عمر دياب و هو بيقول فى اغنيه راجعين مخبطش فى اللى وراه عشان طلعت زين واقف وراه وبيقولو تعالا تعالا عاوزين نركب 4 افيال على عجله نعمل ايه ؟؟ ........... نركب فيل و نديله البرطمان يمسكه في ايده حكموا على صاحب شركه موبينيل احكام كتيره اوووي ليه ..... عشان بيتحاسب بالثانيه خمسه صعايده قاعدين في اوضه كل يوم يخرج واحد ليه ...... بيلعبوا ستار ميكر قطر ماشي بسرعة 60 كلم في الساعة فكم عصفورة في الشجرة اذا كان الببسي ب75 قرش؟ ايه وجه الشبه بين البطيخ و الشمام ....... الاتنين اجازه الحلاقين حاجه صغيره و لونها احمر و بتاكل الزلط ......... بنت الحاجه الكبيره اللي لونها احمر و بتاكل الزلط طب حاجه لونها اسود و بتاكل الزلط. ........ ظل الحاجه الصغيره اللي لونها احمر وبتاكل الزلط ليه الفراعنه ريحه بقهم حلوه ......... عشان كان عندهم ابو الهولز طب عندنا ازازه حاجه ساقعه و فيها طوبه .. عاوزين نطلعها من غير مانكسر الازازه ؟ ........ نجيب الحاجه الحمرا الصغيره اللي بتاكل الزلط و نحطها في الازازه ليه الفراعنه كانوا عيال ........... عشان كانوا بيرسموا عالحيطه طب ليه ابو الهول كان وشه اصفر ......... من خوفو طب اتنين فراعنه قعدوا عالفهوه هايطلبوا ايه ؟؟ ...... اتنين اااااامون و حجر رشيد لايت واحد ماشي في الشارع و لابس كوتشي ابيض ليه ؟؟ ........... عشان ماشي مع الطقم واحد بلديتنا واقف قدام المرايا و مغمض عنيه ليه ؟؟ ............ ......... .... بيشوف شكله و هو نايم مهندس كمبيوتر، حلل دمه، طلعت فصيلته .......... HP لية السمك بيخاف من الجنية....؟! علشان الجنية فية 100 قرش......... فيزيا بقه واحد تايه في الصحرا ومعاه مسطره حرف تي ..يعمل ايه ؟؟ .......... يسمك المسطره ويقيس مسافه ... يكاملها تبقى سرعه ... يكاملها تاني تبقى عجله ... يركب العجله ليه اللبن جايب ( ض.ج ) في الرسم ؟؟ ............ .. عشان لما بيقطع مش بيهشّر ليه اللبن جايب ( ض.ج ) في الرياضه ؟؟ ............ .. عشان لما بيــ( كامل الدسم ) بينسى يحط الثابت القاضيه بقى قطه بنت عم قطه تانيه ... وقطه تالته بنت عم التانيه ... و قطه رابعه تبقى بنت اخت التالته ...... و قطه خامسه تبقى عمه الرابعه ... وقطه سادسه تبقى بنت خاله مراة عمه الخامسه ... تبقى القطه الاولى تقول القطه السادسه يا ..... ايه ؟؟ تقولها ناو ناو الصعايدة تانى !! صعيدي صغير بيسأل أبوه بيقوله ليه ربنا خلق لنا الودان قاله عشان نعرف العمة هتجف لحد فين . -------- صعيدي ماشي ورا واحده بيعاكسها قالتله امشى عشان بابا جاي ورايا. قالها قوليله أن أنا أخوكي . ------ صعيدي نزل في محطة الرمل رجله غرزت ------- صعيدي سافر بره خمس سنين متواصلة لما رجع القاهرة لقاهم بيحتفلوا بسبوع أبنه بقىماشى فرحان أوى ويقول موجودين بنخلف مش موجودين برضه بنخلف ------- صعيدي مفتاح عربيته ضاع ميكانيكي جه فتحاله بطفاشه تاني يوم عمل نسخه من الطفاشه . ------- صعيدي راح لدكتور بلدياته قاله يا دكتور كل أما أحط أيدي على عيني مشوفش الدكتور خرمله أيده . ------- صعيدي حب واحده أتجوز أختها علشان يضمن يشوفها كل يوم . ------- صعيدي عايز يروح حفله تنكريه بعت أخوه -------- صعيدي أشترى كمبيوتر شال