السياره المظلومه في مصر (امبريزا 2009)

[Galaxy]

ياجماعة السوبارو مش مظلومة ولا حاجة السوبارو ليها ناسها يعنى من الاخر كدة مش اى حد يركب سوبارو
والامبريزا السيدان نزلت 2009

[koky_90]

المشاركة الأصلية كتبت بواسطة Galaxy ياجماعة السوبارو مش مظلومة ولا حاجة السوبارو ليها ناسها يعنى من الاخر كدة مش اى حد يركب سوبارو والامبريزا السيدان نزلت 2009

انا معاك بصرحه ptmnlo123per1126
السوبارو ليها ناسها انا من عشاق هذه العلامه

http://www.youtube.com/watch?v=0duhVEZ6U4I

[PoweRPassioN]

السياره مش مظلومه ولا حاجه
هيا بس موتورها مش مكفي العربيه دفع رباعي بتسارع مقبول
وبالتالي متعه القياده تقل جدا في التسارع وفي السرعات القليله
بس الثبات بعد ال80 كم فارق جدا في الغرز

بس فيه سؤال :
هي مش ممكن يركبلها تربو؟؟ وهتدي كام حصان بالتربو لو ينفع؟؟
او هل ممكن يتسقطلها موتور اعلى زي بتاع الليجاسي 2000 سي سي او 2000 سي سي تربو
لو كدا تبقى بجد تستاهل وهتخليك طاااااااااااير !!

[أبوفادي]

السوبارو عربية جامدة بكل المقايييس.. بس شكلها اسيوي شوية.. محتاجة لمسات من جيجارو او بنينفارينا.. واللي يعرف يعني ايه دفع رباعي في عربية بالذات في شوارع مصر المحروسة اللي كلها اختبار للقيادة حتي علي الطرق المفتوحة..فنحن ولا فخر عندنا اسوء مهندسين طرق بالعالم ..وبعدين ماهي اغلب السيارات السوبر الرياضية اوحتي السيدان الفارهة رباعية الدفع انا شايف ان سوبارو عندها ميزة نسبية تقدر تنافس بيها في سوقنا قصدي السويقة والحيتان وتجار الصدفة والمصالح الشخصية وحتة الاستهلاك دي .. الفكرة تقبل كمنطق عام .. يعني اه نعم كل ما زادت الاجزاء الميكانيكية المتحركة زاد الاستهلاك والوزن ايضا .. بس قوة الاداء تعوض ومع شوية انظمة سلامة الكترونية وكمان تكنولوجيا الحقن والاشعال لم تترك فرصة للستهلاك الزيادة..ده مهمن كان برده موتور 1600 وايه يعني لما يغيب ثانية ولا ثانيتين عن اللي شبه بس مش رباعي الدفع

[Nour_peugeot]

انا ركبت العربيه دي في طريق سفر بس الهاتشباك

و بصراحه العربيه مش وحشه كا امكانيات و موتور و عفشه و ثبات

ده بالعكس ثباتها عالي جدا

الاحساس البيضيع المتعه هي ان العربيه مبتنجدش بمعني

ان العربيه تقيله فعلا و لو انت مثلا ماشي علي 100 و عيز تجيب 140 تتعبك جدا

بس برده ارجع و اقول كل واحد فينا ممكن يرضي بحاجه واحد تاني مش راضي بيها