كاش ولا قسط

[hhhesham]

المشاركة الأصلية كتبت بواسطة كيا سيفيا كلام 10/10 ومادام معاك الثمن كاش سيبك من القسط ومشاكله ( تأمين وبنك وضمانات وايصال مياه ونور ومفردات مرتب ونسخة مفتاح.....الخ ) حاجة تقرف . مع تحياتى

انشاء الله مفيش مشاكل علشان انا عميل حلو مع البنك يعنى وربنه يسهل

[كيا سيفيا]

المشاركة الأصلية كتبت بواسطة hhhesham انشاء الله مفيش مشاكل علشان انا عميل حلو مع البنك يعنى وربنه يسهل

واضح ان حضرتك واخد القرار مسبقا فلا داعى من الاستشارة وبالتوفيق مقدما

تحياتى

[hhhesham]

المشاركة الأصلية كتبت بواسطة كيا سيفيا واضح ان حضرتك واخد القرار مسبقا فلا داعى من الاستشارة وبالتوفيق مقدما تحياتى

لا والله بس انا سالت بره بعد الستشاره على فكره لم استقر على حاجه حتى الان و اسف لو كنت ازعجتك

[ahmed_eng2001]

اتكل على الله و اشترى كاش و سيبك من القسط و وجع القلب .... انا كنت مقسط عربيتى .... و حسيت بهم اتشال من على قلبى لما سددت الاقساط

[ameer900000]

شوف يا ريس انا بصفتي بكالوريوس تجارة هفيدك في الموضوع
الوديعة هي مبلغ يتم ايداعة في البنك بشروط ان الفائدة عليها مرتفعة 11 % سنويا يعني في خلال 5 سنوات تحصل علي 55% علي اجمالي مبلغ الوديعة ( حلو كدة )
القرض الذي يتم سدادة علي اقساط شهرية يتم حساب فائدة ثابتة علية 9% سنويا يعني في خلال 5 سنوات تدفع مبلغ القرض + 45 % من قيمة القرض كفوائد ( تمام يا عمنا )
تعالي نحسبها بالارقام
قرض 100 الف جنية يتم دفعة 145 الف جنية
وديعة 100 الف جنية يتم الحصول عليها 155 جنية ( كل دة في نهاية الـ 5 سنوات )
كلام زي الفل طبعا و انت الكسبان 10 الاف جنية و الحساب قدام عينك من غير خداع أهو
طبعا البنك مش عبيط .... تعالي اقولك فين الـ ان .. بتاعة الموضوع
العربية ثمنها 100 الف جنية ... و الفلوس معاك كاش
1- هتروح تحط الفلوس دي وديعة علشان تاخد عليها 55 الف جنية بعد 5 سنوات نهاية الوديعة
2- البنك هيدفع فلوسك دي لشركة السيارات ( ثمن السيارة ) و هيحسبهم عليك قرض يسدد علي 5 سنوات ؟؟؟
3- مطلوب من سيادتك سداد 145 الف للبنك خلال 5 سنوات قيمة هذا القرض علي اقساط شهرية
4- يعني خلال 5 سنوات تكون دفعت للبنك 245 الف جنية هما اية ( 100 الف جنية وديعة + 145 الف قيمة القرض وفوائدة )
5- تحصل علي 155 الف جنية نهاية الـ 5 سنوات عند فك الوديعة بارباح 55 الف جنية عن مبلغ 245 الف جنية تم ايداعهم البنك تقريبا 4.5% سنويا مع ملاحظة ان البنك دفع ثمن السيارة كاش بفلوسك التي اعطيتها لة كوديعة و انت دفعت لة 145 الف من مالك خلال 5 سنوات
تعالي نحسبها من ناحية ثانية
ماذا لو قمت انت بدفع الـ 100 الف ثمن السيارة كاش ( يعني بدون قرض و فوايد القرض و ايضا بدون وديعة و لا ارباح الوديعة ) و بكدة خلصنا من الخطوة الاولي
وتفتح حساب توفير في اي بنك تضع فية 2416 جنية (قيمة القسط الشهري الذي كنت ستدفعة للبنك سداد للقرض الذي دفعة بدلا منك ثمن للسيارة ) تأخذ علية فايدة 9% فقط سنويا من هذا البنك سوف تحصل تقريبا علي 185 الف جنية بنهاية الـ 5 سنوات لانك تحصل في السنة التالية علي فائدة 9% علي المبلغ الاصلي و فوائدة و هكذا كل عام
في الحالة الاولي تحصل بعد 5 سنوات علي 155 الف و سيارة بعد ان تكون دفعت 245 الف جنية
في الحالة الثانية تحصل بعد 5 سنوات علي 185 الف جنية و سيارة بعد ان تكون دفعت 100 الف كاش و 145 الف ايداع بالبنك علي اقساط شهرية مع عدم وضع نفسك تحت ضغط الاقساط

يعني البنك واخد من وراك 30 الف جنية مش انت الي كسبان 10 الاف جنية و كمان ضمن حاجتين
مبلغ 100 الف جنية وديعة متقدرش تقرب منهم 5 سنوات + 145 الف جنية يجب ان تدفعهم لة كاقساط شهرية لمدة 5 سنوات

نسيت اقولك حاجة مهمة الوديعة لو تم فكها قبل مياعد انتهائها بيوم لا يستحق عليها فوائد ؟؟؟؟

ربنا يوفقك

تقبل خالص تحيتي