الفارة وحط جاموسه. ------ صعيدي أشترى تاكسي كل لما حد يقوله تاكسي يقوله أيوه تاكسي . ---------- صعيدي عاوز يزور فلوس جاب ورقه بعشرين جنيه وزورها بالضبط بس غلط وكتب بدل الـ 20 (18) وراح يفكها من القاهرة راح لأول واحد قاله عايز أفك الورقة دى الراجلقاله الله يخرب بيتك زورتها إزاى وخد الورقة ومشى وأستغرب أوى إن الراجلعرف دى مزورة منين وقال أنا هرجع البلد أفكها من هريدى ولد عمى راح لهريدىقال لهريدى ونبي ياهريدى فك لي الورقة دى هريدى قاله والله مفيش جنيهاتتاخد ورجتين بتسعة ------- صعيدي جاى ينزل من باب العربية لقي الدنيا بتمطر راح نازل من الباب التاني ------- صعيدي دايخ في كل محلات الموبايل ومش لاقى طلبه وراح شركة نوكيا برضه مش لاقى طلبه عشان عايز موبايل بقرص ------- صعيدي دق في صدر أبنه مسمار عشان يعلقله البزازه . ------- صعيدي أشتري عربية شبح طلع علي الطريق السريع عشان يجربها فشغل الراديو لقي المذيع بيقول هنا لندن الصعيدي قال يلعن أبو السرعة واحد بليد.. دخل امتحان عربي ... : اعرب الجمل الآتيه : 1- ( سور الصين العظيم ) 2- ( مرض جنون البقر ) اخينا تنح شويه ... وبعدين راح قايل .... اجابة البتاعه الأولانيه ( سور الصين العظيم ) سور : هو البتاع اللي بينط من فوقه الحرامي عشان يخش البيوت ويسرق الصين : نوع من انواع الادوات المنزليه ... بس نوع مفتخر ... الطقم بيوصل ل 100 جنيه في العتبه العظ : لما بيخش عليك حيوان بيعمل كده ... واشهر حيوان معروف بالحاجه دي ... هو الكلب يم : تقريبا والله أعلم ... بحر او حاجه كده يعني الجمله كلها معناها ----- لما ينط حرامي من فوق سور ... عشان يسرق طقم صيني .... الكلب هايعضه .. في البحر اجابة البتاعه التانيه ( مرض جنون البقر ) مر : دي الحاجه اللي طعمها بيجيب مراره في الحلق .... ويخليك تفصل دماغك قوام ض : تقريبا حاجه زياده ... شوية حبر في الورقه ولا حاجه ... مالهاش لازمه من الاعراب جن : اللهم احفظنا من العفاريت والجن والحركات دي يارب ... احنا ناقصين مزاوله ون : دي اصلا انجليزي ... ومعناها ( رقم واحد ) ... لغات انا برضه ألب : دي جبال موجوده في بلاد بره ... وجبال عاليه قوي ... بتاع 200 كيلوجرام فوق سطح برج الجزيره قر : ليها معنين حسب الجمله ذات نفسها المعنى الأولاني : الحسد والقر والكلام ده .... ودي مش راكبه على الحوار بتاعنا التاني : اختصار لكلمة ( قرنفل ) ... على طريقه المعلم ( رضا ) .... ---> انا باقص الكلا .... الكلام يعني ودي راكبه في الحوار ده ... يبقى معنى الجمله دي ------ المراره لما تجيلك .. هات جني ( نمبر وان ) . عشان يطلع جبال الألب ... ويجيبلك قرنفلايه خلصنا الامتحان بالصلا عالنبي منقول من الايميل
__________________
م / محمد قاسم معا لمقاطعة المنتجات الروسية والصينية نصرة لاخواننا في سوريا
|
|
#19
02-10-2008, 02:03 AM
|
||||
|
||||
|
رد: نكت بس شلل ( شغل العيد)
ptmnlo123per166ptmnlo123p er166ptmnlo123per166
تم النقل تسلم ايدك وكل سنة وانت طيب ptmnlo123per149ptmnlo123p er149ptmnlo123per149ptmnl o123per149ptmnlo123per149
|
 |
| الكلمات الدليلية |
| حوادث سيارات, الشاي, اعلانات, اضحك, دحك, فرفش, نكت, كاميرا |
|
|
