محدش يشترى اليومين دول

[testtoto]

انا قريت خبر فى روز اليوسف ان مصر هتوقع اتفاقية ضمن أكبر تحالف اقتصادي للدول النامية والذي يضم 14 دولة خلال أيام بالبرازيل.

ومن السلع الى ضمن الاتفاقية العربيات

وان اسعار السيارات هيرخص جامد جدا

ودة رابط الخبر للتاكد من صحة كلامى واخيرا ممكن نركب زيرو يامسهل

http://www.rosaonline.net/Daily/News.asp?id=86824

[ahmedalkouly]

ياريت الحلم ده يتحقق وميطلعش كابوس شكرااا على الموضوع

[mercedes]

السلام عليكم و رحمة الله و بركاته

ياريت فعلا , الاتفاقية دى تساهم فى انخفاض أسعار العربيات , برازيلى.......برازيلى , بس نعيش , هى الحاجات اللى جاية من البرازيل وحشة , دى فل الفل , بس انا خايف تطلع زى اتفاقية أغادير بتاع العربيات الرينو المغربى و مانحسش أن العربية رخيصة ولا حاجة , يعنى تبقى اتفاقية عالورق و خلاص و تفضل برضه العربية غالية على عامة الشعب , ربنا يلطف بينا و الله , أنا كل مافتكر أن رئيس بوليفار كان مستنى عمال المناجم بتوع تشيلى يطلعوا عشان معاهم عامل واحد من بوليفار , يبقى هاين على أعيط ( من الفرحة طبعا ) .

بس يا ترى , هل مصنعى السيارات داخل مصر هيسكتوا , يعنى واحد زى غبور أفندى ده , كان بيبيع الفيرنا مثلا ب 70000 جنيه, يلاقى نفسه تانى يوم مضطر انه يبيع الالنترا ب 60000 جنيه لأنها جاية من كوريا بدون جمارك ؟؟؟؟ , ماهى كوريا برضه فى الاتفاقية اللوز دى .

MERCEDES S430

[مهند سالم]

على فكرة يا جماعة اشتراك مصر في الاتفاقية دي لسة تحت الدراسة، والموضوع لسة هياخد سنين، فميش داعي إننا نقول ما حدش يشتري اليومين دول؛ لأن الموضوع لسة هياخد وقت كبير. دي مشاريع مستقبلية، وليست آنية. وشكرا لصاحب الموضوع

[barme]

ربنا يسهل الحال مش عارف لحد امتى هتفضل العربيات غاليه